​Безнең Марсель абый…

Яңа елның озын яллары берәр күңелсез хәбәр алып килми калмый… Бу юлы да шулай булды. Марсель абый Зариповның вафаты турындагы хәбәрне юлда, авылдан Казанга кайтып килгәндә ишеттек. Өйгә кайтып керүгә, Журналистлар берлегеннән шалтыраттылар: хушлашу иртән 10 да була икән… 
 Журналист-легенда, язучы, тәрҗемәче, «Советская Россия» газетасының үз хәбәрчесе иде ул. Габдулла Тукай исемендәге Дәүләт премиясе лауреаты, Татарстан журналистларының Хөсәен Ямашев исемендәге бүләге иясе. «Бәллүр каләм» фестивальләре лауреаты… Шулай да минем өчен ул барыннан да бигрәк гади, шаян сүзле, бераз төртмә телле, кунакчыл, бик күп укый, бик күп белә торган көләч Марсель абый булып калыр.

 Большая Красная урамындагы биш катлы кызыл йорт, Марсель абыйларның фатиры, аның китаплар, газеталар белән тулы эш кабинеты күз алдына килеп басты. Ул корпункт та иде әле... Гаҗәп кешелекле, киң күңелле, теләсә кемне кайчан да үз күреп каршылый белгән  хатыны Сәйара апа, акыллы-тәүфыйклы балалары Фәридә белән Илдар... Күңелдә Марсель Зарипов турында әллә никадәр хатирәләр саклана!.. Ул безнең Марсель абый иде! 

Беренче күрүдә үк шаккаттым: бигрәк гади, ачык! Үз итеп сөйләшә! «Без Казаннан, Иделдән» дигән китабы буенча мәктәптән үк хәтерлим анысы. (Гариф Ахунов белән икәүләп әнә шундый китап язганнар.) Ләкин ул бит... язучы! Зур кеше! Нурихан Фәттахның «Итил суы ака торур»ын, Әмирхан Еникиның «Әйтелмәгән васыять»ен, Гариф Ахунов, Вакыйф Нуруллин әсәрләрен рус теленә тәрҗемә иткән Марсель Зариповны һич алай итеп күз алдына китерми идем!.. 

Берчак Марсель абыйны түгәрәк туган көне белән котларга дип керсәк, юбилейлар үткәрергә яратмаган собкор Зарипов  Казаннан ук чыгып качкан! Краснодарга командировкага китеп барган!..
Марсель абый белән Сәйара апаны туебызга чакырган идек. Алар бүләк иткән кызыл чәчәкле чәй сервизы әле дә табыныбызны бизи!.. 

Олы башын кече итеп…  Туйның икенче көнендә үк кунакка алуларын әйтәм. Сәйара апа бәлешләр пешергән. Ике якның да әти-әниләрен дә дәшеп, авыл гадәте буенча ашка чакырдылар безне! Гомергә онытасым юк!..
Ул, әлбәттә, безнеке – Татарстанныкы! Һәм һичшиксез Мәскәүнеке дә!  Дагомыста журналистлар фестивале көннәрендә Россия Журналистлар берлеге рәисе Всеволод Богданов Татарстан журналистлары янына махсус килеп, Марсель абый турында сораштыра башлады. «Советская Россия»дә бер тирәдә собкорлар булып эшләгәннәр (Богданов – газетаның Карелия һәм Мурманск өлкәсе буенча үз хәбәрчесе булган), «Марселю большой привет!» дигән иде ул чакта. «Комсомольская правда»ның Президент пулындагы журналисты Александр Гамовка да Марсель Зарипов белән  командировкаларга барырга туры килгән. Ностальгия итеп сөйләде…

 Бездә аның китаплары күп. Геройлары – нефтьчеләр, авыл хезмәтчәннәре, КАМАЗ төзүчеләр, Түбән Кама химиклары… Журналистикага караганнары да бар. Повесть, хикәяләре («Ордер на квартиру» җыентыгы). Умартачылык турындагылары да (ул – шәп умартачы! Яңа аерткан балыннан ел саен авыз иттерә!)… Кесәгә дә сыймалы «Поучительные потешки»да Марсель абый үзе, каләмдәшләре белән булган кызык хәлләрне тасвирлаган. Көлә-көлә укыйбыз…

Умартачы, балыкчы, бакчачы, гөмбәче … Ул – табигатькә якын. Аларның Салкын Чишмәләре бар! (Сәйара апа авылы.)
Кызганыч… Мин узган җәйдә «Алтын каләм»гә бара алмадым. (Беренче тапкыр.) Ә Марсель абыйны яшь журналистларның «Алтын каләм» республика фестиваленә мастер-класс уздырырга чакырганнар. (Беренче тапкыр.) Без аймылыш булдык. Күрешә алмадык. Ә шундый яратып калганнар аны! Яшьләр белән яшьләрчә сөйләшә ул!

Әллә ничек кенә үтте көннәр, көзләр… Марсель абыйны күптән күргән юк… Ул  Салкын Чишмәдә диделәр. Соңгы шалтыратуда хастаханәдә иде. Барырга, күрешергә өлгерә алмадык…

Бүген – Россия журналистлары көне. Кемнеке – кемнеке, ул барыннан да бигрәк собкор Марсель Зарипов өчен бәйрәм иде! Элек бу көнне Журналистлар йортында Марсель абый белән күрешми калмый идек. Чал чәчләрен сыпырып, елмаеп, олысы-кечесенә аерым бер итагать күрсәтер, хәлләрне сорашыр.  Журналистика аксакалыннан бөтенесе җор сүз, тирән фәлсәфә, хөр фикер көтә. Ул бәйрәмнең бер бизәге сыман. Көлдерә. Анекдотлар сөйләп ташлый. Дусларча гына тәнкыйтьләп тә ала... 

 Күңел һаман ышана алмый. Соңарып булса да, бәйрәмгә килеп җитәрсең дә, хәйләкәр елмаеп, «мәҗлеснең иң күңелле вакытын махсус көттем», – диярсең кебек... Язарга, аралашырга, сөйләшә белергә, тапкыр җаваплар бирергә, ниһаять, чын журналист булырга өйрәнәсе дә өйрәнәсе синнән...
Син җитмисең бүген безгә, Марсель абый! Иртәгә инде арабыздан китүеңә җиденче көн була...  
      

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6017
    7
    61
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5403
    3
    47
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3970
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2639
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8763
    6
    34
Реклама
Реклама
Соңгы комментарийлар
  • 25 ноябрь 2022 - 14:10
    Без имени
    Әссәләмүгаләйкүм. Үзебезнең татарлар арасында шушындый яшьләр булуына куандым һәм горурландым. Аллаһы Тәгалә теләсә без яшибез, татар теле дә бетми, иншаллаһ.
    Татар самурае
  • 25 ноябрь 2022 - 16:42
    Без имени
    Бу энине мин уйлар идем ике йэрекле булган диеп хазэрге яшьлер уз балаларында калдырып чыгалар эниене Алла хатегале озын гомер бирсен балаларынын жылы сузлерен ишетэп яшерге язсын
    ​Иң кадерле кеше!
  • 25 ноябрь 2022 - 10:55
    Без имени
    Монын кебек ирлэр аздыр ул. Бэхетегез озын гомерле булсын
    Кайгыда да, шатлыкта да бергә без
  • 25 ноябрь 2022 - 10:45
    Без имени
    Кеше бэхетенэ урелмэсеннэр иде, семьясыз ирлэр беткэн микэнни? Язмышлардан узмыш юк шул
    ​Ачы көнбагыш
  • 26 ноябрь 2022 - 22:55
    Без имени
    Дөп-дөрес сүзләр!
    Исламда хатын-кыз хокуклары нык саклана
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда