Укроп

Укропны белмәгән, ашамаган-кулланмаган кеше юктыр ул, мөгаен. Тик шулай да аның организмга ни дәрәҗәдә файдалы икәнен белмәүчеләр җитәрлек.
Кыргый укроп Урта диңгез буйларында еш очрый. Тәмләткеч үсемлек буларак исә Россиянең һәр төбәгендә диярлек үстерелә. Ул витаминнарга бик бай. Мәсәлән, яшел укропта С витамины лимондагыга караганда өч мәртәбә күбрәк, ә каротин — помидордагы микъдарда кебек үк. Укропта шулай ук В1, В2, РР витаминнары, Р провитамины, фолий кислотасы һәм тимер, калий, кальций, фосфор кебек минераль тозлар да бар. Укроп орлыгы исә эфир майларына, шикәргә, каротинга бай.
Халык медицинасында укропның орлыкларын һәм үләнен элек-электән кулланганнар. Мәсәлән, мисырлылар аның орлыгын баш авыртудан, ә үләнен сидек кудыргыч итеп файдаланганнар.
Укроп орлыгы төнәтмәсе аппетитны яхшырта, бала имезүче хатыннарның сөтен арттыра. Шулай ук көзән җыерудан, йокысызлыктан файдаланыла. Төнәтмә эчтә җыелган газларны чыгаручы, сулыш юллары ялкынсынуын һәм бавыр авыртуын дәвалаучы чара буларак та киң кулланыла. Төнәтмәләр түбәндәгечә ясала:
Эчтә газ җыелганнан. Бер аш кашыгы укроп орлыгын 200 мл кайнап торган суга салып, 15 минут төнәтеп сөзегез. Төнәтмәне ашарга 15 минут кала, берәр аш кашыклап, көнгә 3-5 тапкыр эчегез.
Ашказаны һәм эчәкләр эшчәнлеге бозылганнан, бавыр авыртканнан, йокысызлыктан, сөт бүленеп чыгу кимегәннән. Ике чәй кашыгы укроп орлыгын 400 мл кайнаган суга салып, 30 минут төнәтегез. Сөзелгән төнәтмәне ашарга ярты сәгать кала, яртышар стаканлап, көнгә 3 тапкыр эчегез. Дәвамлы йокысызлык булганда, 1 стакан әлеге төнәтмәгә 1 чәй кашыгы бал кушып, төнгә эчегез.
Кан басымы күтәрелгәннән. Бер аш кашыгы киптерелгән укроп үләнен 200 мл кайнаган суда 20 минут төнәтеп сөзегез. Шуны ашарга ярты сәгать кала, яртышар стаканлап, көнгә 3 тапкыр эчегез.
Бөердә һәм үт куыгында таш булганнан. Ике аш кашыгы ваклап туралган яшел укропны 400 мл кайнап чыккан суга салып, өстен томалап 15-30 минут төнәтегез. Аннары сөзегез һәм җылы килеш, яртышар стаканлап, көнгә 3-4 тапкыр эчегез. Дәвалану өчен төнәтмәне 2-3 атна дәвамында эчәргә кирәк.
Ә инде кыяр, помидор һәм башка яшелчәләрне тозлаганда укропны тәмләткеч итеп куллану беркемгә дә сер түгел.
фото: http://pixabay.com
Татар хатын-кызлары өчен кызыклы язмаларны Сөембикә Telegram-каналында укыгыз
-
Ник ашыктың? Иртән йокылы-уяулы яткан вакытта, башыма шушы шигъри юллар килде. Исемнән чыгудан куркып, күзләремне дә ачмыйча, диван култыксасына үрелдем. Шагыйрә дустымның бүләк иткән китабы янында гына телефоным ятарга тиеш.
-
Җандагы төер Мәрйәм кебек быел зарыгып кыш килгәнен көткән кеше бар микән? Юктыр!
-
Ирем ярым түгел... Ашыгып кияүгә чыкканыма иманым камил иде. Иремә барысын да әйтәм дә, аерылам...
-
Ирем гомер буе, «кыз түгел идең», диде Минем бу хакта берәүгә дә сөйләгәнем юк. Язганнарымны укыгач, нигә сөйләмәгәнемне аңларсыз да. Кеше белән бүлешеп була торган хәлмени?
-
25 гыйнвар 2021 - 19:38Без имениНигэ тагын бер ун тапкыр язмадыгыз аны🤔Чулпан Йосыпова икенче тапкыр әни булган
-
25 гыйнвар 2021 - 18:38Без имениБаладан да газиз кем бар доньяда!!!Булачак иремә мин кирәк, улым кирәкми
-
26 гыйнвар 2021 - 11:00Без имениходай сабырлык. бирсенВәсилә Фәттахованың ире Илгиз: «Минем иң якын кешем... Мәңгелеккә!»
-
26 гыйнвар 2021 - 17:13Без имениАхырдан укенерсен бит ,я бала бэлэн бар я аргызны Оз ,Булачак иремә мин кирәк, улым кирәкми
-
25 гыйнвар 2021 - 06:16Без имениБаланы уз итмэгэч ул ир тугел, баланы ана алыштырмыйлар. Уз бэхетен алда эле синенБулачак иремә мин кирәк, улым кирәкми
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.