Микроволновкада… кер юабыз. Гадәти булмаган 8 лайфхак

Без бүгенге кухняны микроволновкасыз күз алдына китерә алмыйбыз икән инде. Ул хәзер безнең иң беренче ярдәмчебез. Әмма аның мөмкинлекләре без уйлаганга караганда күпкә күбрәк. Микроволновкада менә тагын ниләр эшләргә була.

1. Чикләвек кыздырабыз
Микроволновкада кыздырганда чикләвек көйми. 
Гадәттә бөтен кеше дә чикләвекләрне табада кыздыра. Әмма табада кыздырганда алар бик еш кына көеп тә китәләр. Чикләвексез калмыйм дисәң, аларны гел таба янында басып, бутап торырга кирәк яки... микроволновкага куярга. Иң көчле күәтенә куеп, 5-6 минут тотыгыз. Чикләвекләр савытта күбрәк булса, кыздыру вакыты да озаграк булырга тиеш. Кыздырганда, берничә тапкыр туктатып, чикләвекләрне бутап алырга кирәк. Миндаль арахиска караганда тизрәк кыза, шуның өчен аны азрак вакытка куйсагыз да була. 


2. Чипсы һәм фри-бәрәңге ясыйбыз
Өйдә әзерләнгән чипсы һәм фри-бәрәңге сатып алганга караганда күпкә тәмлерәк.
Чипсылар болай ясала: бәрәңгене чистартып, бик яка итеп түгәрәкләп турыйбыз һәм салкын суга салабыз. Берничә минуттан аларны судан алып, кәгазь  салфеткалар ярдәмендә киптерәбез. Шуннан соң тоз, борыч сибәбез һәм акырын гына бутыйбыз. Тигез тәлинкә алабыз, аны зәйтүн мае белән майлыйбыз һәм шуңа бер рәт бәрәңге тезәбез. 3 минутка микроволновкага куябыз, аннан, әйләндереп, кабат 3 минутка тыгабыз. Кетердәп торган чипсылар әзер! 
Тоз, борыч, башка тәмләткечләрне үзегезгә кирәк булганча кушыгыз.  
Бөтенебез дә яраткан фри-бәрәңгене дә шул ук юл белән ясыйбыз. Бәрәңгене таяксыман итеп кисәбез, май, тоз, башка тәмләткечләр белән бутыйбыз. Тәлинкәгә дә аз гына май салабыз, бәрәңгеләрне бер рәт итеп тезәбез. Микроволновкага куеп, әзер булганчы кыздырып алабыз.  

3. Кәһвә өчен күбек
Ул нәкъ кофе ясый торган машинада әзерләнгән кебек килеп чыгачак. 
Өегездә кофе ясый торган машинагыз булмаса, әмма кәһвәне күбек белән эчәсегез килсә, борчылмагыз – моны эшләп була!
Стаканга кирәк кадәр сөт салыгыз, өстен каплагыз һәм 30 секундка гына микроволновкага куеп алыгыз. Килеп чыккан күбекне яңа гына пешкән кәһвә өстенә салыгыз. 

4. Кайнар шоколад
Күпләр кайнар шоколадны да кәһвәдән ким яратмый. Аны да микроволновкада ясауның бер авырлыгы юк. Чынаякка 1 чәй кашыгы «Нутелла» пастасы салыгыз һәм шуңа сөт кушыгыз. Инде шуны микроволновкага берничә минутка гына куеп аласыз да тәмләп кайнар шоколад эчәсез. 

5. Сарымсак һәм суган чистартабыз 
Кайчак сарымсакны һич чистартып булмый. Вакыт үткәреп мәшәкатьләнмәгез – микроволновка ярдәм итәр. Сарымсакны 20 секундка гына микроволновкага, иң көчле күәтенә куеп алыгыз: сарымсакның тешләре шунда ук күлмәген салыр. 
Суган чистарту да бик җиңел түгел – анысы елатып аптырата. Суган чистарткан саен күз яше түгәргә теләмисез икән, суганны ике башыннан да аз гына кисегез дә, 20 секундка микроволновкага куеп җылытып алыгыз: суган үзенең бөтен файдалы үзенчәлекләрен саклар, әмма сезне башка елатмас. 

6. Сок ясыйбыз
Микроволновкага куеп алсаң, цитруслылар күпкә сусылланачак. 
Әгәр әфлисун, лайм, грейпфрут яки лимон сокларын берничек тә «бирергә» теләмиләр икән, аларны да микроволновкада җылытып алыгыз. 20 секундка куеп алу җитә. Шуннан соң, җиләк-җимешне урталай ярыгыз да, согын соңгы тамчыга кадәр сыгыгыз. 


7. Үләннәр киптерәбез
Хәзер барыбызның да кышкылыкка нинди дә булса үлән, яфрак киптергән мәлебез: укроп, бөтнек, карлыган, җиләк яфрагы... Берничә көн алар белән мәшәкатьләнеп ятканчы, моны бик тиз дә эшләп куеп була. Үләннәрне өзегез, суда чайкап алыгыз, кипшенергә куегез. Ә хәзер аларны, салфеткага җәеп, 2-4 минутка микроволновкага тыгыгыз. Алып, кулыгыз белән азрак уып җибәрегез һәм кабат микроволновкага куеп алыгыз. Үләнегез кипте – ул әзер! 


8. Кер юабыз
Микроволновкада бөтен вак-төякне юарга була: носкиларны, кулъяулыкларны,  тастымалларны… 
Аптырап калдыгызмы? Бу лайфакны, чыннан да, кулланып карый аласыз, бигрәк тә кайнар су беткән чакларда. Әмма носки ук юмабыз инде, ризык җылыткан җиргә аларны тыгарга ничектер күңел теләми... Зур булмаган савыт алыгыз, аңа су, порошок салыгыз. Юарга теләгән әйберегезне, әйтик, кухня тастымалын салыгыз һәм 10 минутка микроволновкага куегыз. Аннан салкын суда чайкап элеп куярга гына кала. Әзер!  

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7033
    1
    63
  • 6873
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4665
    2
    49
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6805
    1
    47
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»