Миллионер булыйм дисәң...


Университетта бергә укыган танышым шалтырата: «Кызый, әрәм булып ятма! Барыбер декретта өйдә утырасың, әйдә, акча эшләргә!» Мин аны тыңлап та тормыйча, рәхмәтләр әйтеп, сөйләшүне башка темага борам: гаилә хәлләрен, эштәге вазгыятьне сораштырам. Ул исә өзми дә куймый: «Бар да ал да гөл! Әле ярый эштән киттем, рәхәтләнеп акча сугам хәзер!» – дип гаҗәпкә калдырды. Аптыраштан бер мәлгә телсез калдым. Ничек инде! Андый дәрәҗәле эштән китәләрмени ул?!  Миллионер буласың килсә, китәсең икән шул...


    Гөлия безнең төркемдә иң тырыш, максатчан, кеше белән бик тиз уртак тел таба белүче уңган-булган татар кызы иде. Аның ни дәрәҗәдә җиңел укуына биш ел исебез китеп йөрде. Китапларны су урынына эчә, җил сызгырып үткәнче, өй эшен башкарып куя, китапханәгә барса, ярты фондны күчереп кайта. Укытучыларның әле дә үрнәк итеп сөйли торган студенты ул. Курсташ кызлар исә егерме елдан соң да: «Тулай торакка кайтып керүгә, чишенергә дә өлгермибез, ә Гөлия инде кухняда. Санаулы минутлар эчендә янар-янмас  гына эшләгән плитә өстендә ашка дигән бер кәстрүл су һәм бер чәйнек  кайный башлый иде», – дип искә алып көләләр. Ялларда барлык студентлар әти-әни янына кайтып хәл алган арада, Гөлия туган йортында бөтен дөньяны җыештырып, тау кадәр керләрен юып-үтүкләп килергә өлгерә. Тәүлегенә дүрт сәгать кенә йоклаган кешегә эш кенә булсын! Ул студент чакта да, кияүгә чыгып, әни булгач та, йокыны белмәде. Һәм моңа һич кенә дә зарланмады. 


          Университетны кызыл дипломга тәмамлаган кешегә, нигездә, дәрәҗәле тәкъдим ясыйлар: уку йортында калырга! Гөлия дә аңа каршы килә алмады. Сәләтле студентның белем базасы, харизмасы, сөйләм осталыгы, гомумән, тырышлыгы фән һәм мөгаллимлек юлында бик зур киңлекләр ачарга тиеш иде. Аспирантураны тәмамлауга, кандидатлыкка диссертация яклады.  Фән кандидаты булганда яңа туган улына әле  бер ай да юк иде. Җиң сызганып укытучылык эшенә кереште: замана хатын-кызы өйдә бала карап кына утырса, дөнья бетә бит.  Улы үсә тора, Гөлиянең уку йортында дәрәҗәсе арта бара. Кафедра мөдире, доцент, дистәләгән фәнни хезмәт авторы...  Әле эш арасында икенче баласын табарга өлгерә. Менә шулай тормышы түгәрәкләнеп беткәч кенә, миңа шалтыратып, телсез калдырды. 
– Гөлия, ник җайга салынган тормышыңны чәлпәрәмә китердең? – дип аптырата башладым аны. Эш авыр, билгеле, ләкин дәрәҗәсе, исеме, лаеклы хезмәт хакы бар. Күпме укып, нинди үрләр яуланган! 


