Никах – Аллаһ бүләге. Аны ничек саклыйсы?

Бисмилләәһир рахмәәнир рахииим!

Һай, бу бик тә нечкә, бик тә шәхси сорауга ике-өч тәкъдим-киңәш яки җавап аша гына ирешеп булса икән?! Шулай да, зиһенне эшләтеп, тормыш мисалларыннан, шәхси тәҗрибәдән чыгып фикерләп карыйк әле. Туйда яшь парларга теләк теләгәндә, мөгаен иң күп әйтелгәне – бер-берегезгә юл куеп, аңлашып, сабырлык күрсәтеп яшәгез дию. Юл кую – берең кызып киткәндә дәшми калу, күрмәмешкә салыну, телеңне тыеп калу бит инде. Аннан соң нәрсә әйтүеңне, ничек әйтүеңне дә уйларга кирәк. Тел әйтә дә кереп китә, күңел ярасы кала.

Гаиләдә аңлашылмаучылык чыккан саен, үпкәләшкән саен өйдән чыгып китмиләр, әти-әнигә барып зарланмыйлар. Алар инде үз вазифаларын тулысынча үтәгән: сине үстергән, укыткан, хәер-фатихасын биреп никахын укыткан, туен ясаган. Ә син аларны кайгыга саласың, ике арадагы гаилә мөнәсәбәтләрен, ир белән хатын арасындагы аңлашылмаучылыкка аларны да өстерисең. Я, кемгә җиңел шуннан? Ике кеше тыныч кына уздырып җибәрерлек үпкәне хәзер дүрт кеше тикшерә булып чыга. Ир белән яшисең, гаиләле буласың килгән икән, юкка-барга чәпчемә, тап җаен, акыл белән эш ит. Рус халык мәкалендәгечә «Таудан чана шуасың килгән икән, чанасын тауга үзең тартып мен». Шул чагында гына тирләп-пешеп чана шууның ләззәте була.

Бервакыт әтидән «Кызың Сәйдә ничегрәк тора?» дип сорыйлар икән. Әти: «Без аңа фән буенча да (7 сыйныф белем ул заман өчен бик зур санала иде), дин буенча да дәрес бирдек. Иншаллаһ, яхшыдыр», – дип җаваплаган. Рәхмәт әти-әнигә, шундый җаваплары өчен. Аларның хәер-догасы белән яшәдек, көн иттек. Өйрәткән һөнәрләре, биргән нәсихәтләре – гомерлек, тузмый торган бүләк булды. Шуларны кулландык. Өйдән чыгып киткәч, авылдан бер кило бәрәңге дә килмәде. Кайда инде ул юлсыз, машинасыз чорларда хәзерге кебек төяп ризык, күчтәнәч җибәрү. Әти-әнидән нәрсәдер сорау, өмет итү уйга да кереп карамады. Бик яхшы хәтерлим, юклык заманнар, тормышлар никадәрле авыр булмасын, олылар яшь парлар тормышына тыгылмый, сүз кертмиләр иде. Матди хәлләре никадәрле генә авыр булмасын, бүгенге кебек әти-әнине саву юк иде. Заманына карап, яшьләрнең үзләренә бүләкне – никахны тапшырган да, хәер-фатихасын биргән.

Борынгылар дин кушканча яшәгән, баласына да унбиш яшенә кадәр әдәп-әхлакны, динне, гореф-гадәтләрне берәмтекләп төшендергән. Кыскасы, яхшыны яманнан аерырга өйрәткән. Тәрбия дигән олы нигъмәтне бала күңеленә салуны балалар бакчасына да, мәктәпкә дә йөкләмәгән. Без бүген нәрсә күрәбез? Балаларга, оныкларга нинди тәрбия сеңдерәбез? Аллаһү Тәгаләгә ничекләр җавап бирербез икән? Балалар компьютердан, айфоннан, телефоннан башканы күтәрмәделәр диярбезме?!
Әссәләмү галәйкүм үә рахмәтуллаһи үә бәракәтүүүһ!

Сәйдә абыстай Аппакованың «Тузмый торган бүләк» китабыннан.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6037
    7
    61
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5419
    3
    47
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3974
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2642
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8771
    6
    34
Реклама
Реклама
Соңгы комментарийлар
  • 25 ноябрь 2022 - 14:10
    Без имени
    Әссәләмүгаләйкүм. Үзебезнең татарлар арасында шушындый яшьләр булуына куандым һәм горурландым. Аллаһы Тәгалә теләсә без яшибез, татар теле дә бетми, иншаллаһ.
    Татар самурае
  • 25 ноябрь 2022 - 16:42
    Без имени
    Бу энине мин уйлар идем ике йэрекле булган диеп хазэрге яшьлер уз балаларында калдырып чыгалар эниене Алла хатегале озын гомер бирсен балаларынын жылы сузлерен ишетэп яшерге язсын
    ​Иң кадерле кеше!
  • 25 ноябрь 2022 - 10:55
    Без имени
    Монын кебек ирлэр аздыр ул. Бэхетегез озын гомерле булсын
    Кайгыда да, шатлыкта да бергә без
  • 25 ноябрь 2022 - 10:45
    Без имени
    Кеше бэхетенэ урелмэсеннэр иде, семьясыз ирлэр беткэн микэнни? Язмышлардан узмыш юк шул
    ​Ачы көнбагыш
  • 26 ноябрь 2022 - 22:55
    Без имени
    Дөп-дөрес сүзләр!
    Исламда хатын-кыз хокуклары нык саклана
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда