Альбина Шәвәлиева: ​«Без гаиләне саклап калу яклы»

Татарстан Президенты Рөстәм Миңнеханов аерылышу процессын катлауландырырга кирәклеге турында белдерде. 
«Гаилә – кешенең таяныр ноктасы, һәркем өчен кадерле урын. Ул беренче чиратта кешене шәхес буларак формалаштыра, рухи һәм әхлакый тәрбия бирә, иң матур гореф-гадәтләрне сакларга һәм үстерергә ярдәм итә. Кызганыч, тик никахлашкан парларның 40 проценты аерылышу белән тәмамлана. Бу күренешкә битараф кала алмыйбыз. Гаиләне саклап калу өчен бөтен чараларны да күрергә, аерылышу турындагы гаризаларны җентекләп өйрәнергә кирәк. Безнең өчен гаиләләрнең ныклы булуы мөһим», – дип билгеләп үтте ул. 

ТР Гражданнар хәлләре актларын теркәү идарәсе аерылышу өчен бирелгән гаризаның каралу вакытын озайту турындагы тәкъдимне экспертларга юллаган инде. Гамәлдәге закон нигезендә, андый гариза бер ай эчендә карала, аерым очракларда гына суд бу процессны өч айга кадәр сузарга мөмкин. Ә яңа закон проекты нәрсәдән гыйбарәт, аны әзерләүгә нәрсә этәргән, башка илләр гаилә таркалу күренешенә нинди мөнәсәбәттә – шул хакта ЗАГС идарәсе җитәкчесе Альбина Рафаил кызы Шәвәлиева белән сөйләштек. 

– Узган елның шушы вакыты белән чагыштырганда, быел Татарстанда аерылышулар 14 процентка кимрәк теркәлгән. Тик бу күрсәткеч кенә безне тынычландыра алмый. Аерылышуларны тагын да киметү өчен кулдан килгәннең барысын да эшләргә тиешбез. Без, ЗАГС хезмәткәрләре, бу турыда күптәннән уйлана идек инде, менә Президентның да шундый ук фикердә булуын белдек. 
Аерылышуны булдырмый калу өчен күп төрле структуралар берләшеп эш итәргә тиеш. Мәсәлән, гаилә кыйммәтләре, ир белән хатын мөнәсәбәтләре, авырлыкларны җиңеп чыгу юллары турында мәктәптә үк сөйләнергә тиеш. Үз чиратыбызда без дә яшь парларны гаилә тормышына әзерләүдә зур эш башкарабыз, психологларны җәлеп итәбез. Республикада медиатор вазыйфасы да киң тарала бара. Алар ир белән хатын арасында туган бәхәсне, конфликтлы хәлне чишүдә ярдәм итәргә һәм гаиләне саклап калырга тырышуда ярдәм күрсәтә.   

Гаиләне таркату турындагы карар эмоцияләргә бирелгән килеш кенә кабул ителмәсен иде. Ә факт буенча күп гаиләләр нәкъ шулай таркала да инде. Гадәттә, гаиләне таркату ниятен беренче булып хатын-кыз әйтә. Гүзәл затлар хискә тиз бирелүчән бит, шул сәбәпле тормыш иптәше белән беренче ызгыштан соң ук аерылышу турында судка гариза язучылар бар. Гаилә тормышы тоташ якты төсләрдән генә тормый, авыр вакытлары да була. Менә шул авыр вакытта да гаиләне саклап калу өчен тырышырга кирәк. Ир белән хатын аерылышканда аларның тормышы гына түгел, гаиләдәге балаларның да киләчәге хәл ителә бит. Әти-әниләре үрнәгендә аларда үзләренең булачак гаиләләре турында билгеле бер фикер формалаша. 

Без закон проектын әзерләгәндә башка илләрнең тәҗрибәсен дә өйрәндек. Якын чит илләрдә аерылышу гаризасының каралу вакыты Россиядәге кебек үк. Ә менә ерак чит илләрдә мондый гаризаны карау еллар буена сузыла. Анда ир белән хатынга, рәсми рәвештә аерылышканчы, аерым яшәп карарга вакыт бирелә. Ялгыз яшәүнең авырлыгын татыган күпләр яңадан кушылу ягын карый. Без дә аерылышу турындагы гаризаның каралу вакытын арттырырга телибез. Ир белән хатынга мөнәсәбәтләре турында уйланырга вакыт күбрәк бирелсен иде.  

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4114
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12351
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2519
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12868
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15876
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда