Сатуга яшелчәләр үстерүче Хәлиуллиннар: Помидор ботагында һәрвакыт 18 яфрак булырга тиеш

Авыл халкы өчен бакча эшләре башланды. Бөтенесе шау-гөр килеп яшелчә утырта, җиләк-җимеш агачларын барлый. Арча районы Түбән Аты авылында яшәүче Хәлиуллиннар өчен исә бу ел әйләнәсе башкарыла торган эшләрнең бер өлеше генә.


Дамир Хәлиуллин тормыш иптәше Фәридә ханым  белән моннан 7 ел элек КФХ төзи. Үзе ул Казан Дәүләт аграр университетны тәмамлаган булган. Шуңа да, күмәк хуҗалык таркалганнан соң, кайсы өлкәдә эшли башларга дигән сорау тумаган да диярлек.  


-Күмәк хуҗалык таркалгач, үзебезнең кибетләрне булдырдык. Тик алып-сатып кына эшләп булмый, үзебездә нәрсә дә булса җитештерү теләге туды. Бер елны Башкортстан Республикасында булырга туры килде. Анда теплицаларда булдым. Гаилә белән киңәшләшкәннән соң, андый теплицаларны үзебездә дә ясап, яшелчә үстереп карарга ниятләдек. Теплицаның мәйданы ел саен арттырыла барды. Хәзер безнең 6 гектар җылытылган теплицабыз бар. Анда помидор, кыяр үстерәбез, - ди Дамир Хәлиуллин.


Помидор һәм кыярдан тыш, быел эксперемент буларак  татлы борыч, чәчәк утыртканнар. Шулай ук ачык грунтта утырту өчен кәбестә үсентеләре үстерәләр.


Гыйнвар башында, яки 3-4 числоларда теплицада беренче орлыклар җир куенына иңдерелә. Февраль азагы-март башында инде беренче уңыш җыела. Теплицаның күп өлешен июль азагына кадәр кыярлар били. Аннан соң алар урынына помидорлар утыртыла. Октябрьнең 15-20 ләрендә помидорлар бөтенләй җыелып бетә, теплицалар чистартыла, яңартыла.


Мул уңыш алыйм, дисәң...


Шуны әйтергә онытканмын, Хәлиуллиннарның теплицасы гади генә түгел. Хәзер бакчалардагы кечкенә теплицаларны да поликарбонат белән тышлыйлар. Ә Түбән Атыда әллә каян күренеп торган теплицалар ике кат целлофан пакет белән тышланган. Аны ел саен, Яңа ел алдыннан алыштыралар.


Нигә заманча технологияләр кулланып ясамыйсыз, дип кызыксынам хуҗадан.


-Минем үземнең дә теплицаны башкача тышлау уе килгән иде башка. Тик санап карадым да, полкарбонат белән тышлаганга киткән акча миңа теплицаны целлофан белән 29 ел дәвамында тышларга җиткәне ачыкланды. Иң мөһиме, аны ел саен яңартып торырга кирәк. Әгәр дә 2-3 ел тора икән, пакет шакшылана, карала. Димәк, үсемлекләргә кояш нурының үтеп кереше дә кими.


Беренче елны кыярларны алар җиргә утырта. Берничә ел тәҗрибә туплаганнан соң, теплицада ясалма түтәлләр булдырырга карар кылына. Моның өчен Мари Элдан махсус рәвештә торф кайтартыла. Шуны тирес белән бергә болгатып, түтәл итеп ясыйлар. Җирдән салкын кермәсен өчен түтәл астына салам җәелә.


-Мондый туфрак куллану уңышка бик нык йогынты ясый. Кыярның тәме бакчадагы кебек була. Тышкы кыяфәте дә бакча кыяры шикелле. Шуңа да сатып алучылар бик ярата. Узган ел помидорларыбыз бик уңды. Казан әбиләре безнең помидорларны сатып алып, үзләренеке дип сатуларын шалтыратып әйтүчеләр булды хәтта. Чөнки тәм ягыннан алар бер дә аерылмый.


Җылытуга килгәндә, теплицаларда табигый газ кулланыла. Ел саен бер гектарга якынча 200 мең куб метр газ ягыла. Моңа тагын электр энергиясен дә кушарга кирәк.


-Ел дәвамында кыярның уртача  бәясе 45 сум булса, димәк, без керем алабыз дигән сүз. Бер гектар теплица, яхшы уңыш биргән очракта, 2 млн сум чамасы файда калдырырга була, - ди хуҗа.


Орлыклары — Голландиянеке


Орлыкларны Хәлиуллиннар Голландиядән кайтарта. Үзебездә җитештерелгән орлыкларны кулланмыйбыз, ди Дамир әфәнде.


-Үсентеләр өчен аерым теплицабыз бар. Хәзер анда кәбестә һәм чәчәкләр үсә. Кәбестә яисә теләсә кайсы башка орлык тишелеп чыксын өчен, теплицада 28 градус җылы булырга кирәк. Орлык тишелүгә, аның өстенә ябылган  целлофананы алу мөһим. Болай эшләмәгәндә, үсенте “яна”.


Авырулар белән көрәшүнең иң яхшы ысулы — профилактика


Ашламаны кулланмаска тырышабыз, ди Дамир Хәлиуллин. Кыяр, помидор өчен махсус чыгарылган ашламалар яисә авыруларга каршы препаратлар гына кулланалар икән.


Авырулар белән көрәшүнең иң яхшы ысулы — ул профилактика, дигән фикердә теплица хуҗасы.


-Авыртулар килеп чыкмасын өчен, алдан ук кирәкле технологияләрне кулланып, туфракны, үсемлекләрне эшкәртеп торырга кирәк. Килеп чыккан очракта, һәр авыруның үз даруын гына кулланырга, - киңәш итә Дамир Хәлиуллин.


Шөпшәләр дә “эшли”


Хәлиуллиннар теплицаларында кыярлар да, помидорлар да умарта кортлары ярдәмендә серкәләндерелә торганнар. Тик эссе һава шартларында барлык умарталар да чыдамый. Шуңа да бу мәсьәләне алар шөпшәләр ярдәмендә чишкән.


-Без кыска кыярлар утыртыр идек, әмма март аенда кеше кыяр белән салат ясап ашый башлый һәм моның өчен зур, сусыл кыярлар сатып ала. Ә андый кыярлар табигый юл белән серкәләндергәндә генә була. Шуңа да без Воронеждан, Израильдән шөпшәләр кайтартабыз. Бер оя 3200 сум тирәсе тора. Алар махсус, теплицалар өчен уйлап табылган шөпшәләр.


Эшчеләргә килгәндә, Хәлиуллиннар теплицаларында 80 ләп кеше хезмәт куя. Аларның күбесе Урта Азиядән килгән халык.


-Үзебезнең район кешеләре белән дә эшләп карадык. Әмма үзбәкләр, таҗиклар белән эшләү кулайрак. Аларның һәркайсына мәйдан бүлеп бирелгән. Бу якынча 9-10 сотый. Хезмәт хакларын алар җыйган уңышка бәйле рәвештә ала, - диде Дамир әфәнде.


“Теплица тоту рәхәт түгел”


Теплица тоту рәхәт эш түгел, бик авыр, ди кыяр-помидор үстерү белән шөгыльләнүче Дамир Хәлиуллин. Әгәр дә укучыларыбыз да анардан кызыгып, бу эш белән шөгыльләнергә тели икән, иң беренче чиратта, дәүләт программаларын барлап, шул рәвешле эш башларга киңәш итә фермер.


-Теплица төзеп куеп, кемгәдер ышанып кына эш алып барып булмый. Үзеңә җигелеп эшләргә кирәк. Көн саен шул үсемлекләр янында булып, аларның нинди халәттә булуын күрмәсәң, алар өчен җан атмасаң, яшелчә үстереп булмый. Хезмәт хакына гына эшләгән кеше эш сәгате бетә дә, кайтып китә. Ә син бу эшкә күпме акча түгәсең. Мисал өчен, орлыклар гына да 1 млн сумга төшә. Торф 600-700 мең сум тирәсе тора. Үзең яратмасаң, четерекле эш. Беренче елны гына бар да килеп тә чыкмаска мөмкин. Икенче елда да әле өметләр акланмый. Шул чагында үҗәт булу кирәк. Башлап, ташлаучылар безнең Татарстанда күп булды,- ди Дамир Хәлиуллин.


Помидорың уңсын дисәң...


Помидор уңсын өчен аның ботагында һәрвакыт 18 яфрак булырга тиеш, ди фермер. Шулай ук помидорны яфраклар каплап тормау да мөһим. Ә иң кирәк нәрсә — ул теләк!


“Балалар эш белеп үсте”


Дамир әфәнде тормыш иптәше Фәридә ханым белән 5 кыз үстергән. Төпчекләренә әле 7 генә яшь. Кечкенә булса да, ул да әти-әнисеннән калышмый, аларга ярдәм итә.


Хәлиуллиннарның олы кызлары югары белемле, үз тормышлары белән яши. Дүртенчеләре исә КФУда белем ала.


-Безнең тагын 5 гектар бакча җиләге бар. Аны тулысынча дүртенче кызыбыз Ләйлә карый. Мин хәтта җиләк басуына барып та җитәргә өлгермим. Балаларыгыз кеше булып үссен дисәгез, кечкенәдән эш бирегез, эшләтегез. Уңыш аласыгыз килсә, һәр нәрсәгә күңел биреп эшләгез, - ди Фәридә ханым.

чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7164
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4462
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2936
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9613
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4781
    0
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда