Канатлы рәссам

Ай йөзле бу кызны мин ерактан ук абайладым. Ул да минем уңышлы кадрлар эзләп, фотога төшереп йөрүемне кызыксынып күзәтте. Инде объективны үзенә төбәгәч, сөйләшеп тә киттек. «Мәрьям Садердинова булам мин. Мәскәү Рәссамнар берлеге әгъзасымын. Әтием белән җырчы якташларыбызга һәйкәл ачу тантанасына кайттык. Минем әтием шушы төбәктә – Петрякс авылында туып-үскән. Мәскәү авиация институтын тәмамлаган». Рәссам-график икән Мәрьям. Китапларга иллюстрацияләр ясау белән мәшгуль. Әмма аның майлы буяу белән эшләнгән сюжетлы картиналары да байтак.



Бу яшь кенә күренгән туташның инде үзенең башка рәссамнар өчен остаз булуын белгәч, соклануым тагын да арта төште. Югыйсә аның бар булмышында чагылган тыйнаклыгы бу инсафлы татар кызын өй мохитеннән бер дә читкә җибәрмидер кебек тоелган иде. Ул, әнә, В. И. Суриков исемендәге Мәскәү дәүләт академия сәнгать институтын тәмамларга да, Россия Рәссамнар берлегенең дипломанты булырга да, Англиядә, Франциядә, Иранда, Словакиядә төрле елларда үткәрелгән конкурсларда лауреат исемен алырга да өлгергән.



Ул бизәгән китаплар арасында Шекспир трагедия­ләре җыентыгы, Ф. Рабленың «Гаргантюа һәм Панта­грюэль» романы, А. Пушкинның «Борис Годунов» әсәре аерым бер урын алып тора. Күрәсең, китап бизәү эшенә Россиянең халык рәссамы, профессор В. Пановтан өйрәнү, Россиянең халык рәссамы, профессор Ю. Иванов янында стажировка узулар эзсез калмагандыр.



Татар укучысы Мәрьям Садердинованың Мәрҗани китап йорты чыгарган татар әкиятләре җыентыгына ясаган эшләрен аеруча хуп күрә. «Өч күгәрчен» әкияте аның үзенә дә кечкенәдән таныш. Кайсы татар баласы әкият тыңламыйча гына йокларга ятсын инде! Ул әкиятләрдә канатлы атлар да, батыр егетләрне очыртып кына алып китә торган Сәмруг кошлар да бар. Әнә шул канатлы очышлар турында хыяллану әтисен авиация институтына юнәлткән булса, кызны канатлы иҗатка алып килгән. Чыннан да, татар һәм кырымтатар әкиятләренә ясалган иллюстрацияләрдәге егетләр, грек әкиятләрендәге Икар кебек, күккә талпынып очалар. Һәр әкияттәге кебек, аның рәсемнәрендә дә урманнар кап-кара, күлләр сер тулы, аждаһалар явыз. Әмма барысында да яхшылык җиңеп чыга.



Татар әкиятләрендәге кебек, рәссам Мәрьямнең дә иҗат юлы җиңүле. Ул инде 2001 елдан бирле Мәскәү, Бөтенроссия, чит илләрдәге күргәзмәләрдә катнашып килә. 2012, 2013, 2015 елларда аның үзенең персональ күргәзмәләре дә булган. Исем булгач, иҗатына ихтыяҗ да бар. Мәрьям Садердиновага акварель, гуашь, темпера, акрил, тушь белән язылган эшләргә заказлар килеп кенә тора.



Аның хезмәтләре Россиянең һәм дөньяның төрле коллекцияләрендә урын алган. Алар хәтта Бөек­британия королевасы Елизаветаның шәхси фондында да бар. Франция, Словакия, Америка сән­гать­сөярләре – җәмгысы 11 шәхси коллекция үзлә­рендә Мәрьям Садердинова әсәрләрен булдырган.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син – минем ирем түгел Урын өстендә яткан картының кызу маңгаена юеш тастымал салып, янәшәсендә карчыгы утыра. –  Картым, үкенечкә кала күрмәсен, күңелемне ачарга телим сиңа. Алдадым бит мин сине, озак еллар буе алдап яшәдем! Син минем ирем түгел...
    10491
    2
    141
  • Сыңар алкалар Моннан шактый еллар элек Казандагы бер хастаханәнең травматология бүлегендә ятарга туры килгән иде миңа. Урыным алты кешелек зур, якты палатага туры килде...
    8072
    4
    101
  • КАЙТУ Самат  Гөлфиядән ун яшькә олы иде. Саматка – 28, Гөлфиягә – 18. Ялынып та карады инде Минзифа түти кызына. «Яшь аермагыз зур бит, көнләшер», – дип тә үгетләде, «Эчәргә хирыс түгел микән», – дип тә шикләнде. Тик Гөлфия, бичаракай әнисенең кисәтүләрен колагына да элмәде. Хәер, яшь чакта әни сүзен тыңлыймыни инде кеше? «Мине ярата бит ул, әни, – диде Гөлфия. – Мине беркемгә дә бирмәячәк ул». 
    6081
    0
    49
  • 3333
    1
    40
Реклама
Соңгы комментарийлар
  • 11 июнь 2021 - 11:28
    Без имени
    Дөрөс язасыз,вакытында кисәту- күпме фаҗигалардан саклап калыр иде!!!
    Казан кызы Абхазиядә күпердән суга төшеп киткән
  • 9 июнь 2021 - 14:43
    Без имени
    Элек кыз бала, ир бала дип аерып торылмаган. Минем әнием дә 15 яшьтән конюшняда эшләгән. Каршы сменада олы абый. Басудан ат җигеп ашарга алып кайту, төнлә каравыл тору бер кеше өстендә. "Ат өендә кунасың, төнлә торып караштырып керәсең, аннан бер сутка өйдә булгач җайлы иде,"дип сөйли иде әни.
    Яратып яшәмәдем
  • 10 июнь 2021 - 08:14
    Без имени
    Төнге клубта кәеф-сафа корып йөргәч намаз укып йөрүе нәрсә бирә икән ул иңгә?! Хәер, бүген дин тотучыларга "нигә шулай итәсең, гөнаһ була бит" дисәң, җаваплары әзёр- " безгә шулай өйраттелар". Үз гамәлләрен үзларе үк аклап куялар. Дин "мода"сы кердем. Монысы иң хәтәре.
    Ялгызлык проблемасы
  • 10 июнь 2021 - 18:29
    Без имени
    Рэхмэт бик зур👍👍👍🙏🙏🙏
    Бергә булганда
  • 10 июнь 2021 - 20:44
    Без имени
    Россия законы буенча бер генә хатын була ,ул да ЗАГС аша язылгач. Автор шуны бутамасын иде, мин аның икенче хатыны дип язган. Бу дөрес түгел. Сез үзегезне алдап юатасыз гына. Ул ирдән китеп үз торышыгызны башларга киңәш итәр идем. Һәр әйбернең үз вакыты. Сөяркә ролендә күпме яшәп була инде. 50 мең күп акча да түгел бит инде.
    Cөяркәм фатир бүләк итте
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан