Уразага керәбез

Бүген кич, ягъни 26 май көнне мөселманнар беренче таравих намазы укыйлар. Бу хакта «Татар-информ» матбугат агентлыгы уздырган матбугат конференциясендә Татарстан Республикасы мөселманнары Диния нәзарәте рәисе, мөфти Камил хәзрәт Сәмигуллин хәбәр итте. Шулай итеп, 27 май көнне Ураза башлана. Аның инде соңгы көне дә билгеле – 24 июнь.

25 июнь көнне исә Ураза Гаетен бәйрәм итәчәкбез.

Узган ел Казан шәһәрендәге 30 мәчеттә көн саен ифтар мәҗлесләре узган. Бу матур гадәт быел да дәвам итәчәк, диде мөфти. «Зур ифтар» – республика ифтары 15 июнь көнне «Теннис» академия үзәгендә булачак. Анда 10 мең кеше катнашачак дип көтелә.

Быел бирәсе фитра садакасының күләме дә ачыкланган: 100 сум һәм 600 сум. Күпме бирергә тиеш икәнлеген һәркем үзе хәл итә. Әгәр аның кесәсендә 198 мең сум акчасы бар икән, димәк, ул хәлле кеше дип санала. Бу очракта аның фитра садакасының күләме 600 сум була һәм ул инде зәкәт тә түләргә тиеш.

Фидия садакасының (ураза тота алмаучылар мохтаҗларны ашату өчен бер көнгә бирелә торган садака) күләме быел 200 сум дип билгеләнгән. Әгәр кешенең гаиләсен ашатырга да мөмкинлеге юк икән, фитра садакасын ул инде үзе кабул итеп ала ала.

Татарстан мөфтие хәбәр иткән яңалыкларның тагын берсе: иртәгә алар Төркиядән 38 Коръән-хафизны каршы алачаклар. Аларның берничәсе Казан мәчетләрендә калачак, ә калганнары Татарстан районнары буйлап таралачак.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...