– Дәрәҗәсе дә, акчасы да кирәкми. Мин ул 40–50 меңне хәзер күз ачып йомганчы эшлим. Университетта күпме нерв күзәнәкләре ашала: 12 сәгатькә сузылган эш көне, дөнья эш өйгә кайта, күпме кирәкмәгән кәгазь боткасы арасында утырырга кирәк... Ә барыбер кадереңне белмиләр. Ә болай мин үз-үземә хуҗа! Балаларым янында, аларның үскәнен күрәсем  килә минем, – дип кырт кисте. 
Гөлия – соңгы вакытта бик популярлашып киткән челтәрле ягъни сетевой бизнес вәкиле. Интернет аша продукция сата. Аның талантлары белән бу эштә дә иң югары күрсәткечләргә ирешәчәгенә  бер шигем дә юк. Акча күктән яумаганын белә ул. Тырышлыгы, үҗәтлеге бар. Беренче айларда ук хезмәт хакы 250 мең сумга җиткән. Бер елдан 1 миллионга чыгарга исәбе. Үзенә аерым команда җыя икән. Мине шуңа үгетләве. Кызганыч, сата белмим. Миннән кеше әйберне акчага түгел, бушка да алмый. Ләкин  минем кебекләргә аларның җаваплары бер: «Бары тик теләк кирәк, өйрәтәбез! Күп хезмәт хакы алып эшләү үз кулларыңда булгач, әллә нинди  яшерен  сәләтләрең ачыла ул». 


Социаль челтәрләрдә күрәбез: хәзер бөтен кеше нинди дә булса бизнеста. Кемдер косметика, кемдер ризык сата, кемдер  БАДлар белән эш итә, инвестицияләр өлкәсенә кереп китүчеләр бар... Күпме таныш шундый кәсепкә кереп китеп, үз төркеменә чакырды. Ә мин уйга калдым: дәрәҗәле эш урыннарын калдырып, сәүдәгә кереп китү дөрес адым микән, моңа нәрсә этәрә? Әлбәттә, дөнья акчага корылган вакытта гаиләне туендыру, лаеклы тормыш алып бару турында уйларга кирәк. Һәркемнең дә ире миллионер түгел бит. Укытучы, табиб, хисапчы, пешекче... Зур шәхси компанияләрдә эшләмәсә, кайдан баесын?! Өстәвенә, кредиты, көн саен артып тора торган торак-коммуналь хезмәтләр өчен түләүләр бар, балаларны укытасы, киендерәсе...


Бу арада кызыбыз белән бик чыгымлы чорга аяк бастык: унберенче сыйныфны тәмамлыйбыз. Җаваплы һәм хәлиткеч вакыт. Бердәм дәүләт имтиханын уңышлы тапшырыр өчен репетиторлар ялладык. Аларсыз булмый, диләр. Өстәмә онлайн дәресләрдә, мәктәптә шөгыльләнә. Китап, кулланма материаллар турында әйтеп тә тормыйм. Алай әзерләнеп тә, бюджетка керү икеле. Димәк, 4-5 ел түләп укытасы булса, чыгымнар бермә-бер артачак. «Әни, әйдә, укып тормыйча гына, эшкә урнашыйм әле. Кемнең югары белем алып, рәхәт күргәне бар бүген?! Кайбер блогер, тиктокерларның югары белеме дә юк. Пушкин белән Толстойның кем икәнен белмиләр, ә акчаны көрәп алалар. Һичьюгы сетевойга кереп китәм. Анда да диплом сораучы юк», – ди кызым. 
– Кызым, гомер буе тиктокер булып утырачаксыңмы? 
– Әлегә утырам, аннары күз күрер, барыбер тагын берәр нәрсә уйлап табачаклар...
 Күзләремнең маңгайга менгәнен күреп,  кызым кочаклап ала: «Ярар, тынычлан, әни. Шаяртып кына әйтәм. Югары уку йортларында бюджет урыннары арткан, ди анда, бәлки эләгеп булыр», – ди.
Мин телсез калып, нәрсә дип җавап бирергә икән дип уйлап утырам. «Укы, кызым, белемле кеше югалмас!» Шуннан ары бүтән акыллы фикер килмәде башыма. Ә колакта Гөлиянең сүзләре: «Әйдә, кызый, йоклап утырма. Миллионер ясыйм үзеңнән. Берни кирәкми аңа. Бары тик минем командага кер!..»     
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7192
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4469
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2944
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4831
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9636
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда