Киңәш-табыш

Кулларымны дәвалыйм
Мин авыл җирендә мал-туарлы хуҗалыкта яшим. Терлекләр караганда кулларым яргаланып бетә. Озак кына эзләнгәннән соң, кулларны дәвалый торган бер гади ысул уйлап таптым. Моның өчен витаминнарга бик бай тозлы кәбестә суы әйбәт икән. Кулга кәбестә суы сөртеп, 10-15 минут тотыгыз да, җылы су белән юып, крем сөртегез.

Куллар җәрәхәтләнеп яргаланган булса, кәбестә суын кулда 5 минут кына тотарга кирәк. Инде бик тә бозылган кулларга, кәбестә суына бермә-бер (1:1) микъдарда каймак яисә көнбагыш мае кушып болгатыгыз. Мондый майлы кәбестә суын бик җәрәхәтле кулга да 5-10 минут сөртеп тотарга мөмкин. Ахырдан шулай ук, җылы су белән юып, крем сөртергә кирәк.
 
Лилия ШӘЕХОВА. Әгерҗе районы.
________________________________________
 
Авырткан буыннарга зирек себеркесе файдалы
Соңгы елларда буыннарым бик авырта башлады, аеруча язгы һәм көзге айларда борчыйлар. Минем шул авыртуны баса торган бик шәп үз чарам — парлы мунчам бар. Һәм ул гади генә түгел, серле мунча.

Беренчедән, мин мунчага каен себеркесе түгел, зирек агачы себеркесе алып барам. Ул буыннардагы һәм мускуллардагы авыртуны баса.

Икенчедән, мунчага кергәч, авырткан урынга биш чәй кашыгы балга өч чәй кашыгы кәбестә һәм өч чәй кашыгы чөгендер согы кушып ясалган катнашма сөртәм.
Өченчедән, мунчада тирләгәч, аякларны табаннан ботка, ә кулларны бармактан җилкәгә таба массажлыйм. һәм бу процедурага нибары 10 минут вакыт җитә. Соңыннан катнашманы тәннән юып төшерәм.

Шул ысулны кулланып берничә тапкыр мунча кергәч, авыртулар басыла.

Мәйсәрә әбиегез. Алабуга шәһәре.
 ______________________________________
 
Ашказаны җәрәхәтеннән
Ашказаны җәрәхәтеннән интегүчеләргә үзем файдасын күргән бер рецепт тәкъдим итмәкче булам. Миңа бу диагнозны унике ел элек куйганнар иде. Шушы чор эчендә бу авыруны оныттырырлык бернинди шифа таба алмаган идем.

Пыяла шешәгә 250 мл медицина спирты салыгыз да шуңа бармак белән чеметеп (пычак белән кисмәгез) 60 г прополис кушыгыз. Төнәтмәне даими рәвештә болгаткалап, җиде көн төнәтегез. Аннары бер чәй кашыгы күләмендәге әзер катнашманы ярты стакан (+60°, +65°) кайнар суга салып, болгатмыйча гына эретегез. Төнәтмәне һәр иртәдә, ашарга бер сәгать кала, кайнар килеш йотымлап кына 2-3 атна дәвамында эчегез.

Рәйсә апагыз. Владимир шәһәре.
_____________________________________
 
Шулай ябыгам...
Мин тулы гәүдәле хатын. Көннәрдән бер көнне үземнең зур чынаяк чәй белән, күп итеп варенье каба-каба, бер-бер артлы өч-дүрт татлы кисәк бөтереп салганымны абайлап, кинәттән тукталып калдым. Ә чынаякта чәй әле һаман бетмәгән иде...

Шуннан соң зур чынаякны кечерәккә алыштырдым. Чәйне дә кайнар килеш түгел, бераз суытып эчә башладым. Шулай, акрынлап, шикәр, варенье һәм төрле кабымлыклар да азрак ашала башлады. Ышанасызмы-юкмы, нәтиҗәдә, мин бер ай эчендә ике килограммга ябыктым.

Бер кызып киткәч, чәй мисалында гына тукталып калмадым. Чынаяк артыннан тәлинкә белән чүмечне дә кечерәккә алыштырдым.

Моннан тыш, үземдә тагын бер кимчелек таптым. Табынга күптөрле ризык куелган саен, озагракта, күбрәктә ашыйм икән ләбаса! Хәзер менә ул төрлелекне дә киметтем. Шул рәвешле, үземнең аз-азлап ябыгуыма чын күңелдән ышанам. Нәтиҗәсе күз алдында, азрак ашаган саен ашказаны да күп ризык сорамый.

Ләйлә ХИСАМОВА. Казан.
_____________________________

 
Климакс чорында
Климакс чорында бик күп һәм озакка сузылган күрем күрүчеләр өчен түбәндәге рецептны тәкъдим итәм.

Бер үк күләмдә алынган кычыткан, меңъяфрак, көтүче сумкасы, балан һәм камыр агачы (боярышник) җимешен яхшылап болгатыгыз. 1 аш кашыгы шул үләннәр җыелмасына 1 стакан кайнар су салып, 15 минут “сулы мунчада” кайнатыгыз да 30 минут каплап төнәтегез. Сөзгәннән соң, стаканны тутырып кайнаган су өстәгез. Шуны өч тигез өлешкә бүлеп, көнгә 3 тапкыр һәр ашаганнан соң эчегез. Шул рәвешле дәвалангач, хәлләрем җайланды. Бу дәва сезгә дә ярдәм итәр дип уйлыйм.

Наилә. Казан.

фото: https://pixabay.com/


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    6851
    1
    65
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8115
    2
    61
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    6125
    2
    57
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5241
    2
    53
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4056
    0
    46
Реклама
Соңгы комментарийлар
  • 21 гыйнвар 2022 - 10:12
    Без имени
    Куп язалар инде берсенен ире ташлаган да башка хатынга киткан. я инде егет жебеган анисе сузе белан яши. гел ирлардан зарлану да зарлану. Бу язма ичмасам балачакны, яшь чакны иска алдырды. кызык итеп, матур итеп язылган. авторга рахмат. Ату гел ир-егетларне гаеплау турында язылганнар туйдырган иде.
    Бутый, итек һәм... итек кенә дә түгел
  • 21 гыйнвар 2022 - 12:29
    Без имени
    Бу хәлгз тарыган кешеләргә холай түземлек бирсен.Зур рәхмәт авторга.
    Кулга-кул тотынса...
  • 20 гыйнвар 2022 - 15:40
    Без имени
    Э ник хатыны больниста улде?! Ан,ламадым...
    "Алтын таулар вәгъдә итмим..."
  • 20 гыйнвар 2022 - 12:00
    Без имени
    Бешергэнем бар, тэмле була!
    Лимон бәлеше
  • 21 гыйнвар 2022 - 06:35
    Без имени
    Бик матур хикая
    Туй балдагы
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда