Фольганы болай куллана идегезме?

Гап-гади алюмин фольганы сез ничек кулланасыз? Ризык төреп кенә пешерәсезме? Ә бит тормыштагы иң көтелмәгән хәлләрдә ярдәмгә килә ала икән ул.

 

Мәсәлән, сезнең ниндидер бер сыеклыкны шешәгә агызасыгыз бар, кул астында гына бүрәнкә юк? Нишләргә? Фольганы берничә катлап, бик шәп кенә бүрәнкә ясап була.

Яки менә пультның батарейкалары утырган. Шуның өчен генә төнлә кибеткә чыгып китеп булмый бит. Фольганы йомарлап, кечкенә шарлар ясыйбыз да, батарейкаларның плюсле башына кыстырабыз. Батарейкаларның заряды иртәнгә кадәр җитәчәк.

 

Фольга кер үтүкләгәндә дә алыштыргысыз. Мәсәлән, юрган тышларын үтүкләү күп вакытны ала: башта бер ягын, аннары икенче ягын үтүкләргә кирәк. Ә сез үтүкли торган өстәлгә фольга җәеп, шуның өстендә үтүкләп карагыз әле. Үтүкне бер генә уздырасың, кернең ике ягы берьюлы үтүкләнә. Җайлы бит!

 

Синтетик тукымадан (йон тукымаларда да була ул шундый хәл) тегелгән киемнәр электрлашып, бөтен чүпне, чәчне үзләренә җыючан була. Дөрес, керне чайкаганда суга кондиционер салырга яки киемгә антистатик сиптереп, электрлашуны киметеп була, билгеле. Әгәр дә кондиционер бетеп киткән булса? Машинага кер белән бергә фольгадан йомарланган бер-ике шар салсагыз, киемнәр электрланмаячак. Бу шарларны бер генә түгел, берничә тапкыр кулланып була әле.

Көмеш әйберләрегез каралып, ямьсезләнгәнме? Ничек чистартырга икән, дисезме? Билгеле, фольга белән! Табак төбенә фольга җәегез дә, ярты стакан тоз, ярты стакан аш содасы (суның күләменнән чыгып) һәм табакның яртысыннан кимрәк итеп кайнап торган су агызыгыз. Көмеш әйберләрне 15-20 минутка шушында салып торыгыз. Аннары аларны алып, чайкарга һәм йомшак тастымал белән корытырга гына кирәк була.

Балалар белән тәмле печенье пешерер идегез, матур формалар юкмы? Кибеттән алырга кыйммәт, дисезме? Кул астында фольга барында ник аптырарга. Фольгадан зур гына кисәк кисеп алып, аны буйга кат-кат бөклибез. Каты гына озын тасма барлыкка килдеме? Хәзер шушы тасманы төрле рәвешләргә кертеп бөгеп, үзегез теләгән форманы ясый аласыз.

 

Иртәгә егетегез белән очрашасыгыз бар, ә тешләрегез саргылт кебек тоеламы? Тиз генә ничек итеп агартасы, дип баш ватасызмы? Ничек булсын, билгеле, фольга белән! Фольгадан теш казналыгы зурлыгында бер кисәк кисеп алыгыз да, шуңа чәй содасы кушып болгатылган теш пастасы ягыгыз. Инде бу фольганы тешләргә каплап, кул белән баскалагыз – казналык рәвешен алсын. Бер дигән капа бит!

 

Табагыз ябыштырамы? Берәр нәрсә кыздырсаң, яртысы табага ябышып каламы? Соңыннан таба кырып вакытыгыз үтәме? Нәрсә ярдәм итә инде бу очракта? Фольга, билгеле! Таба төбенә бер-ике кат фольга салып, кырыйларын күтәреп куегыз да, рәхәтләнеп, теләгән әйберегезне кыздырыгыз. Аннары фольгасын алып кына ташлыйсыз, табагыз чип-чиста калачак.

 

 

 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 9 февраль 2022 - 05:09
    Без имени
    Рәхмәт!
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7474
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4340
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3038
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2554
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда