​Акчаң булса гына...



Мине борчуга салган иң җитди, хәл ителмәстәй тоелган иң зур проблемаларның берсе – соңгы вакытта яман шеше чиренең көннән-көн аза баруы. Бүген үлем-китемнәр буенча ул йөрәк, кан-тамырлары авыруларыннан кала, икенче урында тора. Ә мондый тизлектә үсә барса, аның беренче урынга чыгуы да ихтимал. Туктата, дәвалый алмый торган нинди чир булды ул? Яман шешкә каршы алып барылган фәнни тикшеренүләрнең очы-кырые юк. Моңа миллиардлар тотыла. Әмма әлегә нәтиҗәсен генә күргән юк. Дөрес, табиблар безне: «Ел саен онкологка күренегез! Кисәтүе дәвалауга караганда җиңелрәк», – дип кисәтеп торалар торуын. Һәм күбебез шулай итә дә. Маммологка, гинеколог-онкологка һәм башка шундый яман шеш авырулары белгечләренә күренү өчен алдан ук – ярты ел буламы ул, бер ел буламы яшәгән урыннарындагы хастаханәләр аша чиратка язылалар. Башкача юлы да бар: акча түлисең дә көне-сәгате белән эләгәсең табибка. Ул сине карый да, һичшиксез, УЗИга, йә булмаса, тагын каядыр бер тикшеренү аппаратына җибәрә. Әйтик, онкологка консультациягә керү өчен 800 сум кирәк булса, УЗИга инде 1000 сумнан кимне бирәм димә. Шулай итеп, кемгәдер ел саен ул тикшеренүләр, әле бер генә органыңны тикшертәм дигән очракта да 2 мең сум тирәсе төшә. Әле тагын каядыр җибәрсәләр... МРТ үзе генә дә, уртача алганда, 4-5 мең сум тирәсе.

Хәзер амбулаторияләрдә, сырхауханәләрдә тәҗрибәле табиблар калмады. Озак еллар шунда эшләп киткән белгечләр үзләре шулай дип тора. «Шунда барыгыз, монда барыгыз», – дип, башка хастаханәләргә юнәлтмә биреп утыручы табиблардан ни файда? Шунлыктан пациент, сыкранып булса да, түләүлегә китә. Тешең сызлый башласа да, теш куйдырасы булса да, түләүле үзәкләргә йөгерәсең. Ә акчаң булмаса?! Ул күп кешедә юк та. 14 мең сум тирәсе пенсия... Авыл җирләрендә ул бөтенләй аз әле, үземнең ишеткәнем бар: «Минем 6-7 мең генә чыга», – дип әйткәннәрен. Менә алар кая бара? Бармый алар, сызланып-авыртынып өйләрендә утыра. Ел саен кисәтү чаралары күрергә, табибка мөрәҗәгать итәргә тәкъдим итәләр. Ниндидер бер мәгънәле сүз әйтә алырдай төпле белгечләргә эләгү өчен башта кесә төбен капшыйсың. Мөмкинлегең бармы? Җитәме акчаң медицина генийларына? Ә рак ул, үзегез беләсез, бик тиз тамыр җәя торган азгын чир. Һәрхәлдә, синең акча эшләгәнеңне көтеп тормый... Бәлкем шуңадыр да аның белән авыручылар саны елдан-ел арта бара.

Туганнарым, якыннарым арасында гына да күпме алар. Берсе әнә маммологтан аерыла алмый. Чир күкрәктәге кечкенә генә төердән башланган. Икенчесенең – эчәк тирәләрен камаган, өченчесенең – башында... Һәм өчесенең дә хәлләре тәмам савыгудан узган. Ни өчен шушы чиргә каршы (инде дәвалый алмыйбыз икән) ел саен профилактика чаралар үткәрелми икән, ә?! Ел саен! Табиблар үзләре шулай дип тора бит. Әллә нигә бер үткәрелгән акцияләр – бушлай кабул итүләр – безнең сәламәтлекне коткарып кала аламыни? Гомер буе дәүләткә эшләгән, салымнар биреп барган хезмәт кешесе шуңа да – бушлай медицина хезмәтен күрүгә дә лаек түгел икән

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10919
    5
    138
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6632
    1
    87
  • 7689
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8694
    1
    48
Реклама
Соңгы комментарийлар
  • 22 сентябрь 2020 - 14:51
    Без имени
    Рэхмэт,бик авыр Хэл,бала хэсрэте аллахым курсэтмэ.Дэвамен кэтеп калам.
    Күз яше ачы була
  • 22 сентябрь 2020 - 18:56
    Без имени
    Бик ошады. Аллахыбыз бала хэсерэте курергэ язмасын ,кургэннэргэ сабырлык бирсен. Дэвамы кайчан булыр икэн?
    Күз яше ачы була
  • 22 сентябрь 2020 - 22:28
    Без имени
    Килешәм. Ирләргә геройлык эшләргә мөмкинлекләр бетеп бара. 😉
    Бүген бала көткән яшь хатыннар ризык дип төрләнәме?
  • 23 сентябрь 2020 - 07:53
    Без имени
    Мондый Ир элэксэ бик эйбэт эле,
    ​Мин хуҗабикәне сайлыйм
  • 21 сентябрь 2020 - 21:33
    Без имени
    Нэкь шундый дип куз алдына китергэн идем.Ошыйсын Син мина Золфэт,кеше буларак,ир-ат буларак.Сойлэвеннэн ук эйтмэсэн дэ хатынны да балаларынны да яратуын сизелеп тора.Шундый гаилэлэр кубрэк булсын иде.Молодец!!!
    ​Мин хуҗабикәне сайлыйм
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...