Кадерсез алкалар

Биргән бүләкне кире сорап алу килешми. Ә мин кире алырга булдым, хәтта сорап та тормыйча...
 
Үзем бүләк бирергә дә, алырга да бик яратам. Бүләкне кем (туганыммы, сөйгәнемме) бирүенә, нәрсә бүләк итүенә карамастан, күкнең җиденче катына менгәндәй булып, мең-мең рәхмәтләр әйтеп кабул итеп алам. Әнием тәрбияседер, мөгаен. Гап-гади тәбрикләү сүзләре генә әйтсәң дә, аның йөзендә бәхет чаткылары балкый башлый бит. Котлаучының да күңеле була.
 
Ирем дә үземә охшаган — бәйрәмнәр ярата. Тик бәйрәмнәр алдыннан, очрагына туры китереп бүләкләр сайлауны гына миңа йөкли:
— Синең зәвыгың яхшы, — дигән була. Әллә чынлап әйтә, әллә үзенең артык мәшәкатьләнеп торасы килми.
Бу юлы да бүләкне мин сайладым. Яраткан иремнең әнисе — каенанамның юбилеена алтын алкалар алырга булдык. Шушы яшенә җитеп тә мондый матур алкалары булмаганга, бик сөенеп алыр, бер дә салмый яратып кияр дип уйлаганмындыр инде — минем аңа нәкъ менә шуларны бүләк итәсем килде.
 
Матур футлярга салынган бүләкне каенанага бирдек. Ул коры гына: “Нәрсә бу?” — дип сорады. Ирем: “Әни! Бу алтын алкалар, сиңа бүләгебез!” — диде. Әни футлярны ачып карады, милли зәвыклы калач алкаларга бер генә күз ташлады да кире япты. Ошатмаган кыяфәт чыгарып:
—  Ярар, — гына диде дә, савытны этеп куйды.
 
Күз алларым караңгыланып китте. Мин аның рәхмәт әйткәнен хәтерләмим. Әллә хәлем мөшкел булганга - ишетмәдем генәме, белмим.
Тик мин әлеге күренешне башкачарак күз алдына китергән идем.
Ирем белән икебез дә уңайсыз хәлдә утырып калдык. Мин табын тирәсендәгеләргә күтәрелеп карый алмадым. Әйтерсең лә керфекләремә таш элеп куйдылар. Әлеге авыр хәлемдә яраткан кешем янәшәмдә генә булса да, бер сүз дә дәшмәде, үзенең дә кәефе кырылган иде.
 
Бу хәлдән соң ике еллап вакыт үтте. Алтын алкалар кадерсез әйбер кебек, әле дә сервантта тузан җыеп яталар. Юк, кими аларны каенанам! Имештер, алтын аның колагын боза. Алтын бит иң затлы металл. Нәни кыз балаларның да колакларын тишүгә үк алтын алка кидертәләр. Алка — колак тишеге кире йомылмасын, ә алтын — яшь тире җәрәхәтләнмәсен өчен. Ә безнең әниебез базардан егерме биш тәңкәгә сатып алынган алкаларны кулайрак күрә. Менә алар аның колакларын һич кенә дә бозмыйлар. Ә алтыннарын елына ике мәртәбә: сабан туе белән тагын берәр бәйрәмгә кисә — шул җитә.
Кемдер, бәлки, мондый нәрсәләргә игътибар да итмидер, ваклануга саныйдыр. Тик минем кебек нечкә күңелле, һәр сүзне, һәр нәрсәне йөрәге аша үткәргән кешеләргә мондый “ваклыклар” да бик зур күңелсезлек- кә әверелә.
 
Уйланып йөрим-йөрим дә үз-үземә сорау бирәм: ни өчен шулай эшләргә? Әллә ошатмадымы? Ул чакта ни өчен бу хакта әйтмәскә? Ә бәлки, эшнең башы килендәдер?! Бу бит килен белән малай бүләге. Әгәр кызыныкы булса, һич шигем юк, бер салмастан кияр иде ул аларны. Кешегә “килен бүләге” дип әйтү бик авыр, димәк.
 
Менә шуңа күрә дә бу бүләкне сорап та тормыйча кире алырга булдым. Кызыма  кидертәм мин аларны. Дәү әнисенең бүләге итеп, бик яратып кияр ул. Һәм мине дә бу очракта берәү дә битәрли алмас, гаепләмәс тә дип уйлыйм.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (13)
Cимвол калды:
  • 8 апрель 2022 - 07:50
    Без имени
    Кайбер кешегэ чынлап та алтын килешми, минем бер танышым алтын алка кия алмады, колагы сулана иде, ничэ тапкыр киеп-киеп карады да аннары комешкэ кучте.Кире алырга уйласагыз,узенэ эйтеп алыгыз,кызыгызга ничек кидертерсез,урлаган эйберне.
  • 17 сентябрь 2021 - 12:38
    Без имени
    Кайнанан дунгыз, оятсыз тэртипсез икэн
  • 17 сентябрь 2021 - 12:27
    Без имени
    Бүләгемне ошатмады дип шуңа нигә лаф орып утырырга , аңламыйм. Үзең нинди башкалар да шундый дип карарга ярамый. Кире бирмәгән бит. Мин дә , мәсәлән, бүләк яратмыйм. Туган көннәргә җыелган бүләкларемнең күбесе тик ята, аннан башкаларга бүләк итәм, чөнки алар миңа кирәкми. Үземә кирәк әйберне үзем алам. Вкуслар да төрле бит.
  • 17 сентябрь 2021 - 09:21
    Без имени
    Бу язманы укыгач куптэн онытылган халлэр искэ тешеп китте эле..Бездэ ирем белэн кайнанамнын юбилиена балдак булэк трек.Янэсе гемер яшэп балдак кия алмаган,кисен эле рэхэтлэнеп дип.Тик кайнанам аны киептэ карамады купмедер вакыттан сон кемгэлер бирептэ жибэрде.Ник кимисен дигэн идек югалттым мин аны диде.Менэ шулай узен хермэтлэгэн балаларынын хермэтен санламады булып чыга.Куп еллар утсэдэ бу халлэргэ кунелдэ бер терле авыр хатирэ булып калды...
  • 16 сентябрь 2021 - 16:24
    Без имени
    киленен яратамы яратмыймы булэк биргэннэр икэн,чын кунелдэнме юкмы авызынны ачып ,ошыймы ул,ошамыймы, рэхмэт эйтэ белергэ кирэк,югыйсэ олы кеше бит.бу минем фикерем
  • 2 декабрь 2020 - 08:06
    Без имени
    Олыгайгач алтын ни дә, көмеш ни. Алка киясе дә килеп тормый. Аның өчен кайнанага үпкәлисе юк. Биргән бүләкне кире алу гомумән килешми.
  • 2 июль 2020 - 18:20
    Без имени
    Киленнэрдэ кемнэрнендер бэгырь жимеше лэбаса. Чамасын белсеннэр иде бу кайнаналар.
  • 1 июль 2020 - 01:04
    Без имени
    Кемгә нәрсә ошый бит, мингомумән алка кия алмыйм. Алтын алкам да бар, сирәк кенәкунакка барганда киештерәм. Кайткач ин беренче алка-йөзекне салып куям. Алтын чылбырны сатып та алмадым, кия алмыйм, никсх юалдагын
  • 30 июнь 2020 - 09:20
    Без имени
    Минем белэн булган хэлгэ охшаш. 90 еллар да хезмэт хакын бирми азапладылар бит, коннэрдэн берконне берничэ айлык премия акчасын бирделэр, алтын эшлэнмэлэр сатучы ханым да килеп керде. Каенанамнын Туган коне житэ бит дип, алсу кашлы алкаларны бик ошатып сатып алдым. Булэк итеп биргэч "Акча урлап жыйган иденмени?" Диде, бер тапкыр да кимэде, рэхмэт тэ эйтмэде Алкалар шкафнын Бер булемендэ яттылар, яттылар да юкка чыктылар.
  • 30 июнь 2020 - 07:13
    Без имени
    Ихластан бирелмэгэн булэк икэнлеге автор сузлэрендэ кычкырып тора. Кайнэгэ бит... Эни кунеле сизгер ул. Ябай яулыкка да риза, эгэр чын кунелдэн булса. Яратып йэшэрлек ир итеп ул устергэн эни кешегэ рэхмэт очен бирелгэн яуап булэк кенэ бит ул. Кире алган да да сорап, барыбер такмыйсын бит эни, эллэ кызыма бирэсенме дип сорап алырга кирэк. Ирне яраткач шулай итсен ул.
  • 17 гыйнвар 2020 - 21:44
    Без имени
    Биктэ. Дерес. Эшлэгэнсен. Балам
  • 17 гыйнвар 2020 - 15:17
    Без имени
    Эфэрин, дорес эшлисез
  • 16 гыйнвар 2020 - 13:37
    Без имени
    Улым бүләге тип кейәргә лә була бит.
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4621
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13230
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2867
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11454
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13878
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда