Кайда йолдыз - шунда ай...

Картиналарын карауга, үзең өчен якын һәм кадерле күренешләрне күреп, җанда якты хисләр уяна.
Туган як бизәкләрен танып аласың, челтер чишмәләр җырын, кәккүк тавышын ишеткәндәй буласың, яшел болыннардан үлән исе тарала, ап-ак кышыннан сафлык бөркелә. Йолдызлы күк, айлы төн, урман-таулар, атлар, тирмәләр... Төсләре ачык, якты: яшел дә кызыл, зәңгәр дә сары, ак та шәмәхә... Бер караганда, ул рәсемнәр артык гади, бала күңеледәй ихлас. Әмма без күреп күнеккән әйберләргә бөтенләй башкача карыйбыз. Рәсемнәр бик заманча, беркемнекенә охшамаган, тирән фәлсәфәсе белән сокландыра! «Ак бүре», «Болгар җире», «Рабига күле», «Көрәш», «Корбан чалу» кебек эшләрендә исә милли төсмерләрне тоеп аласың. Шәрык фәлсәфәсе дә, суфичылык та, бай татар халык фольклоры да чагыла аларда. Тикмәгә генә Бакый Урманче традицияләрен дәвам итүче рәссам дип атамыйлардыр инде үзен!

Таныдыгызмы? Чаллыда яшәп иҗат итүче танылган авангард рәссам, Татарстанның атказанган сәнгать эшлеклесе Хәмзә Шәрипов (Шәриф) ул. Бик күп халыкара күргәзмәләрдә катнашкан бу рәссамның эшләре шәһәр, республика өчен генә түгел, бөтен татар дөньясы өчен дә кыйммәт: милли сәнгать юнәлешендә иҗат итеп, ул халкыбызның рухи кыйммәтләрен торгызуга зур өлеш кертә. Заманча сынлы сәнгатьне милли аһәңнәр белән баетып, аның чикләрен киңәйтә. Яңа ысул-формалар кулланып, авангардчылыкка, абстрак­циягә нигезләнеп, бүгенге тамашачыны асылыбызга кайтару юнәлешендә эшли, туган телебезне, мәдәния­тебезне, гореф-гадәтләребезне яратырга чакыра ул. «Милли юнәлеш булган сәнгать үзенчәлекле һәм бәһасез», – ди иҗатчы. Һәр рәссамның тамырларыбызны чагылдырган үз йөзе, үз теле һәм стиле булырга тиеш дип саный.

Хәмзә Шәрипов иҗатының тагын бер матур ягы – ул төрле техник чаралардан оста һәм отышлы файдалана. Гобелен, батик, киндергә ясалган, эмальгә төшерелгән картиналар, графика, табигый материаллар кулланып иҗат ителгән хезмәтләр – барысы да матурлык һәм гармония идеалларына тугрылык белән сугарылган.

Гади яфраклар. Яшькелт, сары каен, усак, тирәк яфраклары. Ә шуларга күпме картина образлары сыйган! Өе дә, агачлары да, ае, кояшы да...

Күпчелек картиналарында кабатлана ул. Кайда йолдыз – шунда ай... Бу – халык фольклоры. Бу – гармония. Матурлык, нәфислек, җылылык.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3643
    5
    124
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    1277
    5
    103
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10990
    5
    75
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6162
    0
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4430
    1
    50
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан