Күз тию

 

Мәхмүт хәзрәт ШӘРӘФЕТДИНОВ җавап бирә. 

Күз тию күренешен ничек аңлатасыз? 

Мин үземчә авыруларны өчкә бүләм. Тән белән бәйле авырулар, курку, артык борчылу сәбәпле барлыкка килгән җан авырулары һәм рухи авырулар. Күз тию һәм сихер-бозымны менә шул рухи авыруларга кертәм. Мөхәммәд пәйгамбәрнең күз тию хакында әйткән бер сүзе бар: «Күз тию ул хактыр, йөгереп йөри торган бияне дә казанга кертер», –  дигән. Чыннан да, кайбер каты күзле кешеләр бар. Аларның күзләреннән билгеле бер дулкыннар (вибрация) пәйда була. Ул дулкыннар берәр кешегә яки балага барып ирешә икән – аның тормышында чирләр, авырлыклар барлыкка килә. 

Үзеңә күз тигәнне каян белергә? 

Кайвакыт кешеләр авырып китә. Төрле табибларга да мөрәҗәгать итәләр. Әмма медицина ярдәм итә алмый, кеше өметсезлеккә, төрле шикләргә бирелә башлый. Яки гөрләп барган эшләре көннәрдән бер көнне уңышсызлыклар гына китереп чыгара, тырышлык куйганда да җайланмый, гаилә тормышында таркаулыклар башлана... Мондый вакытта дога уку (яки белгән кешедән укыту) файдага булырга мөмкин. 

Күз тиюдән ничек арынырга? 

 Күз тиюдән арындыра, чистарта, саклый торган бик күп догаларны киңәш итә динебез. Шулай ук дин күрсәткән чистарыну ысуллары бар – Коръән аятьләрен, догаларны суга укып, шул суны эчү һәм шуның белән юыну. Догалы су белән коену – тәҗрибә аркылы расланган бер дини нәсыйхәт. 

Күз тиюдән сакланып калып буламы? 

Тән чирләре белән авырмас өчен, кешенең иммунитеты көчле булырга тиеш, диләр. Аның өчен табиблар дөрес тукланырга, стресстан сакланырга киңәш итә. Сулаган һавабыз, эчкән суыбыз да чиста булырга тиеш. Боларга әле физик эшне дә өстәргә була. Шуның кебек үк, кешенең рухи иммунитеты да югары булырга тиеш. Рухи чирләрдән сакланыр өчен, кешегә һәрвакыт уңай фикердә булу зарур. Күңелдәге хөсетлек, тәкәбберлек, башкаларны кимсетү уйлары безнең күңелебезне какшата, рухи чирләр килеп чыгуга сәбәп була. Кеше үзенең күңелен чиста тота, ашаган ризыгы – хәләл, «бисмилла»лы, өенә кергәндә-чыкканда догалы булып йөри икән – андый кешегә күз авырлык белән генә тия. Дөресрәге, күз тими дияргә дә була. 

Балаларны (кайвакыт үзебезне дә!) төрле бөтиләр, күз формасындагы сувенирлар ярдәмендә сакларга тырышабыз. Боларның файдасы бармы? 

Алда әйтелгәнчә, ата-ана баласын күз тиюдән саклап калырга теләсә, хәләл азык белән ризыкландырырга тиеш. Имезгән вакытта догалар уку, зекер итеп ашату баланың рухи иммунитетын арттыра. Ә инде бала  авырып китеп, табиблар ул авыруга дәва таба алмаса,  әлбәттә, аңа дога укырга, белгән кешедән өшкертергә ашыгырга кирәк. Суга, тозга, бала ашый торган ризыкка догалар укыйлар гадәттә. Догалы су белән коендыралар. Чыннан да күз тигән булса, бала тиз арада тынычланыр, аңа шифа килер. Миләш ботагын кесәдә йөртү, күз формасындагы төймәләр тагу да очрый. Алар барысы да ниндидер тормыш тәҗрибәсе аркылы килеп чыккан ышанулар. Әмма дин бу әйберләргә уңай карамый. Боларны куллану урынына дога белән шифалану һәм саклану киңәш ителә. Дога язып, шул кәгазьне бала янына кую да бар. Мөхәммәд пәйгамбәрнең якын шәкертләреннән берсе – ибне Гомәр бик еш кына балаларны күзгә күренмәгән дулкыннардан (күз тиюдән), шайтаннардан саклар өчен Коръәннән аятьләр язып, шуны балалар янына куйдыра торган булган, диләр. Догалы язу балаларны да, олы кешеләрне дә саклый, доганың һәркемгә бәрәкәте бар, тәэсире көчле икән. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 6 май 2021 - 18:08
    Без имени
    Ул индивидуально ошкерэ торган абзыйлар куп пкча каермамалар яхшы булып иде...
Хәзер укыйлар
  • 7903
    1
    69
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7886
    1
    55
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5802
    2
    53
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4154
    1
    46
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»