Класслар шакмаклы булачак?!

Татарстанның Арча районында 40 елдан артык укытучы булып эшләгән хезмәт ветераны Фәрит Вафин Россия Хөкүмәте рәисе урынбасары Ольга Голодецның укыту системасын яхшыртуга кагылышлы тәкъдименә карата үз фикерен белдерде.

Россия дигән илдә бертуктаусыз реформалар туып тора.Туып тора һәм зыян эшләп, үлеп тора.

Авыл белән нинди генә экспериментлар ясалмады, ни булды? Авыл җимерелде. Хәзер шуны күтәреп азапланабыз. Мәктәпләрне нишләтеп кенә бетермәделәр. Көн туган саен бер яңалык. Очына чыгарлык түгел. Ә укытуның сыйфаты төшкәннән төшә. Чөнки Мәскәүдә әйтелгән сүзләр мәктәпләргә килеп җиткәнче я онытыла, я яңасы астында күмелеп кала. Кемнәр генә өйрәтми бүген мәктәпне, кемнәр генә мәктәпкә эш кушмый?

Соңгы мисал. Россия Хөкүмәте башлыгы урынбасары Ольга Голодецның 27 февраль көнне Сочида узган икътисадый форумда әйткәннәре аеруча кызык һәм кызганыч булды. Без моңарчы дөрес сыйныф бүлмәләрендә укытмаганбыз икән бит! Кичекмәстән совет мәгариф системасының искелек калдыгы булган турыпочмаклы сыйныфларны бетерергә һәм квадрат бүлмәләрдә укыта башларга кирәк икән!

Бертуктамый мәгарифне реформалыйлар, оптимальләштерәләр, тикшерәләр – нәтиҗә ноль. Чишелеш якында гына яшеренеп яткан, югыйсә! Голодец фикеренчә, бездәге бөтен җитешсезлек, наданлык сыйныф бүлмәләренең дөрес формада булмавында икән. Чөнки укытучы алда басып тора, аның артында такта эленеп тора, ә укучылар берничә рәткә тезелешеп утыралар. Максатка ирешү өчен укучылар башкача утырырга һәм укыту башкача оештырылырга тиеш, ди ул. Аның сүзләре буенча, укытучы такта янында басып тормаска тиеш – бу төп үзгәреш. Һәм бу укыту эшчәнлегенә бөтенләй икенче эчтәлек бирәчәк. Укытучы икенче төрле итеп, ягъни ишек яки тәрәзә янында басып дәрес бирсә, баланың индивидуальлеге һәм таланты үсәчәк.

Әлеге үзгәртеп кору мәгариф системасының төп юнәлеше булачак, дип исәпли вице-премьер. “Без бу мәсьәләне хәл итәргә әзерме һәм бер ноктадан икенчесенә ничек күчәргә?” дигән бик “эшлекле” сорау куя. Болай дип җавап бирә: “Мин Россия Федерациясендә моның алшартлары бар дип уйлыйм. Бездә эзләнә, уйлый белә торган педагоглар җитәрлек”.

Афәрин, Ольга апай! Белмәсәгез белегез: безнең Татарстанда инде ничәнче ел Сингапурча укытып яталар. Балалар төркемнәрдә дә утыра, бүлмәдә чабышып та йөриләр, укытучы бер караганда бүлмәнең бер почмагында, икенче караганда икенче почмакта. Әмма аңа карап без нигәдер укыту буенча һаман да артта сөйрәләбез. Дөньяда – сингапурлылар, ә Европада финнәр беренче урында.

Һәм, гомумән, 40 елдан артык укыту дәверендә минем беркайчан да каравылга бастырып куйган солдат кебек такта алдына гына басып дәрес биргәнем булмады. Башкалар да шулай. Бик теләсәң дә моны эшләп булмый. Мәскәү апаеның “укытуның эчтәлеге сыйныф бүлмәләренең формасына карап билгеләнә” дигән фикере – нонсенс.

Мондый кәкре-бөкере фикерләр түгәрәк бүлмәләрдә утырган кеше башына гына килергә мөмкин. Россиядәге бүгенге хәлне азмы-күпме белгән кеше мәктәпләрнең баш-аяклары белән кирәксез отчетларга кереп батканнарын, балаларны газаплау өчен махсус кертелгән БДИның тоташ ялган һәм күз буяудан торганлыгын белергә тиештер инде ул. Менә шушы проблемаларны хәл итмәс өчен керделе-чыктылы тәкъдимнәр, реформалар пәйда булып тора да инде.

Үткән ел безнең мәктәптә капиталь ремонт булды. Классларны кечерәйттеләр. Элеккеге турыпочмаклы класслар урынында хәзер квадрат класслар. Ләкин бу эшләр өчен миллион сумнар тотылды. Бөтен илдәге мәктәпләрдә классларны болай үзгәртү өчен миллиард сум акчалар кирәк булачак. Тотынырлар микән бу эшкә? Классларны шакмаклаштыру хыялы һавада эленеп калыр микән? Калуы хәерлерәк. Безнең татарда “Кычытмаган җирне кашымыйлар”, дигән әйтем бар. Җиткерәсе иде шушы сүзләрне депутат халкына.

чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7374
    1
    105
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    5423
    1
    88
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    4655
    4
    75
  • Салават Илсөянең гомерен коткарып калган Җырчы Илсөя Бәдретдинова Салаватка: «Минем гомеремне коткарып калучым», – ди. Болай әйтүенең сәбәбе белән кызыксындык. 
    12847
    4
    65
  • Вәсилә Фәттахованың ире Илгиз: «Минем иң якын кешем... Мәңгелеккә!» Вәсилә Фәттахова арабыздан киткәнгә бүген 5 ел. «Әнисез 5 ел. (31.12.1979-26.01.2016)» дип язган бүген төнлә ире Илгиз үзенең инстаграмдагы битенә. Без яраткан җырчысыз калсак, ире Илгиз сөекле хатынсыз, балалары Кәрим белән Камилә әнисез калды. Вәсиләсез тормыш, җырчыга багышланган китап, тормыш турында уйнанулар Илгиз Әбдрәкыйпов белән әңгәмәдә. 
    23273
    2
    48
Реклама
Соңгы комментарийлар
  • 25 февраль 2021 - 18:08
    Без имени
    Урыска кияъгщ чыкмаган инде ул , чыкса . ьщллщп тормас иде . Щнисе хат язган бит , алып кайтма авылга диеп . Димщк , рус егетенщ чыкмыйча , икенче берщъгщ , яратмаган кешесенщ чыккан кияъгщ дщ . Яратмаган кешесе булгач . улында яратмый инде , оныгында . Щ язылышы , чыннан да , килделе - киттеле . икенче тцрлерщк . матур итеп язарга була иде .
    Язмыш җиле
  • 25 февраль 2021 - 19:23
    Без имени
    Мило
    «Әни, син мине әллә Парижда дип беләсеңме?!»
  • 25 февраль 2021 - 05:31
    Без имени
    Бик матур язылган. Нэжибэ апа шул. Э карт бик кызганыч. Ник балалары шулай михербансыз булган?!. Анлашылмый. Кузгэ яшьлэр килдеее.
     Тукталыш
  • 24 февраль 2021 - 11:47
    Без имени
    Еладым….
    Вәгъдә йөзеге
  • 24 февраль 2021 - 11:48
    Без имени
    Хэзер шарлатаннар куп, элек настоящийлар булган
    «Фәрештәләр төшемдә дога өйрәтте»
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...