Дөньяда бердәнбер булып бөтен гавәмне шаулаткан 6 игезәк кызның тарихы

 

 

35 ел элек Ливерпульда туа алар. Һәм исән-сау калалар. Моңарчы әниләре Джанет Уолтон әллә ничә тапкыр балага узып карый – уңышсыз килеп чыга. 

 Ул көнне УЗИ гадәттәгедән озаккарак сузыла. Экрандагы сурәтне күреп, узистның йөзе үзгәреп китә. Джанет Уолтон сагая кала, нәрсә булды дип кызыксына. «Бар да тәртиптә, миңа калса, сезнең игезәкләр булырдыр», – ди узист. 

Джанет белән Грэм биш ел эчендә 13 тапкыр бала тудырырга талпынып карый, балага узарга таблеткалар да булышмаса, тәрбиягә бала алырга ниятләгән була алар. 

Берничә минуттан бу шатлыклы хәбәрне ниндидер сагаю алыштыра. Узист әле бер, әле икенче врачны чакыра. Бүлмәгә төрле белгечләр керә, үзара пышылдашалар. Джанет түзми, кабат нәрсә булуы белән кызыксына һәм: «Сезнең алты балагыз туачак!» – дигән җавап ишетә.   

Балалар тууга ышаныч 104 миллиардтан бер генә була. Бу хәлләрдән соң 35 ел вакыт узса да, Джанет һаман дулкынлана. 

Ул көннәрдә Джанет вакыйганың үзәгендә булса да, үзен тыныч тота. Балалар белән бар да яхшы  икәненә күңеле белән ышана ул. 

Бала тапканчы, Джанет ярты еллап больницада ята. УЗИ көнендә авыры 8 атналык була. Икенче көнне аны госпитальгә урнаштыралар. Алты бала туу гайре табигый күренеш буларак кабул ителә. Моңарчы мондый хәл белән очрашмаган акушерлар аптырау хәлендә кала. 

«Мине гинекология бүлегенә салдылар, хастаханәдә беркайда да буш урыннар юк иде. Без күптән түгел генә ялдан кайтканга, минем кәеф яхшы, бер җирем дә авыртмый. Ә биредә тирә-ягымда үземнән өлкән хатыннар ята, күбесе аналыгын алдырырга кергән. Минем арттан: «Карагыз, бу теге, алты бала табасы хатын», – дип пышылдашып калалар...» 

Джанет 23 атна дәвамында йөклелеген саклый алса, кызларның яшәп китәренә өмет бар дип исәпли табиблар. 23 атнадан соң булачак әни балаларының тибенүен тоя. Ул 31 атнага тикле күтәреп йөри авырын. 

«Хастаханә персоналы бик борчылды. Алар 6 бала белән өйгә кайтып китәсемә ышанмады», – дип искә ала хатын. 

Баштагы мәлне кызлар исемсез була, аларга номерлар гына куялар. Кесарево билгеләнгән көнне дә Джанет үзен тыныч тота. Палатаның тышында гына паника сизелә. Операциягә әзерләнү бик киеренке үтә. Башка операцияләрне кичектереп торалар, бала тудыру бүлеген ябалар. 

Дөньяга киләсе һәр баланы берничә белгечтән торган команда кабул итәргә тиеш була. Җиденче группа ананың хәлен котрольдә тота. Джанет гомуми наркоз астында тудыра. Аңына килүгә үк:«Алар исәнме?» – дип сорый. 

Алты кыз 1 килодан 1, 6 кг кадәр авырлыкта булып туа. Беренче критик 48 сәгать узуга, аларның туганнан соң исән калган беренче алты игезәк кыз булуы ачыклана. Журналистлар, уңайлы булсын өчен, аларны «Беренче номерлы бала», «Бишенче номерлы бала» дип язалар. Хастаханә янында кизү торган журналистларга табиблар:«Икенче номерлы бала өчен борчылырга нигез бар», – дип тә әйтәләр әле. Соңыннан бу сүзләр гаилә мәзәгенә әйлән: «Икенче кызыбыз үскәч тә тирә-юнендәгеләргә тынгы бирми торган чая иде», – дип шаярта Джанет. 

Икенче бала – ул Люси, җирле авиалинияләрдә эшли. Беренче номер – Ханна, башлангыч класслар укытучысы, әти-әнисе белән яши. Өченче номер – Рут, секретарь булып эшли, дүртенче номер – Сара,  әлегә декрет ялында, ул медицина үзәгендә эшли. Алтынчы номер – Дженни, үз кондитер кибетен ачкан. 2014 елда Сара кыз туганнары арасында иң беренче әни була. Уолтоннар гаиләсендә Джорджи исемле тагын бер кыз дөньяга аваз сала... 

«Кызлар туганда мин бернәрсә дә эшли белми идем. Әзерләнергә вакытым булмады. Сигезенче атнада авырлы икәнемне белдем, мине шундук больницага ябып куйдылар, шуңа күрә яшь әниләр мәктәбенә йөри алмадым», – дип искә төшерә Джанет. 

Беренче ике елны Джанет белән Грэмга тәүлегенә бер-ике сәгать кенә йокы эләгә. Аларның тормышы бетмәс-төкәнмәс бала чүпрәкләре, бала азыгы салынган кечкенә шешәләр белән ыгы-зыгы килә. Елына 11 мең подгузник кулланалар. Рәссам-декратор булып эшләгән Грэм да хатынына булышыр өчен декрет ялына китәргә мәҗбүр була.  «Алар кечкенә чакта безнең өйдәге тальк Лондон урамнарындагы тузаннан күбрәк иде», – дип көлә ул. Җирле хакимият гаиләгә булышыр өчен шәфкать туташларын билгеләп куя. 

Кая да булса барырга кирәк булса – балаларны ике урынлы ике коляскаларга,  ә берәр кызны – слингка салалар. 

«Ул елларыбыз томан эчендә узды кебек. Ничек, нәрсә эшләргә кирәген уйлап торырга вакыт юк иде. Балалар бөтенесе бергә һәм берьюлы үсте бит. Ул туктаусыз көрәш белән бер», – дип искә төшерә Джанет. «Кечкенә балаларны күрсәм, кабат шул елларга кайтасым килә», – ди Грэм.   

Бер үк төрле алты баланы үстерү җиңел булмый, табигать тарафыннан бирелгән оешыру сәләте Джанетны коткара. Кызларны телевизордан еш күрсәтәләр, рекламаларда төшәргә чакыралар. Алар әнә шулай әти-әнисенә акча эшләргә булыша. 

Джанет кызларын башка игезәкләр сыман гел бер төрледән киендерергә яратмый. «Мәктәпкә формадан йөргәндә дә, чәчләренә төрле төстәге резинкалар, төрле төстәге носкилар алып куйдым. Күңелләренә хуш килгәнен сайласыннар дидем», – ди әни кеше. 

Хәер, кайчак аның да кулыннан эш киткән көннәр була. Ата-аналар җыелышы көннәре аеруча авыр була. Укытучылар әйткәннәрне язып барыр өчен блокнот башлый хәтта, чөнки барысын да истә калдыру мөмкин булмый. 

Кызлар үсеп җиткәч тә әти-әниләренә якын яшиләр. Үзләрен никадәр көч түгеп үстергәннәрен яши-яши аңлыйлар.  «Бер баланы да чак карап өлгерәм, ә әнинең алтау булганбыз без. Сокланам аңа», – ди Сара. Ә Джанет үзе, киресенчә, бер генә онык булуга шат: «Бердәнбер баланы гына кайгыртып яшәү искиткеч», – ди ул.         

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 8171
    4
    110
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9789
    5
    72
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9507
    2
    62
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    4993
    4
    51
  • 4308
    0
    38
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...