​Иң кадерле кеше!


Әтием белән үги әнием йортына мине алты айлык чагымда әниемнең әнисе — әбием китереп бирә. Бу хәлне безнең өйдә әле дә зур вакыйга итеп сөйлиләр. Чөнки алты айлык баладан бигрәк, мин яңа туган карга баласына охшаган булганмын. Авырлыгым да шул карга баласыннан күпкә артмаган.
Авызыма берни дә каптыра алмыйча аптырап бетеп, минем елавыма түзәр хәлләре калмагач, икенче көнне үк больницага чыгып киткәннәр. Табиблар ярты яшьлек сабыйның мондый хәлдә булуына сәерсенгәннәр, билгеле. “Юк, яшәмәс бу", — дигәннәр. Шулай да, әтием белән үги әниемнең өзгәләнгәннәрен күреп, минем гомерем өчен көрәшә башлаганнар.
Азмы-күпме вакыттан соң, йөземә төс кергән, авызыма ризык та каба башлаганмын. Әниемнең шатлыгы эченә сыймаган. “Терелүеңне бигрәк тә ул теләде", — дип сөйлиләр иде миңа.
Минем өчен әни, әтием өчен яхшы хатын, ә әтиемнең сукыр әнисе өчен кайгыртучан килен булырга тырышкан ул.
Бер-бер артлы сеңлем Рәйсә, энеләрем Әләм белән Әнәс дөньяга килделәр. Әтиебез көне буе эштә. Безнең өйдә иң кадерле кеше исә — сукыр әбиебез. Әтием белән әнием барлык эшне дә аның белән киңәшләшеп эшләделәр. Бу дуслыкка, бу бәхеткә без әниемнең акыллылыгы, түземлеге аркасында да ирешкәнбездер. Әбиебезнең дөньядан китүенә кырык ел вакыт үтсә дә, ул әле дә гел өебезнең түрендә утыра кебек.
Еллар арты еллар узды. Без дә үсеп җитеп, төрлебез-төрле җирдә үз тормышыбыз белән яши башладык. Җәй көннәре җитсә, оясына җыелган кошлар кебек әтиебез Әхсән, әниебез Оркыя янына кайтабыз.
Әнием белән икәү генә калганда: “Әнием, син ничек мине шулкадәр кадерләп, үз балаңдай карап үстерә алдың?" — дип сорау биргәнем бар. Ул елмаеп: “Нигә “үз балаңдай" дисең, син кешенекемени? Үземнеке ләбаса син минем!" — диде.
Әниемә булган рәхмәтләремне белдерергә сүзләр эзлим. Ул сүзләрне таба алмыйм.

Флюра 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 16 июль 2020 - 13:34
    Без имени
    Бар инде ул яхшы кешелэр
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8192
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2486
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4791
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3898
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4357
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда