Аралия гөле

Аралия — биеклеге 1,4 метрга җиткән искиткеч матур гөл. Ул салкынча саф һаваны һәм яктылыкны ярата. Гомумән алганда, чыдам, төрле шартларга яраклашучан үсемлек. 
Аралия тиз үсүчән гөл, шуңа күрә артык чыгымланмас өчен кечкенә үсемлек сатып алырга киңәш ителә. 
Аны даими ашлаганда һәм ел саен күчереп утыртканда ул бигрәк тә яхшы үсә. Ике ел эчендә аның биеклеге бер метрга җитәчәк. 

Аралия матур яфраклы декоратив гөл буларак, XIX гасырда ук киң таралган була. Бик сирәк кенә чәчәк ата. Ботаклары көчле булып үссен өчен, һәр яз яшь  ботак очларын кискәләп торыгыз. Вакыт-вакыт яфракларын юыгыз.


Тәрбияләү кагыйдәләре

Температура: уртача, ә кышын, мөмкинлектән чыгып, чагыштырмача, түбән температурада тотарга кирәк. Аралия 20 градустан югары температураны начар кичерә.
Яктылык: көчле яктылык яисә ярым күләгәлек. Кышын аеруча яктылык яратучан.
Су сибү: яздан көзгә чаклы күп итеп, ә кышын уртача су сибәргә кирәк.
Дымлылык: яфракларына еш кына су бөркегез.
Күчереп утырту: һәр яз.
Үрчетү: җәен сабак үсентесеннән яисә язын орлыктан.
Проблемалар: яфраклары саргая һәм коела. Моңа ике сәбәп булырга мөмкин. әгәр яфраклары йомшарса һәм шиңсә, гөлнең туфрагы артык дымлы дигән сүз. Ә инде яфракның сынуы һаваның коры булуын күрсәтә.җыерчыкланган яфраклар исә бүлмәдә чамадан тыш коры һава яисә кояш артык булуын аңлата. Җәен аралияне күләгәлерәк урында тотарга кирәклеген онытмагыз. Инде яфраклары тапланып агарса,  очлары көрәнсу төскә керсә, сәбәбе су җитмәү була. Аеруча зур аралиягә җәен ешрак су сибәргә кирәк.

«Сөембикә», № 11, 2007.
фото: http://pixabay.com
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7334
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    8112
    0
    37
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4246
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2220
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    2711
    1
    28
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда