Ире хыянәт иткәнен белгәч, Агата Кристи аннан ничек үч алган

Бөтен дөнья аны псевдонимы буенча Агата Кристи дип белә. Язучының чын исеме исә Агата Мэллоуэн була. Фантазиясе искиткеч көчле була бу ханымның, шуңа күрә дә XX гасырның иң билгеле детектив остасы булып таныла. 
Фантазиясе аңа китаплар язарга гына түгел, тормышта да булыша. Ире хыянәт иткәнен белгәч, ул аны менә ничек акылга утырта. Дөресрәге, үч ала. Үзе язган китапларыннан һич тә ким түгел бу тарих! 
Булачак ире Арчибальд Кристи белән Агата 22 яшендә таныша. Икесе дә берүк мәҗлескә чакырулы булалар, беренче минуттан ук бер-берсенә тартылалар. Озак та үтми, лейтенант Агатага тәкъдим ясый. Ике елдан алар өйләнешәләр. Беренче Бөтендөнья сугышыннан Арчибальд подполковник дәрәҗәсендә кайта. 1919 елда аларның кызлары туа, аңа Розалинда дигән исем кушалар. 
Бу вакытта Агата инде берничә детектив роман язып бастырырга өлгерә, китаплары аны шунда ук дөньяга таныта. Барысы да гел шулай матур барыр кебек тоела. Әмма бертөрле аккан тормыш кинәт үзгәрә: 1926 елда ире аерылышырга теләвен әйтә. Баксаң, Арчибальд инде байтактан икенче берәү белән гыйшык уйный икән...
Мондый хәлгә калган барлык хатын-кызлар кебек үк Агата да башта тетрәнеп кала. Аннан үзен кулга ала һәм барысын да иң текә детектив китаплардагы кебек итеп китереп чыгара. Юк, ул күз яшьләре дә түкми, тавыш та чыгармый, дус кызларына барып, күңелен дә бушатмый. Ул – үч алырга уйлый! 
Детективлар остасы үзенең ярдәмчесенә: «Мин берничә көн өйдә булмыйм», – ди дә, машинасына утырып, каядыр чыгып китә. Кая барасын, билгеле, әйтми. Икенче көнгә иртән исә аның машинасын күл буенда табалар. Машина салонында язучының туны, чемоданы була, ә үзе – юк. 
Суга төшкәндәй югала ул.
Аның шулай эзсез, серле югалуы бөтен җәмәгатьчелекне аптырашта калдыра. Бу көннәрдә бөтен газеталар бары шушы хакта гына язалар. Беренче чиратта, әлбәттә шик аның иренә – Арчибальд Кристига төшә. Полиция аның читтә кемедер булганлыгын бик тиз ачыклый. Йортларын тәүлек буе күзәтә башлыйлар, бөтен телефон сөйләшүләре тыңлана. Язучының ире бик кыен хәлдә кала... 
Полиция күл тирәсен җентекләп тикшерә. Водолазлар күл төбен айкый, тик язучының мәете табылмый. Бу вакыйга бөтен илнең тынычлыгын ала, сөйләшүләр бары тик шушы хакта гына була, һәркем үз версиясен әйтә. Күпләр, әлбәттә, ирен гаепли, җинаятьче дип аны атый. Детективлар язу остасын эзләргә йөзләгән волонтер кушыла. 
Полициягә Хэрроугейт дигән кечкенә генә шәһәрнең отелендә бер ханым тукталуын хәбәр итәләр. Кунакларны теркәүче китапка ул үзен миссис Нили дип яздыра. 
Детективларның берсенә бу мәгълүматны өйрәнү бурычы йөкләнә: ул ике көн буе сиздермичә генә бу ханымны күзәтә. Әмма миссис Нили турында каяндыр журналистлар да белеп ала. «Дейли ньюс»ның журналисты конспирация турында уйлап та тормый: ул отелгә туктаган ханым янына килә дә: «Миссис Агата!» – дип эндәшә... Язучы үзенең серен ачуларын шунда ук аңлый. Интервьюдан баш тармый, әмма җайсыз сорауларны бик оста гына читләтеп уза. 
Өйгә әйләнеп кайткач, Агата аерылышырга гаризаны үзе бирә. Хатынының шулай серле юкка чыгып торуы иренә, билгеле инде, бик зур борчулар китерә. Аның дәрәҗәсе бик нык төшә. Арчибальдны инде сугышта зур батырлыклар кылып кайткан герой дип түгел, хатынын үтерүдә шикләнгән җинаятьче итеп кабул итә башлыйлар. 
Дүрт елдан соң Агата Кристи яңа мәхәббәтен очрата. 1930 елда Иракта булганда бик талантлы архитектор Макс Мэллоун белән таныша ул. Макс аннан 14 яшькә кечерәк була. Әмма никах вакытында алар моны бөтен кешедән дә яшерәләр. 
Алар аңлашып, бик матур гомер итәләр. Агата тормышында башка мондый детектив вакыйгалар, юкка чыгулар инде булмый. Ире Якын Көнчыгышта шактый күп тикшеренүләр алып бара, бөтен нәрсә белән кызыксынган язучы һәр сәфәрендә аның янәшәсендә була. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10285
    5
    129
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6074
    1
    82
  • 7243
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8269
    1
    46
Реклама
Соңгы комментарийлар
  • 19 сентябрь 2020 - 07:50
    Без имени
    Минем курше авылга к лен булып тошкэн апам нэк шушындый тормыш а гомер кичерде, кайнэсе эгэр балалар га берэр кием алса апам барында мичкэ ата иде дип сойли, бер вакыт малае на бурек алып кайткан идём кулымнан тартып алдыда янып торган мичкэ а ты ди, ике каен сенелсе бар иде эти _энисе урынга калгач пинсэлэрен алдылар, э кайтып та алып китеп тэ карамадылар алар вафат инде хэзер, э апамны хэзер бик авыр чир бэреп екты шулай бер рэхэт курмэде язсан язып бетерэ торган тугел роман язырлык анын тормыш, аллам андый тормыш ны бер кемгэ дэ курсэтмэсен
    Инде минем чират...
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...