Дөньяның бөтен мөселманнары берьюлы дога кылырга җыена

Коронавирус таралу белән бәйле рәвештә Татарстан мөселманнары Казакъстан мөфтияте башлангычына – планетаның барлык почмакларында да берүк вакытта дога кылуга кушылачак. Гомуми рәвештә дога кылу иртәгә, ягъни 10 апрель көнне өйлә намазыннан соң булачак. Бергәләп дога кылуның төгәл вакыты ничәдә, аңа намазда булмаучылар да кушыла аламы, бу минутларда нинди догалар укырга, ниләр теләргә кирәк? 
Бу сорауларга Әлмәт шәһәре һәм районы имам-мөхтәсибе Фәһим хәзрәт ӘХМӘТҖАНОВ җавап бирә: 

– Дога – ул безнең Аллаһы Тәгаләгә мөрәҗәгать итә торган бердәнбер юлыбыз. Аллаһы Тәгалә бездән шуны көтә дә. Ул безнең хәлебезне белә, әмма аны җиңеләйтүне сорап үзенә мөрәҗәгать итүне тели. «Миннән сорагыз», – ди ул. Кешедә дә бит шундый сыйфат бар. Әйтик, кемгәдер синдә булган берәр әйбернең кирәген беләсең, әмма бирмисең, «үзе сорасын әле» дисең. Аллаһы Тәгалә дә безнең белән шундыерак мөгамәләне кора. «Сорагыз, сорасагыз бирермен», – ди ул. Ягъни, миңа мөрәҗәгать итегез, сорагыз, ялварыгыз, теләгез, аннары бирермен ди. Беренче адым бездән булырга тиеш.

Бергәләп, җәмәгать белән берләшеп дога кылу ул тагын икенче бер көчкә ия. Аллаһы Тәгалә безгә Пәйгамбәребез аша да, кодси хәдисләрдә дә җиткергән: «Мин берәм-берәм кылган доганы да ишетәм, әмма җыелып, җәмәгать белән кылган догага җавап бирмәскә оялам», – дигән. Димәк, кушылып, җәмәгать белән кылган доганың әһәмияте, көче бик зур, ул Аллаһы Тәгалә каршында аерым бер дәрәҗәгә ия. Монысы – бер. Икенчесе: Коръәндә, «Гыймран» сүрәсенең 103 нче аятендә: «Әй мөэминнәр, барыгыз бергәләшеп җыелган хәлдә Аллаһы Тәгаләнең арканына ябышыгыз» – диелгән. «Нур» сүрәсенең 31 нче аятенең ахыргы өлешендә исә болай диелгән: «Әй мөэминнәр, җыелган хәлдә, җәмәгать белән булган хәлдә Аллаһы Тәгаләгә кайтыгыз һәм тәүбә итегез». Тәүбә итү монда Аллаһы Тәгаләгә доганы да үз эченә ала. Бергәләп – илкүләм, дөньякүләм дога кылган вакытта да һәрбер кеше Аллаһы Тәгаләдән үз кимчелеген кичерүне сорасын. Бу – аның Аллаһы Тәгалә белән арасы яхшыруга китерәчәк. 

Дога – безнең авырлыктан чыгу юлыбыз. Әмма Аллаһы Тәгаләгә мөрәҗәгать итеп нидер сораганда, бу ялвару, сорау, тел белән генә түгел, ә йөрәк, күңел белән булырга тиеш. 

Иртәгә бергәләп дога кылуга намазда булмаучылар да кушыла ала, әлбәттә. Хәтта кушылырга кирәк тә. 
Төгәл вакыты дигәндә, Диния назәрәтендә өйлә намазыннан соң (мәчетләрдә әлегә җомга намазы урынына өйлә намазы укыла) дигән сүз булды. Димәк, ул көндез сәгать 12 тулып 10-15 минут узгач булачак. 

Бу вакытта нинди догалар укырга, нинди теләкләр теләргә соң? 
Беренчедән, кемдер аны мәчетләрдә имамнар, мәэзиннәр белән бергә укыячак: бу очракта, берсе кычкырып укыячак, калганнар «амин» дип торачак. Ә болай үзизоляция вакыты бит, һәр кеше үз өендә, кулларын күтәреп, моңарчы Аллаһы Тәгаләгә ничек дога кылырга өйрәнгән булса, шулай дога кылсын. 

Менә шундый теләкләр әйтергә мөмкин: «Раббым, безнең кимчелекләребезне кичер, безнең догаларыбызны кабул ит, шушы дөньякүләм авырлыклардан, сынаулардан хәере белән, җиңеллек белән безләргә чыгарга насыйп әйлә, авыр чирләрдән, шифасы булмаган авырулардан безне – кешелек дөньясын, илебезне, дөньябызны, халкыбызны чистарт, пакълә. Нинди гөнаһларыбыз, нинди кимчелекләребез шушы авыр чир чыгуга сәбәпче булган булса, шушы гөнаһ-хаталарыбызны кичер. Яраббым, хәерлесе белән шушы чирнең таралуыннан сакла, шушы чирнең безнең туганнарыбызга, якыннарыбызга, халкыбызга, милләтебезгә, мөселман кардәшләребезгә кагылуыннан сакла. Шушы вазгыятьне, шушы хәлне ислам динебезгә карата хәерле якка әверелдер. Амин!» 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7342
    1
    65
  • 7133
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5002
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7158
    1
    49
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»