Мәхәббәт ачкычы


Чүпрәле якларына барып чыксагыз, иң элек андагы капкаларга игътибар итми калмассыз, мөгаен. Матур итеп зәңгәргә буялган капкаларга ап-ак пар аккош сурәте төшерелгән булыр. Гүя зәңгәр күл өстендә тын гына йөзәләр дә йөзәләр...

Яз башы иде. Табигатьнең йокыдан уянган чагы. Карап киләм, Чүпрәле күгендә киек казлар да күбрәк сыман. Әнә алар кыйгылдашып, сәлам биреп, минем баш очында әйләнделәр дә, уңайлырак урын табып, җиргә якынайдылар. Кыр казлары туган илләренә әйләнеп кайттылар, димәк, оя-оя бәбкә чыгачак, яшәү дәвам итәчәк.

Чүпрәле урамыннан шулай хозурланып килә-килә бер капка төбендә тукталдым. Андагы чисталыкка-пөхтәлеккә, ян бакчада чәчәкләрнең күплегенә сокланып, ишек алдына уздым. (Газ җиһазларын карап, барлап йөреш иде.) Хуҗалар өйдә юк икән, дип нәүмизләнеп борылырга торганда, йорт эчендә (ишегалдын биредә шулай диләр) мал-туарларын баккан җирдән хуҗа да чыкты. Шамил әфәнде Хәлилов хуҗалыгы икән бу.

Хәл-әхвәл сорашып, газ җиһазларын исәпкә алучы абонент кенәгәсен барлаган арада: “Шамил, өйдә кунак бармы әллә, мин эштә тоткарландым шул”, — дия-дия хуҗабикә дә кайтып керде. Күптәнге танышын күргәндәй елмаеп, минем яныма килә. Өй эче бер нур белән тулдымыни, ягымлы, матур тавышлы ханыма карап торам. Күрәм, Шамил әфәнденең дә йөзе балкып китте. Шуны гына көтеп торгандай, өйдә телефон шылтырады.

— Тося, ал тизрәк, әнәй бу, — диде Шамил әфәнде хатынын ягымлы карашы белән төреп.

Мин аңышканчы хуҗабикә әнисе белән бер-ике генә кәлимә сүз алышты да, кунак барлыгын аңлатып, итагатьле генә саубуллашып та куйды. Һәм, тагын да елмая төшеп, миңа кулын сузды: “Мин Антонина Александровна булам”, — диде. Ә мин бер мәл мөлдерәп күзенә карап тордым да: “Мин сезне татар дип торам”, — дип әйтеп салдым. Антонина тагын елмая: “Шамилне ярата башлаган көннән татардыр инде мин, — ди. — Ә болай әтием рус, әнием чуваш милләтеннән минем. Шамил белән ун ел бер класста укыдык. 6 малай, 27 кыз идек. Арабызда иң шугы, шаяны Шамил иде. Татар теле дәресләренә рус телле балалар керсә ярый, кермәсә ярый дигән еллар. Ә мин ул дәресләргә шундый яратып, үҗәтләнеп йөрим, шигырьләр ятлыйм, чын артистларча итеп сөйләргә өйрәнәм”.

Инде Шамил әфәнде дә сүзгә кушылмый булдыра алмый.

— Карап-карап торам, Тося татар телендә шундый матур итеп сөйләшә, миңа да калышырга ярамый, дип уйлыйм. Горурлык хисе уяна. Аңа өстәлеп мәхәббәт килә. Менә шулай 28 ел бергә гомер кичерәбез. Татар теле мәхәббәт ачкычыбыз булды.

Антонина Александровна үзе югары белемле төзүче инженер икән. Районның социаль яклау идарәсе башлыгы. “Кеше синең ишегеңне тиктомалдан гына шакымый, — ди ул. — Нинди генә гозер белән килсәләр дә, кире борып чыгармыйм, тыңлыйм, һәрдаим ярдәм итәргә тырышам”.

Инде үзләре дә дәү әти, дәү әни булган бу мәхәббәтле пар үз әниләрен дә бик тәрбия кылалар. Ике кодагый вакыт-вакыт бергә чөкердәшеп яшәп тә алалар икән. Ә сөйләшү-серләшүтеле, әйткәнемчә, татар теле.

Мәхәббәт, ярату, ихтирам хисләренең кодрәте шундый зур. Ул синең йөрәк ачкычың да, тел ачкычың да.

Зәйнәп ЯРУЛЛИНА. Апас—Чүпрәле.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4334
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12773
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2691
    9
    87
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13342
    4
    73
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10682
    13
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда