​Язучылар яңа җитәкчеле булды

Фәнзилә МОСТАФИНА

16нчы май көнне Казанда Татарстан Язучылар берлегенең XVIII Корылтае узды. Кайнар чыгышларга, кызу бәхәсләргә бай 9 сәгатьлек утырыштан соң, язучылар яңа рәис сайлап куйды – 4 елга берлек белән идарә итү дилбегәсен драматург Данил Салиховка ышанып тапшырды. 


«Казан» милли-мәдәни үзәге иртәнге 9да ук кайный башлады. Башкалада яшәүче әдипләр генә түгел, республиканың башка районнарыннан, шулай ук Ульяновск өлкәсеннән, Мәскәүдән һәм башка төбәкләрдән дә берлек әгъзалары килгән иде. Бүген Язучылар берлегендә 336 әгъза санала икән. Шуның 243е корылтайда катнашты. 

Беренче көн тәртибе буенча Язучылар берлеге рәисе Рафис Корбан хисап доклады белән чыгыш ясады. Ул үзе рәис булып торган дүрт ел эчендә нинди эшләр башкарылуын санап чыкты. «Кызганыч, тик язучы хезмәте өчен түләү бик түбән. Шуңа күрә без язучыга стимул тудыруның иң үтемле чарасы – ул иҗади конкурс үткәрү, дип таптык. Беренче елда ук Татарстанның Авыл хуҗалыгы һәм азык-төлек министрлыгы белән килешеп, авыл тормышын чагылдырган проза әсәрләре иҗат итү буенча конкурс игълан иттек. Министры Марат Готыф улы Әхмәтов белән килешү буенча, конкурс бүген дә дәвам итә. Яшь иҗатчылар белән эшләү, яшь алмаш тәрбияләү – Язучылар берлегенең төп һәм максатчан алып бара торган эшчәнлекләренең берсе. Яшьләр – берлекнең өмете һәм киләчәге», – дип билгеләп үтте Рафис Корбан.

Дүрт ел эчендә Язучылар берлегенә 42 әдип кабул ителгән, шуның 16сы – яшьләр. Әле таныклык алырга өлгермәгән әгъзаларга – яшь шагыйрь Алмаз Мансуров, тәнкыйтьче Ләйлә Минһаҗева һәм Казакъстанда яшәп иҗат итүче язучы Равил Гозәеровка – аны тантаналы рәвештә милли-мәдәни үзәк сәхнәсендә тапшырдылар. Тәнәфес вакытында фойега чыккач, Ләйлә Минһаҗеваны таныклык алуы белән тәбрик итеп, берлеккә керүдән нәрсә өмет итүен белештек. «Әдәбият фәне белгече буларак, минем язучыларның үзләрен күрәсем, алар белән якыннан аралашасым, әсәрләрен генә түгел, үзләрен дә беләсем килә иде. Шуңа күрә берлеккә алуларына бик куандым. Алар белән бер казанда кайнап эшләү иҗатларына башка күзлектән карарга мөмкинлек бирер дип саныйм, мәкаләләрем дә объективрак булыр. Язучыны күбрәк белгән саен аның иҗаты белән кызыксыну арта. Бу бала чактан ук шулай килә бит. Берәр әдип белән очрашу булганнан соң балалар дөнья бетереп аның китабын эзли, иҗатын өйрәнә башлый. Минем дә якыннан белмәгән язучыларым бик күп әле. Берлек әгъзасы булгач, алар белән элемтә булдырырбыз дип ышанам», – дип сөйләде ул. 

Яхшы яңалыклар моның белән генә бетмәде. Әдипләр Зиннур Мансуров белән Тәүфыйк Әйдигә (вафатыннан соң) – Гаяз Исхакый, шагыйрә Сания Әхмәтҗановага – Һади Такташ, язучы Вакыйф Нуруллинга – Фатих Хөсни, язучы Айдар Хәлимгә Җамал Вәлиди исемендәге әдәби премияләр тапшырылды. Прозаик һәм тәрҗемәче Рөстәм Закиров белән язучы Маргарита Небольсина, әдәбият үсешенә зур өлеш керткәннәре өчен, Мәдәният министрлыгының күкрәк билгесе белән бүләкләнде. Шагыйрь, журналист Айрат Бик-Булатовка исә Мәгариф һәм фән министрлыгының Мактау грамотасы бирелде. 

Күңелсез яңалыклар да юк түгел. Әйтик, соңгы дүрт ел эчендә 29 әдипнең гомере өзелгән. Каләмдәшләре аларны аягүрә басып, бер минут тынлык белән искә алды. 

Рафис Корбаннан соң ревизия комиссиясе рәисе Фарсил Зыятдинов чыгыш ясады. Ул Язучылар берлегенең дүрт ел эчендә тоткан акчасын әйбәтләп тикшерүләрен һәм җитди хилафлыклар табылмавын җиткерде. Язучылар берлегендә эшләүче һәр кешегә – компьютер, берлеккә фотоаппарат алынган, Интернет тоташтырылган – Рафис Корбан боларны да зур уңышлары дип атап китте. 

Тәнәфестә милли-мәдәни үзәкнең фойесы әдипләрнең бер-берсеннән хәл-әхвәл сорашуларына, фикер алушуларга күмелде. Кемнәрдер ничә елга бер тапкыр күрешкән бит. Шагыйрә Фәйрүзә Мөслимова да корылтайга беренче чиратта шул максат белән килүен җиткерде. «Язучылар барысы да гений бит алар. Безнең белән эшләве бик кыен, һәркайсыбызга аерым игътибар кирәк. Шуңа күрә рәис урынына үз кандидатурасын куйган кешеләрне мин зур батырлык эшли дип уйлыйм. Кем генә сайланса да, Аллаһ аңа ярдәм бирсен», – дип фикерен белдерергә дә өлгерде ул. 

Тәнәфестән соң Язучылар берлегенә яңа рәис сайлау эшенә керештеләр. Биш кандидатура тәкъдим ителде: Данил Салихов, Рафис Корбан, Ркаил Зәйдулла, Илфак Ибраһимов һәм Рифат Сәлах. Моңарчы дүрт ел рәис булып торган Рафис Корбан бу юлы үз кандидатурасын кире алуы турында белдерде. «Бу дүрт ел эчендә мин юньләп яза алмадым, рәис эшен башкардым. Хәзер минем иҗат итәсем килә», – дип аңлатты ул моны. Калган кандидатлар үз программалары белән чыгыш ясады, гадел җитәкче булырга сүз бирде. Яшерен тавыш бирүдән соң, Данил Салиховның җиңеп чыгуы ачыкланды. Сайлауда катнашкан 231 делегатның 132се тавышын аңа биргән. «Рәхмәт сезгә! Ышанычыгызны аклармын! Киләчәктә матур гына эшләрбез. Мин эшләгәндә һәр акча тиененә кадәр идарә аша каралып, Язучылар берлеге аппаратына үтә күренмәлелек керәчәк – моны ышандырып әйтә алам», – дип чыгыш ясады ул каләмдәшләре алдында. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8041
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7319
    2
    73
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3539
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4193
    1
    38
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3415
    0
    24
Реклама
Соңгы комментарийлар
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
  • 24 май 2022 - 23:21
    Без имени
    Узен язасын гел ирём бн кинэшлэшэм дип, узен Кэйна Сузен тынлыйсын, монда анлашылмый, ыганыч баксов сина
    Кайнанам мине карак дип уйлый бугай
  • 24 май 2022 - 20:41
    Без имени
    Барлык кызларны да бер калыпка салмагыз әле. Егетләрнең кузләре шундый җилбәзәк кызларга төшә дә, аннан соң барлык кызларны гаепли башлыйлар. Шәhәрдән кайткан кызны озатмаса, авылда уңган, акыллы кызлар беткәндер. Озаткан егеткә сантый дип әйтерлек кыз бик төпле тугел икәне билгеле инде. Дөрес, кызларның да сайлау хокукы бар. Тик акыллы кыз моны мөмкин кадәр упкәләтмичәрәк эшли
    Яраткан кызым миңа «Сантый» кушаматы такты
  • 24 май 2022 - 18:05
    Без имени
    Молодец! Уч итеп, тырышып кеше булган. Кемдер уч итеп эчэргэ сабышып, юлдан язык иде
    Яраткан кызым миңа «Сантый» кушаматы такты
  • 24 май 2022 - 10:32
    Без имени
    Бэясен белмим эни, апа, эби булэк итте диегез.Шл вакытта кайнанагыз яна кулмэкне чыгым тугел, керем итеп кабул итэр бэлкем.
    Кайнанам мине карак дип уйлый бугай
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда