Камал театры артисты Ришат ӘХМӘДУЛЛИН турында 14 факт

1. Ришат җырчы булырга хыялланган. Тугызынчы сыйныфны тәмамлагач, музыка училищесына укырга кермәкче булган – алмаганнар (үсмерләрнең тавышы үзгәрә торган чак). Бөтен остазлары аны театр артисты булырга үгетләгәннәр, ә ул киреләнеп, мәктәптә унынчы сыйныфта укырга калган. Уннан соң, театр училищесы яныннан үтеп барганда, кереп чыгарга уйлаган. Училищеда Ильдар Хәйруллин курсларына студентлар җыялар икән. Керә алсам – укыйм, дип, Ришат Әхмәдуллин шунда имтиханнар биргән. Шулай итеп, ул театр училищесы студенты булып киткән. 

2. 19 яшендә, дүртенче курстан соң ул Мәскәүгә китәргә җыенган. Укуын дәвам иттерергә. Шул елны аларны «Нәүруз» халыкара төрки театрлар форумына кураторлар итеп билгеләгәннәр. 6 июнь көнне театрның ул вакыттагы директоры Шамил Закиров аны: «Иртәгә фәлән сәгатькә минем кабинетка кил әле», – дип чакырган. Килсә, аны Шамил Зиннур улы белән театрның баш режиссеры Фәрит Бикчәнтәев көтеп утыралар икән. Алар Ришатны Камал театрына эшкә алып калганнар. «Әти-әниемнең бердәнбер улы булгач, аларның мине бер дә Мәскәүгә җибәрәсе килмәгән иде. Минем өчен дә, алар өчен дә зур шатлык булды», – ди Ришат Әхмәдуллин язмышының әлеге борылышы турында. 



3. Ришат холкы белән бик ачык күңелле кеше. Ул кешеләр белән бик җиңел танышып китә, дусларча аралаша да башлый. «Әгәр берәр кешене якын итеп, ачылып бетәм икән, мин беркатлыга әйләнәм. Анда инде мине «биетү» бик җиңел була башлый», – ди ул үзе турында. Ә менә ай саен яңа кеше белән танышып, аны үзе өчен ачу – Ришатның рухи ихтыяҗы. Театрга китмәсәм, менә дигән психолог, һичьюгы теш табибы булыр идем, ди артист. 

4. «Мине суга ыргыткан үрдәк бәбкәсе кебек: теләсә кайсы вәзгыятькә яраклаша беләм», – ди Ришат. Ярдәм сорыйлар икән – баш тартмаска тырыша, кулыннан килмәсә, шунда ук «юк» дип әйтергә дә өйрәнгән. Кешеләр белән бик күп аралашып яисә спектакль уйнап кайтканнан соң, Ришатка ярты сәгать чамасы вакыт ялгызлык кирәк. Аннан соң ул янә дөньяга «ачык». 



5. Ришат Әхмәдуллин – «Зәңгәр шәл» спектакле тарихында Булат ролен башкарган артистлар арасында иң яше. Беренче тапкыр Булат ролен башкарганда, аңа нибары 20 яшь була. Дөресрәге, бу роль аны үзе сайлап ала, дисәң дә ярый. Премьерадан соң күп тә үтми, «Зәңгәр шәл» куеласы көнне Булат ролен уйнаучы Ирек Кашапов кинәт кенә авырып, кичке сәгать өчтә дәваханәгә эләгә. 900 урынлык Камал театрында сатылмый калган бер билет та юк, спектакльне куймый калу мөмкин түгел. Шул вакыт театр җитәкчелеге Ришат Әхмәдуллинны Булат роленә билгели. Дүрткә кадәр Булат җырлыйсы җырларны өйрәнәләр, Ришат сүз ятлый. Репетицияләргә сәгать ярым вакыт кала. Беренче актка репетиция ясап өлгерәләр, икенчесен антрактта кабатлыйлар. 
«Ул көнне курку булмады. Киресенчә, эйфория белән уйнап чыктым. Икенче тапкыр тагын бер елдан соң гына Булат ролен уйнарга туры килде. Бер ел буена куркып уйнадым. Хәзер генә тәмен тоеп уйный башладым кебек», – ди артист үзе бу роль турында. «Гиннесның Рекордлар китабына кертерлек вакгыйга: актер сәгать ярым эчендә рольгә керде», – ди бу турыда Фәрит Бикчәнтәев. 

6. Ул көнне Ришатка Ирек Кашапов үлчәменә тегелгән костюмнарны киеп уйнарга туры килә. Киемнәре зур, итекләре  – кечкенә. «Шундый итеп аякларымны кырдылар, итек эченә кан тулды. Ирек башкача кия алмады ул итекләрне. Сәхнә артына чыгуга аяклар йөри алмас була, сәхнәгә чыгам – йөгереп йөрим. Менә бит сәхнәнең тылсымы нидә!»



7. Шушы вакыйгага бер көн кала Ришат төш күрә. Имештер, ул Ирек Кашапов белән Театр эшмәкәрләре берлегенең сәхнәсендә басып торалар. Кырыйдарак  – Мәйсәрә. Залда Шамил Закиров, Фәрит Бикчәнтәев һәм Фуат Әбүбәкеров утыралар. Минем кулда – зәңгәр шәл. Шулвакыт Фуат абый торып баса да: «Менә бит Булат!» – ди. 

8. Тамашачы Ришат Әхмәдуллинны романтик, лирик герой буларак күреп гадәтләнгән. Әмма соңгы ел ярым эчендә ул «Тапшырылмаган хатлар» кинофильмында Искәндәр, «Көтәм сине” спектаклендә Камилне уйнап, бу стереотипны «җимерде». «Көтәм сине» спектакленнән соң, алгы рәтләрнең берсендә утырган апа артист артыннан: «Хайван!» – дип кычкырып кала. «Димәк, ышандырырлык итеп уйнаганмын, дип сөенергә инде моңа», – ди һәрнәрсәнең уңай якларын күрә белүче Ришат. 



9. Ришат классика актерны үстерә, ә яңа драма әсәрләре аның үзе дә белмәгән мөмкинлекләрен ача, дигән фикердә. Шуңа күрә дә ул режиссер нинди роль бирсә, шуны шатланып кабул итә. Шулай да А. Игнашовның «Дожди по субботам» спектаклендә Григорийны тагын бер тапкыр – 35 яшьләргә җиткәч уйнар идем, ди. Ришат та, Григорий исеме дә бер мәгънәне – «туры юлдан юаручы», «үз юлын тапкан» дигәнне белдерә. 

10.  Үз юлы дигәннән, Ришат Әхмәдуллинның бер гадәте бар. Ул инде менә берничә ел рәттән җәй көннәрендә айга бер тапкыр кичке тугыздан иртәнге алтыга кадәр Казан буйлап җәяү йөрергә чыгып китә. Бу сәяхәтенә ул беркемне дә ияртми, аның үзе генә белгән маршруты да бар икән инде. Чит шәһәрләрдә дә берүзе генә озаклап йөрергә ярата. Ул үзен «адреналинщик», маҗаралар эзләүче дип атый. «Кырлай» паркына барса, анда «оча торган тәлинкә»дә кимендә өч тапкыр әйләнмичә туктамый. 



11.  Спорт белән кызыксынмаса да, спорт белән шөгыльләнергә ярата. Театрда атнага икешәр тапкыр пластика, бию, гимнастикадан тыш, ул өстәп фитнеска да йөри. Артист һәрьяклап әзерлекле булырга тиеш, дип саный. Бу һөнәр шуның белән уникаль һәм универсаль.   

12.  Ул үз гомерендә өч тапкыр хоккей карарга барган. «Хоккейны телевизордан карау бер нәрсә, стадионда – бөтенләй башка икән ул. Тамак карлыкканчы кычкырганнарын аңламый идем, үзем дә шул хәлдә кайткач, аңлый башладым», – ди Ришат. 



13.  Ришат өчен хатын-кыз матурлыгы – гадилектә. «Хатын-кыз сыйфатларын югалтмыйча саклаганнарына сокланам. Мине андыйлар күбрәк җәлеп итә. Миңа хәтта хатын-кызларга гына хас була торган капризлар да кызык. Ләкин ир кешенең иреген генә чикләмәсен. Хатын-кыз мине аңласын, ышанысын. Ә болар ихтирам итүдән килә». 

14.  «Ярату – химия ул. Кайсыдыр очракта  – газап, кайсыдыр очракта  – бәхет», – дигән формула чыгара Ришат Әхмәдуллин. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7170
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4463
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2938
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9616
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4788
    0
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда