Яран ник чәчәк атмый?

Тәрәзә төбендә, ак челтәр пәрдә артында кып-кызыл булып яраннар чәчәк атып утырса, бүлмә нинди ямьле! Бер ата башласа, җәй буена шау чәчәктә була ул. Ләкин... Кайчак яран киреләнә, яфраклары да куе, матур үзенең, тик чәчәк атарга һич теләми. Ничек чәчәк аттырырга яранны? 

Яран кояшлы якты урынны ярата. Чәчәк атмавының сәбәбе яктылык җитмәү булырга мөмкин. Яраннар көньяк һәм көньяк көнчыгыш, көньяк көнбатышка караган тәрәзә төпләрендә генә чәчәк ата. Яктылык җитмәсә, яран буйга үсә, яфрак аралары ераклаша, гәрчә яфраклары эре булса да. 

Яран гөленең туфрагын ел саен, ким дигәндә ике елга бер булса да алыштырып торырга кирәк. Яран ул ашлы туфракны ярата. Яраннар кышкы йокыдан уянганда аларга азотлы ашламалар кирәк.  Ләкин чәчәккә бөреләнгән, чәчәк аткан чорда  ике атнага бер тапкыр фосфорлы-калийлы ашламалар (суперфосфат, нитроаммофоска, борофоска ишеләр) белән тукландыралар.  

Яктылык та җитәрлек булып, ашлап та торып, яран чәчәк атмый икән, туфрагын карагыз. Ул тыгыз, балчыксыз, бик дымлы туфракларны яратмый. Аңа көпшәк, һава яхшы йөри торган туфрак кирәк. 1 өлеш черемә, 2 өлеш бакча туфрагы, 1 өлеш ком кушып, аны үзегез дә ясый аласыз. 

Матур итеп купшы чәчәк атсын өчен, яран гөле үсә торган чүлмәк артык зур да, бик тыгын да булмаска тиеш. Чүлмәк зур булса, үсемлек бар көчен тамыр системасын үстерергә тотачак, яфракка котырачак. Чүлмәк гөлнең тамырларыннан берничә сантиметрга гына зуррак булсын. 

Яран гөле картайса да чәчәк атмый. Гөлне яңартып тору өчен аны көздән яки иртә яздан кисеп, формалаштырып торалар. Җәй көне исә чәчәк атып бетергән бөреләрне, саргайган яфракларны гына өзәләр. Куакның эченә таба үсеп комачаулаучы артык ботакларны да сирәкләргә мөмкин. 

Яран гөле елга бер тапкыр ял итәргә тиеш. Моның өчен аны салкынча якты урында кыш чыгаралар. Бу вакытта суны сирәк сибәләр. Ял итмәсә дә, яран чәчәкне бик начар ата. 

Яранны чәчәк аттыру өчен менә бу гади генә препаратларның да файдасы бар. 

Йод
 5 стакан суга 1 тамчы йод җитә. Суны башта берничә көн яхшылап тондырырга яки чишмә, яңгыр суы кулланырга кирәк. 

В витамины

В төркеменә керүче В₁ В₆, В₁₂ витаминнары аптекада сатыла. Җәй дәвамында аларны чиратлаштырып сибәргә була. 2 литр суга 1 ампула алына.

Сөт

Кызык яңгыраса да, яран гөле сөт ярата. Ашлама сыйфатында куллану өчен 1 литр суга 100 грамм сөт салына.  

Онытмагыз: ашлама сипкәнче, гөлнең туфрагын башта чылатыгыз. Ашлама сипкәннән соң, аны беразга үтәли кояштан алып торыгыз. 

 

фото: https://pixabay.com/ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6097
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7100
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3808
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1902
    0
    26
  • Мин аны Ходайдан сорап алдым Ул чакта алдымда ике юл иде: йә үземне тулысынча карьерага багышлыйм (мин бу вакыт Мәскәүдә, бик зур бер оешмада әйдәп баручы юрист булып эшлим), йә...
    3201
    1
    20
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда