Бөтнектән әзерлибез

Кайнатма

Бик тәмле, күңелләрне күтәреп, кәефләрне ачып җибәрә торган кайнатма рецепты өйрәтик әле үзегезгә. Ясап карагыз, һич тә үкенмәссез.

Кирәк:

* 250 г бөтнек (мята перечная)сабаклары һәм яфраклары;
* 1 лимон;
* 300 г шикәр комы;
* 0,5 л су.

 

Эш барышы:

Бөтнекне юып, вак итеп турыйбыз. Лимонны да вакларга кирәк булыр. Барысын бергә кәстрүлгә салып, өстеннән 0,5 л су коябыз. Кайнатып чыгарып, уттан алабыз да, бер тәүлеккә суыткычка куябыз.
Икенче көнне, суын сөзеп, шуңа шикәр комы кушабыз һәм янә утка куеп, кайнатып чыгарабыз. Пыяла банкаларга кайнар килеш агызып, калай капкач белән томалыйбыз.


Лимонад

Җәй көне балаларны сыйлау, үзегез дә сыйлану өчен менә бу эчемлекне әзерли аласыз. Сусауны да шәп баса, витаминнары да үзендә.

 

Кирәк:

* 6-8 лимон;
* 6-8 стакан чишмә суы;
* 1-1,5 стакан шикәр комы.

 

Эш барышы:

Лимонны әйбәтләп юып, сутын сыгабыз. Кувшинга лимон суты, чиста су һәм шикәр комын салып, шикәре эреп беткәнче яхшылап болгатабыз. Күңеле ачыракны теләүчеләр лимон сутын күбрәк, шикәрен азрак куша ала, баллы яратучылар исә, киресен­чә. Шушы ук эчемлекне бөтнек һәм лимон кабыгы кушып та ясарга була. Аның өчен: кайнап торган суга шикәр, бер уч бөтнек, һәм ваклап туралган лимон кабыгы салып, шикәр эреп беткәнче 1-2 минут кайнатабыз да, уттан алып, ярты сәгать төнәтә­без. Суынгач, сөзеп, лимон суты һәм чиста су өстибез.

 

Хуш исле боз

Боз катыра торган контейнерның һәр шакмагына икешәр кура җиләге һәм бөтнек яфрагы салып, чиш­мә суы (фильтр аша чыгарылганы да ярый) агызабыз да, туңды­рырга куябыз. Кыш көне шуны җиләкле-бөтнекле боз шакмагын салып чәй эчәр­без. Хуш исле булуы өстенә, кайнар чәйне суытыр өчен дә менә дигән ул.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8259
    1
    106
  • 8764
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9740
    1
    55
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...