СҮЗЛӘР АЗ, ДИМӘК, ӘЙБӘТ ФИЛЬМ!

Гүзәл Минакова-Сибгатуллина белән эксклюзив интервью


«Тапшырылмаган хатлар» фильмында Галия роленә ничек килдең, Гүзәл?

Башта улым Арсланны чакырдылар. «Тапшырылмаган хатлар»да Галиянең малаен уйнарга. Шуннан башланды.  Ул бик актив безнең. ТНВ каналыннан да шигырьләр укый…  Бардык. Ошаттылар. Ләкин Арслан роль өчен бәләкәйрәк иде әле: 3 яшь ярымлык бала гына бит. Аннары миңа: «Галияне  уйнамыйсыңмы соң?» – диләр.




Шулай кинәт кенәме?

Юк, башта әле Галиянең дус кызы Алинә роленә чакырдылар. Ә минем үземә  икенче кыз – чая, кыю  Фатыйма ошыйрак. Бәлки, Фатыйманы, дим. Юк, кирәкми, Фатыйма бар инде, диләр. Аны Ләйсән Фәйзуллина уйный булып чыкты. 
Көннәрдән бер көнне Миләүшә Ләбибовна шалтырата. «Гүзәл, кил әле. Галия – син булырга тиеш! «Ак чәчәкләр»гә дә чакырасы идек, барып чыкмады», – ди.  Кирәк бит: китапханәдән Гадел Кутуйның «Тапшырылмаган хатлар»ын алып кына кайткан идем. Кабат укып чыктым. Укыган саен, Галиягә ныграк тартылам. Үземне Галия итеп күрәм. Уртак якларыбыз да бар кебек.

Кай якларыгыз инде ул?

Мин дә, Галия дә ерак авылдан. Казанга укырга дип килгәнбез. Классик музыканы, классик әдәбиятны яратабыз. Кечкенәдән әтисез үскәнбез.( Әтием үлгәндә миңа 9 гына яшь иде.) Минем дә ике балам бар...



Һәм син кастингка киләсең…

Әйе! Ришат Әхмәдуллин белән «Болгар» радиосына кастингка килгәч,  урамдагы эскәмиядә бераз сөйләшеп утырдык әле башта. Аның белән бергә уйнаган бар. «Зәңгәр шәл»дә Булат белән Мәйсәрәне уйнаган идек. Ришатны Искәндәр роленә чакырганнар икән. Галия ролен уйнарга теләүчеләр күп, бик күп иде! Галияләр әллә ничәү! Мин кастинг узганда, Миләүшә Ләбибовна: «Әйдә, Гүзәл, җырла әле!» – ди. «Галиябану»ны башкардым. Мине барысы да белә иде инде. Миләүшә Айтуганова да, продюсер Фәрит Галиев та… Сценарий авторы Дан Дамаскин белән тавыш режиссеры Илсөяр Дамаскин гына таныш түгел. Алар Мәскәүдән кайткан. Кич белән инде, миңа шалтыратып, Галияне уйныйсымны әйттеләр!

Сине тамашачы болай да яхшы белә инде!

Әйе, мин инде Камал театрының күп спектакльләрендә уйнадым. «Go, Баламишкин»да Алсуны, «Зөбәйдә – адәм баласы»нда мишәр кызы Сәрияне, «Кара чикмән»дә Куянны, «Бәби»дә Эльба дигән мәчене...



Камал театрына ничек килеп эләктең?

Бәләкәйдән үк җырларга ярата идем. Алексеевскийда мәктәпне тәмамлагач, башкаланы яуларга, җырчы булырга дип чыгып киттем өйдән. Ләкин, махсус белемем булмау сәбәпле, мине музыка училищесына алмадылар. Үзсүзле, үҗәт мин! Җырчы булмасам, артист булам дип, документларымны мәдәният һәм сәнгать университетының театр бүлегенә тапшырдым. Фәрит Бикчәнтәевкә рәхмәт: ул үз курсындагы яшьләргә талантларын ачарга, үзләрен күрсәтергә булышты! Тырышлыгым аркасында Камал театрына эләктем. Диләфрүзне уйнарга да Фәрит абый миңа ышанып тапшырды! Мин аны язмыш бүләге дип кабул иттем. 



Театрда уйнау – бер нәрсә, ә кино – бөтенләй башка, диләр...

Ничек кенә әле! Безгә башта ук шундый бурыч куелды: театрдагы кебек  уйнамаска! Кино ул – гел икенче! Геройны музыка, күз карашлары белән дә  ачарга кирәк. Реаль тормышка якын булырга тиеш! Андагы рольне театрдагы кебек үзгәртеп тә, яңа төсмерләр өстәп тә, иртәгә бүгенгедән башкачарак итеп уйнап та булмый. Аны кабатлап булмый! Моңа кадәр төрле эпизодларда төшкәнем булса да, кинода бу беренче зур ролем. Бик ошады! Аннары минем инде әзерлегем дә бар – Мәскәүдә ГИТИСта укыйм бит. Инде бер елым гына калды.

Куркып калмадыңмы?

Роль өчен бик борчылдым. Бик катлаулы, шул ук вакытта миңа бик якын да. Миңа никтер сүзләрем аз кебек тоелды. Даннан сорыйм әле, ни өчен аз, дим. «Бу бик дөрес! Сүзләр аз, димәк, әйбәт фильм! Сериалларның гына ул 80 проценты сүздән тора», – диде.



Синең героең – хатлар яза. Ә үзеңнең, бүген заман кызының, хатлар язганың бармы?

Бар, әлбәттә. Мәктәп елларында «Сәләт»кә бара идем. Менә шунда дуслашкан кызлар-егетләр белән гел хатлар языштык.  

Сиңа һәрчак җырлы рольләр эләгә. Ә «Тапшырылмаган хатлар»да ничек?

Композитор Эльмир Низамов  кино өчен махсус җыр язды! Ул фильмда ике тапкыр яңгырый.



Фильм төшергәндә нинди кыенлыклар булды?

Безнең съемкалар сентябрьдә башланды бит. Ноябрьгә кадәр сузылды. Күз алдына китерегез инде: карлы-яңгырлы салкын көннәр. Берсендә Кама Тамагында – Кама белән Идел кушылган җирдә, кыя кебек биек ярда бер яшьлек улым Әскәрне кочаклап төшәм. Галиянең төше буенча шундый күренеш кирәк иде. Үтәли җил уйный. Минем өстә юка гына күлмәк. Салкын бөтен тәнемә үтте. Авырып китмәсәм ярый дип бик курыккан идем. Аллага шөкер, бар да яхшы тәмамланды. Эпизодлар шулай ук Биектау районы Зур Кавал, Арча районы Наласа авылларында, Казан урамнарында төшерелде. Авыл кешеләренә рәхмәт, шулкадәр булышты алар безгә. Өчпочмак-бәлешләре белән дә сыйладылар. Ә салкын көннәрдә табигатьтә төшкәннән соң, тавыш режиссерыбыз Илсөяр учаклар ягып җылытты безне. 

Кинога төшүеңне өегездә ничек кабул иттеләр? 

Без өчәүләп уйныйбыз бит! Арсланның фильмда бер репликасы калды: «Мин дә барам!» – дип кычкыра ул. (Көлә.) Ә Арслан уйнарга тиеш рольне 5 яшьлек Кирилл уйный, апам Ләйсәннең малае. Әскәрне күтәреп төштем... Яшь бала белән җиңел булмас иде. Әниемә рәхмәт! Ул гел безнең янда булды. Мәскәүгә имтиханнар тапшырырга да әнием, улларым белән бергә бара идек. Ирем Динар театр кешесе булмаса да, иҗади кеше. Шигырьләр дә яза, гитарада да уйный. Минем таянычым, булышчым, илһамчым.


    
Ә үзеңнең яраткан киноң?
 «Три тополя на Плющихе»! Мин Татьяна Доронина уйнавына гашыйк!  Хәтерлисезме аның Нюрасын? Авылдан өч көнгә Мәскәүгә килә... Олег Ефремов, Вячеслав Шалевичлар уйный анда. Пахмутованың «Нежность» җыры яңгырый...  Ә «Старшая сестра»да Доронинаның театр турында монологын бөтен артистлар яттан беләдер инде... «Любите ли вы театр так, как я люблю его...»
 
    

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6942
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4355
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2847
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9425
    6
    35
  • Сыналган мәхәббәт бәхете Язмыштан котылып булмый, язмышыңа язылган булса, тешеңне сындырып керер, диләр. Вәсиләгә Газие белән бәхетле булырга язган булган инде. Урау юллар, яңа гаилә аша узып булса да. 
    3687
    0
    30
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда