Мәктәпкә әзерлек: кесәң генә чыдасын!

Базар-кибетләр мәктәп кирәк-яраклары белән шыгрым тулды. Вакыт та бит – яңа уку елы башлануга озак калмады. Сатучылар иң керемле чорларның берсенә алдан ук әзерләнеп куя – мәктәп формасы, букча, башка уку әсбапларының ниндиен генә тәкъдим итмиләр. Әти-әниләрнең кесәсе генә чыдасын!
Август аена аяк басуга, мәктәп яшендәге балалы гаиләләрнең, мәктәп өчен кайдан-нәрсә сатып алырга, дип «башы авырта» башлый. Еллап түгел, көнләп үсүче малай-кызларга болай да кием-салым җиткерерлек түгел. Уку елы башы исә иң чыгымлы чорларның берсе.

Башкалардан ким булмасын дип,  барлык әти-әниләр үз балаларының өс-башын тулаем карарга тырыша. Дөрес, һәркем юрганына карап аягын суза. Берәүләр иң затлы бутиклардан дистәләрчә меңлек иң кәттә фирмалар тәкъдим иткән модельләрне генә алса, икенчеләргә базардагысы да ярап тора. Беренчеләренең мәктәп чыгымнары дистә меңнәр белән исәпләнсә, күпчелек өчен берничә мең сумны берьюлы чыгарып бирү да гаилә бюджетын какшата.

Кайгыртучан ата-аналар август башыннан ук сәүдә үзәкләренең балалар товарлары бүлекләренә кереп, мәктәп формалары һәм сумкаларының бәяләре белән таныша башлый. Хәзер инде кибетләр умарта күче кебек гөжләп тора.  Малай кешене мәктәпкә җыйганда әллә ни сайланып, төрлеләнеп торырга туры килми – алмаш-тилмәш кияргә, дип ике чалбар, ике рубашка, бер кәчтүм, бер аяк киеме алсаң, шул җитә.

Кыз бала тәрбияләүчеләргә исә кием-салым сайлау үзе бер зур вакыйга. Блузкаларның нинди генә фасондагысы сатылмый, сарафан яки итәк-костюмнарның да төрлелегеннән күзләр камаша, аннары колготки, түфли, чәчкә тасмалар, каптыргычлар сайлау – боларның барысы да сәгатьләргә сузылырга мөмкин.  Чыгымнар да малайны киендерүгә караганда күбрәк.

Мәктәп баласына кирәк булган тагын бер нәрсә – букча. Кагыйдә буларак, башлангычта укучы балалар өчен әти-әниләре рюкзакка өстенлек бирәләр. Алар кимендә биш йөз сум тора. Ә менә ортопедик аркалы, каеш һәм тоткалары стабилизаторлы, янып торган маяк утлары һәм башка өстәмә уңайлыклары булган рюкзакның бәясе 5-6 мең сумнан да артып китәргә мөмкин.

1 сентябрь якынлашкан көннәрдә  Avito белгечләре балаларны мәктәпкә әзерләү күпмегә төшүен ачыклау өчен сораштыру уздырган. Тикшеренүдә Россиянең төрле шәһәрләреннән 1 меңнән артык респондент катнашкан. Күпчелек – 65,8 проценты – бер бала тәрбияли, 15,3 проценты – ике, 2,3 проценты – өч һәм аннан күбрәк бала үстерә.  

Респондентларның 50 проценты, бала саны ничә булуга карамастан, мәктәпкә әзерлеккә 5-10 мең сум сарыф итәргә ниятли. Ә менә 20 мең сумнан артык чыгымнарны һәр төркемдә бик аз кеше тотарга риза. Ике һәм аннан артык бала тәрбияләүчеләр арасында өчтән бере мәктәпкә әзерлеккә 5 мең сум белән чикләнергә ниятли.

Сораштыручылар фикеренчә, иң күп чыгымнар – 80 процент – мәктәп һәм спорт формасына, аяк киеменә тотылачак. Канцелярия товарлары һәм уку кирәк-яракларына да шактый гына акча тотарга туры киләчәк, дип саный алар. Өлкәнрәк укучыларның әти-әниләре мәктәп кирәк-яракларына шулай ук техник җиһазларны да кертә, ә менә кече сыйныфларда белем алган балаларга исә уку өчен китап шкафлары, өстәл, урындыклар да алу таләп ителә.

 Гөлназ һәм Данис Хәлиевлар гаиләсенә быел  беренче тапкыр баланы мәктәпкә җыю мәшәкатьләрен үз башы аша уздырырга туры килгән.  Уллары Казанның 54 санлы мәктәбенә беренче сыйныфка укырга керә.

–  Укырга кергән мәктәбебездә малайлар караңгы зәңгәр төстәге чалбар һәм кызыл шакмаклы жилетлардан йөри. Форманы ательеда заказ биреп тектерттек. Бу мәсьәләне май азагында ук кайгыртып куйдым. Шуңа да форма арзанракка – 2500 сумга төште. Июньдә заказ бирүчеләр исә шул ук чалбар жилетны 3750 сумга сатып алды. Эш дәфтәрләрен дә алдык инде. Алары өчен 1 меңнән артык түләдек. Боларга канцелярия товарларын  һәм спорт формасын да өстәсәң, барлыгы 5 меңнән артык китте. Әле портфель, аяк киеме тагын бер төркем вак кирәк- яраклар алынмаган, – дип сөйли Гөлназ Хәлиева.  

Ә менә Алия Насыйрова кибеткә йөрүчеләрдән түгел. Инде күптәннән ул барлык диярлек кирәк-яракларга интернет аша гына заказ бирергә ияләшкән.

- Мин интернетның мөмкинлекләрен аркылыга-буйга өйрәнгән кеше һәм бу уңайлыктан тулы күләмдә файдаланырга тырышам. Бу вакытны да, акчаны да янга калдыра торган ысул. Дөрес, балага киемне ярату кыенрак, әмма инде хәзер барлык нечкәлекләрне өйрәнеп беттем. Шуңа да малаема форманы да, рубашканы да, аяк киемен, букчаны да шулай заказ биреп кенә алдым. Барлык чыгымнарым 5 меңнән артмады, – дип сөйли ул.

Баланы мәктәпкә туплау хәленнән килмәгәннәргә исә республикабызда «Мәктәпкә җыенырга ярдәм ит» акциясе кысаларында ярдәм күрсәтелә. Быел да бу акция башлангычы дәвам иттерелеп, беренче сыйныфка баручы 9484 баланы сөендерәчәк. Аларның һәркайсы мәктәп кирәк-яраклары белән тутырылган өр-яңа букча белән бүләкләнәчәк.

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8473
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7432
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5483
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4595
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8011
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...