Яңа елның «салмыш» Кыш бабае, яки баланың ышанычын ничек сакларга?

Бу көннәрдә Кыш бабай белән Кар кызының «урак өсте» вакыты.  Шушы 10-15 көн эчендә шактый мая туплап калырга өлгерә алар. Кыш бабайның ниндие генә юк: яшел киемлесе дә, кызылдан киенгәне дә, зәңгәре дә. Хәер, кигән киеменең төсе белән генә аерылмый алар. Араларында эшне намус белән башкаручылары да, вазыйфаларына бармак аша гына караучылары да бар.


Эштә хезмәттәшләр бер-берсен бүлдерә-бүлдерә балаларының Чыршы бәйрәмнәре турында сөйли. Кыш бабай нинди булган? Балаларны ышандыра алганмы? Өйләренә чакырталармы бабакайны?
    
Бер хезмәттәшем сөйли: «Әни, Кыш бабай чын түгел иде бит, дип кайтты кызым. Башлыгыннан кара чәче күренеп торган. Минем янда киемен дә салды, ди. 6 яшь кенә әле үзенә, бу көнгә кадәр Кыш бабайга ышана иде. Киләчәктә ни булыр?» – ди ул.

Икенче коллегамның  исә Кыш бабайдан бөтенләй гайрәте чиккән.

Кызым белән кайтып киләбез шулай. Каршыбызга Кыш бабай белән Кар кызы атлый. Каядыр эшләп чыкканнар булса кирәк. Кыш бабай дигәне пәлтәсенең төймәләрен чишеп җибәргән дә, рәхәтләнеп тәмәке пыскыта. Ярар инде кызым Кыш бабайга ышану яшеннән узган. Бу урамнан бит йөзләгән бала үтә. Алар арасында самими күңеле белән бабакайга ышанучы, аннан бүләк көтүчеләре дә бар, – дип сөйләде ул.

Чыннан да, соңгы елларда Кыш бабай белән Кар кызы дигән тылсымлы затлар бизнес чыганагына гына әйләнеп бара. Дөресен әйткәндә, мин үземнең Кыш бабайга кайчан ышанмый башлаганымны белмим. Чөнки ел саен кызыл пәлтәне физкультура укытучысы кия иде. Әмма мин Кыш бабайны нәкъ менә аннан башка кеше булса, кабул итә дә алмас идем. Ә хәзер килде шундый заман: Кыш бабайга ихтыяҗ бөтенләй дә юк. Аларның рекламалары ике ай алдан эшли башлый. Социаль челтәрләр аша да үзләрен тәкъдим итүчеләр байтак.
 

 



Балалар Кыш бабайга ничә яшьтән ышанмый башлый? Бабакайга ышанмаган баланың хәтерен ничек калдырмаска? Бу сорауларга җавапны «Жасмин» психология һәм иҗат үзәге психологы Ләлә Бәһрамшина җавап бирде.
 
– Мәктәп яше җитмәгән бакча баласы Кыш бабайга, ул алып килгән бүләкләргә ышана әле. Вундеркинд булмаса, билгеле. Кыш бабай образы бәйрәмгә шатлык өсти, бу бала психикасына зыян сала дип борчыларга кирәкми. Дөрес, аниматор үз роленең әһәмиятен аңлап бетермәсә, бала күңелендә яра калырга мөмкин. Бабакайның салмыш килеш килгән очраклары да булган икән.

Мәктәп балалары бүләкне сыйныф җитәкчесе кулыннан ала. Бу вакытта Кыш бабайның чын булуы аларны ялгыш кына да кызыксындырмый.

Ә бала өйгә чакыртылган Кыш бабайга ышанмаса, анда рефлекс эшли башлаган дигән сүз. Бу баланың психикасында чагылыш тапмый. Әмма бала күңелендә Кыш бабайны тылсымлы зат буларак саклап калырга кирәк. Хәзерге балалар әти-әниләренә караганда берничә елга иртәрәк ышанмый башлый аңа. Шулай да балага Кыш бабайның тылсымчы икәнен аңлатырга, үзенә ышанган балалар янына гына килүен әйтергә мөмкин. Ә өлкәннәргә ул килергә дә атлыгып тормый, шуңа күрә алар аны юк дип уйлый.

чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8397
    0
    83
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7631
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3714
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4632
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3581
    0
    26
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда