Алсу Гыльметдинова: Күп тел өйрәнү — баланың физиологик үсешенә комачауламый

Күп тел өйрәнү — баланың физиологик үсешенә комачауламый. Икетеллелек темасы буенча диссертация яклаган галимә, КМТТУ-КАИ Халыкара мөнәсәбәтләр департаменты җитәкчесе Алсу Гыльметдинова шулай дип саный.

“Мин берничә мәктәптә булып, билингвизмның гамәлгә куелышын өйрәндем. Кызганыч, кайбер татар мәктәпләрендә директорлар миңа: мәктәпнең бурычы телләр өйрәнү түгел, телләрне, бигрәк тә татар телен, ата-аналар өйләрендә өйрәтсен, ә без мәктәптә бары белем бирәбез, ди. Телләрне өйрәнү ул һәркемнең шәхси эше, дип уйлыйлар. Әмма алар шуны аңламый: без - социаль кешеләр, телне өйрәнмәсәң, аны кулланмасаң, сөйләшмәсәң, ул югала”, - ди галимә.

Күп теллелек милләтне һәм телне юкка чыгара, дигән фикер белән дә килешми Алсу Гыльметдинова. Бу Совет чорыннан калган стереотип, дип саный ул.

“Әгәр дә без әлеге стереотипларны бетермәсәк, аларны юкка чыгару өстендә эшләмәсәк, алар безгә күптеллелекне үстерергә комачаулаячак. Кызганыч, безнең милләт кешеләре үзләре үк татарча өйрәнү һәм өйрәтүгә каршы чыга. Аларның фикерләре исә башка милләт вәкилләренең безнең ана телебезгә булган мөнәсәбәтләренә тагын да ныграк йогынты ясый. Чип-чиста татарча белгән, мәктәптә татар теле укыткан бер ханым белән аралашырга туры килде. Ул татар теленә карата бик тискәре мөнәсәбәттә. Аның коллективындагы башка укытучылар белән аралашканнан соң, алар миңа: татар кешесе үз телен яратмагач, өйрәнмәгәч, нигә безгә ул телне мәҗбүриләп өйрәтәсез, нигә алга сөрәсез, диючеләр булды”, - дигән фикергә килгән яшь галимә.

"Әгәр дә телне белмисең, әмма аңа карата карашың уңай икән, алга таба син аны барыбер өйрәнәчәксең. Тирәлегеңдәге башка кешеләр дә аңа уңай карый башлаячак", - дип саный ул.

“Рус мәктәпләрендә дә, күп теллелекнең файдасын белгән һәм күргән директорлар, башка телне өйрәнү өчен мөмкинлекләр тудыра. Үзе рус милләтеннән булса да, татар телен өйрәтү өчен укытучылар да таба, иң яхшы әсбаплар, уку-укыту комплекслары белән тәэмин итә. Укучыларның татар теленә мөнәсәбәте, аны яратуы шуннан тора”,- диде ул “Хәлбуки” проекты кысаларында укыган лекциясе вакытында. 
 
чыганак: http://tatar-inform.tatar

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6322
    1
    45
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7288
    0
    34
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3893
    0
    31
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1966
    0
    28
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2100
    0
    18
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда