Контактта: СӨНГАТУЛЛИНА Луиза

Казан дәүләт университеты.
Кияүдә. Ике кызы, оныгы бар.
Карьера:  «Кайбыч таңнары» газетасы баш мөхәррире.
Тормыш шигаре: «Гадел булуга, сабырлыкка ни җитә!»
 

Шәхси тормыш


Сөендерде
Онык – балдан татлырак!
Төнге сәгать өчләр тирәсендә телефоныма смс килеп төште. Үз-үземне кая куярга белмичә, бүлмәдән бүлмәгә йөреп, йокы качкан төн иде ул. Кызым, Резедәм, бала тудыру йортында, аңарда – тулгак ачысы... Бар теләгем: исән-сау гына котылсаң иде, балакаем! Ниһаять, менә ул хәбәр: «Мин дә бүген синең кебек / Гамьнәргә тулдым, әни. / Мин сине яңа аңладым – /Мин әни булдым, әни!.» Шагыйрә Илсөяр Ихсанова иҗатын ярата шул ул... Шул минуттан статусыбыз үзгәрде: дәү әти-дәү әни булдык! Балдан татлы Сәйдәбезне сөеп туя алмыйбыз. Бу җиһанга аваз салган һәр сабый шулай көтеп алынган булсын иде!

Көендерде
Имтиханнар белән тормыш бетми
Мәктәпләрдә имтиханнар чоры җитә. Чыгарылыш класс укучыларының әти-әниләрен очратсам, сүз үзеннән-үзе БДИга барып тоташа. Балаларга караганда, алар күбрәк борчыла һәм өстәмә паника тудыра кебек тоела миңа. Кызым имтихан биргән елны, бу куркуны җиңәргә бик тә тәҗрибәле бер укытучының сүзләре ярдәм итте үземә. «Балаң мәктәптә ничек укыса, имтиханда да шул билгене алачак», – диде ул. Чыннан да шулай булып чыкты. Балаларыбызны саклыйк дисәк, бәлки, безгә – әти-әниләргә башта үзебезгә тынычланырга кирәктер? Имтиханнан куркып, үз-үзенә кул салучылар быел булмасын иде инде, Ходаем.
 

Татарстан


Сөендерде

Солдат кайтты... 72 елдан соң!
Одноклассникидагы битемә Мурманский өлкәсенең Заполярный шәһәрендә яшәүче эзтабар Сергей Швецовтан хәбәр килде. Бөек Ватан сугышы вакытында шунда батырларча һәлак булган солдат Кашафулла Зәйнуллинның туганнарын эзли, сезнең районныкы булырга охшаган, ди. Аның үз куллары белән уеп фамилиясе язылган портсигарын тапканнар. Ул хезмәт иткән полк һәм дивизия 1944 елда биредә немецларга каршы торган. Олы Урсак авылында яшәүче фермер Фариз абыйның да фамилиясе шундый булгач, кичке сәгать ун булуга да карамастан, шалтыраттым. Туганнар булып чыктылар! Портсигар салынган посылка Кайбычка килеп җитте инде. 9 Май көнне аны тантаналы төстә мәктәп музеена тапшырачакбыз. 

Көендерде 

«Ялкын»сыз балачак буламени?!
Май – Татарстанда матбугат ае. Балачактан ук газета-журналлар укып, үзебезне киләчәк һөнәребезгә әзерләгән буын без. Беренче класстан алып унынчыга  кадәр өебезгә «Ялкын» журналы, «Яшь ленинчы» газетасы килеп торды. Мәктәп укучысы булган һәр өйдә алдыралар иде аларны. Нинди генә эш белән  мәктәпләргә барсам да, укучылардан балалар өчен чыгарылучы газета-журналларның кайсыларына язылулары турында сорашмый калмыйм. Әмма җаваплары сагайта шул. Кемдер «укымыйм» ди, кайсыдыр «әти-әнинең акчасы юк» ди. Янә бер укымаган буын үсеп килә... 
 

Дөньяда


Сөендерде

Читтәге милләттәшләр безгә үрнәк!
Группадашым, Пермьнең данлыклы Барда районында туып-үскән Нәсүр Юрушбаев инде күптәннән Германиядә яши. Режиссер, журналист. Узган ел газетабызның электрон почтасына минем исемгә саф татар телендә хат язды ул. Командировкага җыенган чагым иде, бер соравына тиз арада җавап бирергә кирәк булгач, фикерләремне газетабызның сайтында утыручы кызга әйттем дә, чыгып йөгердем. Караганда шәһәрендә туып-үскән Альбинабыз татарча сөйләшсә дә, язу ягы аксый – җавапны рус телендә язган. Икенче көнне почтаны ачсам, Нәсүрдән кинаяле хәбәр килгән: «Нәрсә, Татарстанда яшәп, туган телеңне оныттыңмы әллә?» Оялуларымны белсәгез иде!

Көендерде

Җир шарында тынычлык урнашырмы?
Аннаның Кайбычка читтән, ерактан килен булып төшкәнен белсәм дә, кайсы яклардан икәнлегеннән хәбәрдар түгел идем. Шулай беркөнне сөйләшеп киттек тә, сорарга җөрьәт иттем – журналист халкы кызыксынучан бит. «Украинадан мин, – диде ул. – Булачак ирем белән интернет аша таныштым да, ул бик чакыргач, тәвәкәлләп, кайттым менә. Югыйсә Татарстан турында ишетеп кенә белә идем. Улыбыз үсеп килә. Ә әти-әниләрем анда калды, алар яшәгән тирәлектә тынычрак». Сагынасыңдыр инде, аралар да ерак, дим. Аның җавабы бер булды: «Сагынам, сүз дә юк. Әмма андагы мәхшәрне искә төшерсәм, үзәкләрем өзелә. Бер гаепсез гади халыкның каны коелганга җаным әрни. Ә монда Россиядә безгә берни янамый, шулай булгач, сагынсам да түзәм». 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6611
    2
    46
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7510
    0
    35
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3985
    0
    33
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2038
    0
    30
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2174
    0
    19
Реклама
Соңгы комментарийлар
  • 28 июнь 2022 - 10:56
    Без имени
    Сез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!
    Врач буласы урынга авылда әбиләр карыйм
  • 28 июнь 2022 - 11:47
    Без имени
    Узегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.
    Врач буласы урынга авылда әбиләр карыйм
  • 24 июнь 2022 - 19:54
    Без имени
    Бик позитив, укып чыккач, кунелгэ рэхэт булып калды
    Галим
  • 24 июнь 2022 - 20:10
    Без имени
    Азаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.
    Балдаклар, туй күлмәге калды, ә мин...
  • 24 июнь 2022 - 23:53
    Без имени
    Гаеп синдэ бит
    Аздан гына кылынмаган хата
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда