Унсигезенче көн

Эльза НӘБИУЛЛИНА

Норвегиядән без Даниягә паром белән чыгып, Германиягә килдек.

Сәяхәтләр вакытында без өйдәгеләр белән элемтәгә сирәк керәбез, шалтыратып тормыйбыз да диярлек. Әлләни кирәген тапмыйбыз. Өйдән озакка чыгып китмәдек бит. Якыннарыбыз безне соцчелтәрләрдә күзәтә (шунда язышып та алабыз), сәяхәтнамәне укыйлар. Минем әнинең принцибы шулайрак: начар хәбәр юк икән, димәк, башлары исән. Сәяхәт хакында кайткач та озаклап сөйләшергә мөмкин. Кичә менә аннан да сәлам хаты килеп төште: «Сез кайларда? Нигә «Сөембикә»гә язмыйсыз?» – дигән. Шулай итеп, соңгы дүрт көндә кыскача безнең хәлләребез... 

Норвегиядән без Даниягә паром белән чыгып, Германиягә килдек. Даниядә  туктап та тормадык дияргә була. Чөнки безне Германиянең Штутгарт шәһәрендә яшәүче дус гаиләбез кунакка көтә иде. Юлга төгәл бер тәүлек вакыт китте, хәтта бераз күбрәк тә... Германиянең автобан юллары бик уңайлы, монда тизлек чикләүләр 110,120,130... Чикләүләр булмаса, аннан да тизрәк барырга мөмкин. Алманнар үзләре оста элдертә. Тик без моның кадәр булдыра алмыйбыз, чөнки биредә машина күп һәм кайбер урыннарда юл төзәтү эшләре алып барыла – ул да бераз кыенлаштырды. 

Без Штутгартка килгәндә вакыт төнге 12 ләр тирәләре булгандыр. Бик нык арыган, инде акны карадан аера аламаслык хәлдә идек. Шөкер, кайда да дуслар ярдәмгә килә, алар безгә «әбелхаять» сулары эчереп, яңадан аякка бастырдылар. Дуслар дигәннән. Аделия белән без университетта бер төркемдә укыганнан ук дуслар. Аның иптәше – Мурадның эше белән бәйле Казаннан монда күчүләренә 1 ел булды инде. Шул арада алар үзләре яшәгән шәһәрне генә түгел, җирле халыкны, биредәге тәртипләрне, алман телен бик яхшы өйрәнгәннәр. Ике балалары да рәхәтләнеп 3 телдә аралаша. 

Бирегә килгәннең икенче көнендә яхшы гына йокы туйдырып, бераз шәһәр белән танышырга чыктык. Кайтышлый, балаларны алырга балалар бакчасына һәм башлангыч мәктәпкә дә кагылдык. Бакчада балалар рәхәтләнеп яланаяк йөгереп йөриләр. Су сибешәләр. Шунда ук тәрбияче апалары аларны татлы боз белән сыйлый. Кичен гаилә белән якын урманга пикникка чыктык. Бу көнне безнең аруыбыз тәмам узмаган иде әле. 

Иртәгәсен шәһәр китапханәсе белән танышырга һәм Мерседес-Бенс музеен карарга бардык. Кичен безгә кунакка татар гаиләсе килде. Игътибар иткәнем шул: һәр ике гаиләнең балалары татарча иркен аралаша. 2-3 көндә ял иттек, яңа сәяхәтләр өчен көч тупладык. Штутгарт шәһәре бик уңайлы җирдә урнашкан. Күршедә генә – Франция, Швейцария. Әлбәттә, без мондый форсатны кулдан ычкындырмаячакбыз. Җитмәсә, күптән килеп танышырга теләгән Франциянең Эльзас (!) өлкәсе дә 100 чакрым ераклыкта гына. Шулай итеп, бүген кабат юлга кузгалдык. Сәяхәтебезнең икенче өлеше башланды. Штутгарттан ерак түгел Баден-баден курорт шәһәре бар. Ул үзенең термаль чыганаклары белән дан тота. Иң элек шунда киттек. Бу яшеллеккә күмелеп утырган борынгы шәһәр (2000 еллык тарихы бар аның) безгә бик ошады, әмма кинәт кара болыт килеп, безнең планнарыбызны бераз бозды. Кызганыч, бер фото да төшә алмадык. Ләкин «килеп күрергә кирәк» дигән урыннар исемлегенә теркәп куйдык. Әллә ни борчылмыйча, Франциянең Мец шәһәренә юнәлдек!
Поделиться:
Комментарийлар (1)
Cимвол калды:
  • 6 август 2020 - 21:55
    Без имени
    Нинди тәвәккәл, кыю яшләребез бар! Исән йөреп, сау кайтыгыз романтиклар, сәяхәт җене белән авыручылар!
Хәзер укыйлар
  • 7692
    4
    107
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9031
    5
    68
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    8831
    2
    58
  • 7551
    0
    55
Реклама
Соңгы комментарийлар
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
  • 5 август 2020 - 14:02
    Без имени
    Роза апа Камалитдонва мин Фирдания белэн1984 нче елларда ялгышмасам Котлы Бокэш больницасында яттык Фирдания бик матур ,жор телле безнен кунеллэрне кутэреп шул вакытта ук безне колдерэ иде.Мин анын шундый хэлдэдэ авырлыкларга бирешмичэ уз кунелен узе куруенэ исем акылым китте.Мин андый чибэр сылу кыз кургэнем юк иде.Анын кургэннэрен ходай тэгалэ дошманынада курсэмэсен.Фирдания сэламэт бул матур шигырьлэрен матур жырларын белэн безне соендереп тор.Ходай тэгалэ сине рэхмэтеннэн ташламасын.Рафаилгэдэ исэнлек саулык сабырлык бирсен
    ​Бәхетем
  • 5 август 2020 - 13:05
    Без имени
    Фикерегезне калдырыгыз дияседэ бит,узегез язганны бастырмыйсыз
    Көйсез кайнана хикмәтләре
  • 5 август 2020 - 10:40
    Без имени
    Җәннәт аналарның аяк астында, онытма балакаем. Бу хәдис күбесенчә егет кешеләргә кагыла. Сабыр булу кирәк
    Көйсез кайнана хикмәтләре