Кибеттән алынган бүлмә гөлләрен күчереп утыртабыз – бакчачыдан 7 киңәш

Сигезенче мартка хәзер күп очракта киселгән чәчәкләр гөлләмәсен түгел, кибеттән алынган чүлмәк гөле бүләк итәләр. Дөрес тәрбияләсәң, андый гөл озак еллар матурлыгы белән куандыра ала. Шул гөлләрне ничек күчереп утыртырга?

Киңәш сорап, һәвәскәр бакчачы – Татарстанның Бөгелмә шәһәрендә яшәүче Альбина Бакимовага мөрәҗәгать иттек. Гөлләр озын гомерле булсын өчен 7 киңәш бирде ул:

1. Сезнең өегезгә кибеттән сатып алынган, теплицада үстерелгән яңа гөл килеп керә икән, гаиләнең яшел әгъзаларына ике атналык карантин игълан итегез. Яңа гөл коллекциягездәге башка гөлләр белән бер тәрәзә төбендә торырга тиеш түгел. Чөнки анда чир, корткычлар, үсемлек бетләре булырга мөмкин.
 
2. Туфракта черү процессы башланганын сизсәгез, гөмбә барлыкка килсә, гөлнең туфрагына фитоспарин сибегез. Корткычлар бар дип шикләнсәгез, “Актара” дигән препарат ярдәмгә килер. Тик сак эш итегез, ул агулы препарат. Шунысын да хәтердән чыгармагыз, аны сипкәннән соң гөлне ике атнага балалардан ераграк куегыз, чөнки үсемлек үзе дә агулыга әйләнә һәм шул рәвешле корткычлардан арына. Үсемлекләрдә шулай ук бетләр булырга мөмкин. Әлеге паразитлар бигрәк тә роза гөлләрен ярата. Мондый очракта гөлләрне "Фитоверм" белән эшкәртергә кирәк. Әлеге препаратлар белән эш иткәндә саклык чаралары күрегез, инструкциядә язылган киңәшләрне төгәл үтәгез.
 
3. Шау чәчәктә булган гөлләрне өегезгә килеп керү белән үк күчереп утыртырга ашыкмагыз. Чәчәкләр – ул матурлык, назлылык. Аларга карап хозурланыгыз, сокланыгыз, елмаегыз. Чәчәкләр өйдәге энергетикага бик сизгер. Алар яңа мохиткә күнегергә тиешләр.
 

Стрептокарпусларны яфрактан үрчетү
 
4. Чәчәкләрне, озак яшәсен дисәгез, әлбәттә, күчереп утыртырга кирәк. Хәзерге вакыт – март-апрель айлары моның өчен менә дигән чор! Беренчедән, бер дә жәлләмичә, гөлнең барлык чәчәкләрен дә, сабакка зыян китермичә генә, өзеп чыгыгыз. Чөнки, күчереп утырткач, барлык көч чәчәкләрне тукландыруга түгел, ә тамыр ныгытуга юнәлергә тиеш. Икенчедән, кибетләрдә гадәттә бер чүлмәктә берничә гөл үсә. Күчереп утырткач, сезнең иптәш кызыгызга Сабан туена, яисә соңгы кыңгырауда сыйныф җитәкчесенә бирергә менә дигән бүләгегез әзер була.
 
5. Гөлләрне күчергәндә кибеттән алынган туфрак кулланырга кирәк. Бу бигрәк тә азалия гөленә кагыла. Бакчадан кергән туфрак табигый ферментларга бай була. Теплицада үстерелгән гөлләр бу кадәр туклылыкка әзер түгел. Миләүшә, стрептокарпусларга яртылаш бакчадан кергән туфрак катнаштырырга була. Тик тыштан кергән җир бер кат туңдырылган булырга тиеш. Бу төрле бөҗәкләр, авырулар үлеп бетсен өчен кирәк. Роза гөлләрен исә тулысынча бакча туфрагына утыртырга була. Ә менә орхидеяларга гомумән бакча туфрагы ярамый. Бары тик кибеттән сатып алынган махсус туфракны гына куллану кирәк. Кайбер кешеләр чыршы күркәләре сала. Тик күркәләрне ярты сәгать дәвамында кайнатырга кирәк. Ә күркәләр былтыргы булса, тагын да яхшы. Бу чыршы сагызыннан арыну өчен кирәк.
 
6. Чүлмәк төбенә, һава әйләнеше дөрес барсын өчен, дренаж салып калдырырга кирәк. Вак ташлар, пенопласт кисәкләре, керамзит яисә күмер булырга мөмкин. Күмер булганда, ул үсемлек туфрагын гөмбәдән дә саклау вазифасын ала.
 
7. Гөлне йомшак, аз гына дымлы туфракка утыртырга кирәк. Һәм чүлмәккә полиэтилен капчык каплап кую яхшы. Бу дым югалтмас өчен яхшы. Шулай да капчык эчендә пар хасил булырга тиеш түгел, аны җилләтеп тору киңәш ителә. Ике атналап вакыт узгач, гөлнең сабагы үз тотымлылыгын саклавына инангач, капчыкны бөтенләй алып куярга кирәк. Һәм яраткан гөлегезгә тиешле тәрбия күрсәтәсе генә кала.

чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    11062
    1
    162
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    7206
    1
    56
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    5267
    0
    53
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    5426
    1
    51
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    4695
    2
    49
Реклама
Соңгы комментарийлар
  • 13 гыйнвар 2022 - 18:17
    Без имени
    Билгесезлектэ яшэу бик авыр ,ни булса шул дип уртага салып сойлэш ,барлык авырулалар борчылудан килэ .
    55 яшемдә ирем хыянәт итте...
  • 13 гыйнвар 2022 - 16:43
    Без имени
    Если так продолжать, можно серьёзно заболеть, нервы уже не выдержат. Будьте наглее, ставьте условия, уважайте и любите себя, а не сватьев, типа, что скажут. У вас жизнь одна, ваше сердце вам правильно подскажет, думайте о своём здоровье!
    55 яшемдә ирем хыянәт итте...
  • 14 гыйнвар 2022 - 00:59
    Без имени
    Менэ шулай була шул, ат кебек эшлэсэн. Без бит, хатын кызлар, олы йорэкле. Ул сезне рэнжетмиме, эгэр сезне хормэт итсэ, сездэ ана, иргэ карата хис булса, ГАФУ ИТ, кичер.
    55 яшемдә ирем хыянәт итте...
  • 13 гыйнвар 2022 - 20:45
    Без имени
    Бик дорес, без кунак гына бу доньяда.
    ​Раил Садриев: «Безне театр коткарачак!»
  • 13 гыйнвар 2022 - 15:20
    Без имени
    Муллалар сэйляргя тиешле фикерляр, Эмма шигырьдяге Кузляр куллар аяклар Аллахы Тягалядян, !!!!
    ​Раил Садриев: «Безне театр коткарачак!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда