«Ярдәм» фонды: цифр һәм фактларда

Кичә «Ярдәм» хәйрия фонды 2018 елдагы социаль эшчәнлегенә нәтиҗә ясады. Шул уңайдан аларда фонд җитәкчелеге, фондың дуслары һәм ярдәмчеләре катнашында зур чара узды.  

2018 елда фонд тарафыннан алып барылган социаль эшчәнлеккә нәтиҗәне «Ярдәм» фонды Советы рәисе Илдар хәзрәт Баязитов ясады. 

Аның чыгышында яңгыраган кайбер цифрлар  һәм фактлар: 

 

*«Ярдәм» милли ислам хәйрия фонды даими нигездә төрле категория инвалидларга ярдәм күрсәтә. 2018 елда гына 1200 инвалидка булышлык ителде. Бер ел эчендә генә «Ярдәм» фонды тернәкләндерү курсларында 700 дән артык инвалид катнашты

 

* Бер ел эчендә укыту-тернәкләндерү үзәгендә күрмәүчеләр һәм начар күрүчеләр өчен «Йөрәк белән күрәбез һәм ишетәбез» дип аталган биш курс узды. Анда Луи Брайль системасы буенча язарга һәм укырга, компьютерда эшләргә, җирлектә җайлашырга һәм башка бик күп нәрсәләргә өйрәтелде. Курсның төп максаты – күрмәүчеләрне мөстәкыйльлеккә өйрәтү, үз-үзләренә ышаныч уяту. 

 

* Ишетмәүче һәм начар ишетүчеләр өчен 3 тапкыр «Сөйли торган куллар» дип аталган курслар узды. Ел дәвамында «Ярдәм» мәчетендә ишетмәүчеләр өчен дәресләр укытыла, җомга вәгазе ишарәләр теле (сурдоперевод) белән аңлатып барыла.  

 
* 2018 елда коляскада һәм култык таяклары белән йөрүчеләр, ДЦП диагнозлы инвалидлар өчен «Бер-беребезгә булышыйк» дип аталган курслар 3 тапкыр оештырылды.  

 
* «Гаилә учагы» йортында тәрбияләнүче балалалар мәктәп укуларын дәвам итә, төрле спорт секцияләренә йөри. Алар барлык медицина тикшеренүләрен үтте, ике баланың инвалидлыгы алынды.  

 
* «Ярдәм» фонды, ТР мөселманнары Диния нәзарәте тарафыннан республиканың төзәтү учреждениеләрендә алып барган зур күләмле эшне куәтләп, хөкемгә тартылган мөселманнар янына планлы рәвештә бару һәм колонияләрдә чаралар уздыруны оештыруга, иректән мәхрүм итү урыннарыннан азат ителүчеләрне эшкә урнаштыруга хәлдән килгәнчә ярдәм итә

 
* 2018 елда эчкечелектән, наркомания һәм уен зәхмәтеннән интегүчеләр өчен «Ярдәм-Помощь» дигән тернәкләндерү үзәге үз эшен дәвам итте.  

 
* Рамазан аенда матур гадәт буенча «Ярдәм» мәчете янындагы чатырларда көн саен 1200 кешегә – ифтарлар, 300 кешегә сәхәрләр уздырылды. Чатырларга кунак булып мөмкинлекләре чикләнгән кешеләр, ятимнәр, аз керемле кешеләр, мәхәлләдәге мохтаҗлар килде. Гомумән алганда, узган Рамазанда чатырларда 45 меңнән артык кеше авыз ачты һәм сәхәр ашады.  

 
* Корбан гаетен бәйрәм иткән көннәрдә теләгән һәркем өчен хәйрия ашлары уздырылды һәм корбан ите таратылды. Гомумән алганда, 5 меңнән артык кеше корбан ите алды.  

 

* Ел дәвамында «Ярдәм» мәчете карамагында социаль ашханә эшли, анда мохтаҗлар кайнар ризык белән туклана. 

 
Мөһим вакыйгалардан шушы чараларны билгеләп үтеп була:  

 
* «Ярдәм» милли ислам хәйрия фондының «Йөрәк белән күрәбез һәм ишетәбез» проекты буенча РФ Президенты гранты бирелү. Әлеге программа күрмәүче һәм начар күрүче кешеләрне төрле яктап тернәкләндерергә мөмкинлек бирә. Грант буенча 225 кеше Брайль системасы буенча язарга һәм укырга, компьютерда эшләргә һәм җәмгыятьтә үз урынын табарга өйрәнә. 

 
* «Ярдәм» милли ислам хәйрия фонды, республикадагы гражданнар җәмгыяте институтларын үстерүгә керткән өлеше өчен, Татарстан Президенты премиясе лауреаты булды. Бу гамәл фонд эшчәнелеген югары дәрәҗәдә тануны күрсәтә.  

 
* «Ярдәм» фонды өч ел дәвамында барган төзекләндерүдән соң Балтач районы Бөрбаш авылында малайлар өчен пансионат ачты. Хәзерге вакытта пансионатта 13 бала яши.  

 

* «Игелекле Казан» проекты белән хезмәттәшлек кысаларында «Ярдәм» фонды махсус автобуста торыр урыннары булмаган, мохтаҗ кешеләрне кайнар ризык белән сыйлый. Бу эш киләсе елда да дәвам итәчәк.  

 
* Меценатлар көче белән футбол кыры өр-яңадан ясалды. Хәзер ул заманча таләпләргә туры килә һәм инвалидларга спорт белән шөгыльләнергә – футбол, волейбол, баскетбол һәм теннис уйнарга мөмкинлек бирә.  

 
* Узып баручы елда ишетмәүчеләр һәм начар ишетүче яшьләрдән «Ярдәм» футбол командасы тупланды. Авырулары көчле булуга карамастан, команда шәһәрнең футбол лигаларында алдынгы урыннар яулый.  

 
* «Ачык йөрәкләр» фонды теләктәшлеге белән, мөмкинлекләре чикләнгән кешеләр өчен, Казанда беренче инклюзив уен паркы ачылды. Әлеге паркта балалар мәйданчыгы һәм өлкәннәр өчен тренажерлар зонасы бар.  


фоторепортаж: http://syuyumbike.ru/photoreportaj/?id=8405#step1
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10248
    5
    129
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6041
    1
    82
  • 7215
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8237
    1
    46
Реклама
Соңгы комментарийлар
  • 19 сентябрь 2020 - 07:50
    Без имени
    Минем курше авылга к лен булып тошкэн апам нэк шушындый тормыш а гомер кичерде, кайнэсе эгэр балалар га берэр кием алса апам барында мичкэ ата иде дип сойли, бер вакыт малае на бурек алып кайткан идём кулымнан тартып алдыда янып торган мичкэ а ты ди, ике каен сенелсе бар иде эти _энисе урынга калгач пинсэлэрен алдылар, э кайтып та алып китеп тэ карамадылар алар вафат инде хэзер, э апамны хэзер бик авыр чир бэреп екты шулай бер рэхэт курмэде язсан язып бетерэ торган тугел роман язырлык анын тормыш, аллам андый тормыш ны бер кемгэ дэ курсэтмэсен
    Инде минем чират...
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...