​Зәңгәр чишмә челтерәве

Зәңгәр күлмәк кигән, зәңгәр гөлләр сөйгән» дигән сүзләр Рания Хәйрул­линага бигрәк туры килеп тора сыман.
Юк, зәңгәр күлмәк кигәне өчен тү­гел, ә зәңгәр төсләр сөйгәне өчен. Зәңгәр төс – чиста күк йөзе, су төсе. Без яшелне тереклек төсе дибез, ә бит зәңгәр дә тереклек төсе. Су – дөньяның башлангычы. Бәлки, шуңа күрә бу төсне үз итәдер Рания? Ә бәлки, балача­гы көмеш сулы чишмәләр, зәңгәр күлләр эргәсендә узганга зәңгәр-күк төсләр рәссам иҗатының төп төслә­редер. Аның эшләрен карагач, биткә Иделнең җиләс җиле кагылып үткәндәй була. Илаһилык, серлелек, шу­ларга өстәп, миллилек тә бар аларда. Су һәм һава кебек, хатын-кыз да яшәешнең башлангыч ноктасы. Рания Хәйруллина үз иҗатында хатын-кыз образына да зур урын бирә. Алар – милләт кызлары, аларда тарихы­быз шәйләнә, аларда Сөембикәләр рухы бар. Рәссамның иҗаты – мифлар һәм легендалар дөньясы. Борынгы мәдәниятебез аһәңнәрен ул «Милли авангард» стилендә сурәтли. Майлы буялар белән кин­дердә заманча сурәт­ләү алымын барлыкка китерә. Аква­рель буяулар һәм тушь ярдәмендә кәгазьгә рәсем төше­рү, декоратив паннолар буенча да үзенчәлекле эшләре бар. Гомумән, Рания Хәйруллина иҗат дәрьясында киң колач салып «йөзә». Дизайн, рәсем, сынлы сәнгать, һәм аның технологиясе, сценография, кием дизайнына кагылышлы авторлык программалары да бар аның. «Тамга» иҗат төркемен рәссам Раниядән башка күз алдына китерү кыен. 2002 елдан Чаллы дәүләт драма театры белән хезмәттәшлек итә, сәхнә бизәлеше һәм костюмнар – аның иҗат җимеше. «Зәңгәр кош», «Касә», «Укчы», «Дөнья яратылышы», «Фәрештәләр шәһәре», «Күк йөзе зәңгәр күлләргә бага» әсәрләрендә рәссам бөтен барлыгы белән ачыла. 

Рәссам кыз 1966 елда Казанда туа. Чаллы сәнгать училищесында укый, Чаллы педагогика институтын тәмамлый. Балалар сәнгать мәктәбендә укыта, укучыларының рәсемнәреннән күргәзмәләр оештыра. Ул укыткан балалар Япония, Франция, Канадада узган халыкара бәйгеләрдә катнашып призлар яулый. Татарстанның һәм Россиянең рәссамнар берлеге әгъзасы Рания Хәйруллина күргәзмәләр белән генә чикләнми, зур проектларга да алына. «Көмеш су бәйрәме» дигән күләмле проект өчен декоратив паннолар иҗат иткәндә тирән фәлсәфи фикерне җиткерә: борынгы легендаларның традицион мотивлары тормышның яңа төсләре белән баетыла, поэтик образлар гасырлар төпкеленнән безгә зәңгәр күзләр белән бага. Рәссам иҗаты аша борынгы риваятьләр дөньясы, Тәңречелек, иксез-чиксез илаһи Зәңгәр Күк белән күзгә-күз очрашасың.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6107
    3
    50
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6025
    4
    49
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8268
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    6862
    9
    33
Реклама
Соңгы комментарийлар
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр