Яшь режиссерлар имтихан тота

Татарстанның мәдәни тормышында зур вакыйга көтелә: 9-14 декабрь көннәрендә Казанда IX «Һөнәр» Бөтенроссия яшь татар режиссурасы фестивале узачак. Бу хакта бүген «Татар-информ» мәгълүмат агентлыгында узган матбугат конференциясендә хәбәр иттеләр.

Әлеге фестиваль Казанда 2009 елдан башлап уздырыла. Аны Татарстан Республикасы мәдәният министрлыгы, Татарстан Республикасы Театр эшлеклеләре берлеге һәм Г. Камал исемендәге Татар дәүләт академия театры оештыра.

Быел яшь режиссерлар тамашачыларга 15 спектакль тәкъдим итәчәкләр. Алар арасында түбәндәге спектакльләр бар: «Агыла да болыт агыла» (Г. Камал театры, Айдар Җаббаров), «Миркәй белән Айсылу» (Г. Камал театры, Илгиз Зәйниев), «Концлагерьчылар» (Буа дәүләт драма театры, Тимур Кулов), «Яратылмый калган ярлар» (Чаллы дәүләт татар драма театры), «Яшенле яңгыр» (С. Өметбаев исемендәге Минзәлә татар дәүләт драма театры, Зиннур Сөләйманов) һ.б.

Спектакльләр берничә мәйданчыкта узачак: Г. Камал театрының ике сәхнәсендә, Яшь тамашачылар (ТЮЗ), Болак буе яшьләр театрында, «Угол» иҗат лабораториясендә һәм «Әкият» курчак театрының кече залында. Билет бәяләре – 150-200 сум тора. Алар инде сатуда бар.

Фестиваль яшь режиссерларга үзләренең иҗади хезмәтләрен тамашачыларга тәкъдим итәргә мөмкинлек бирә (фестивальдә 35 яшькә кадәр булган режиссерларның спектакльләре яки ул ул яшьне узган булса да, режиссерның дебют эшеннән соң 5 ел дәвамында куелган спектакльләр катнаша. Башкача чикләүләр юк).

Бу фестивальдә җиңүчеләр ачыкланмаячак, бүләкләр тапшырулар булмаячак. Яшь режиссерлар Казанга иң беренче чиратта аралашу, бер-берсеннән, педагоглардан белем алу, бер-берсенең эшләрен күрү, үзләренең хаталарын ачыклау, киләчәккә планнар кору өчен җыела.

Фестивальнең тулы афишасы белән Камал театры сайтында («Проектлар» сәхифәсе») таныша аласыз.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6109
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7106
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3811
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1905
    0
    26
  • Мин аны Ходайдан сорап алдым Ул чакта алдымда ике юл иде: йә үземне тулысынча карьерага багышлыйм (мин бу вакыт Мәскәүдә, бик зур бер оешмада әйдәп баручы юрист булып эшлим), йә...
    3204
    1
    20
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда