Тукай юбилеена – рәсем күргәзмәсе

7 апрельдә Казандагы Габдулла Тукай әдәби музеенда бөек татар шагыйренең 130 еллык юбилеена багышлап, Россия Рәссамнар берлегенең Татарстан оешмасы “Бар уем кичен-көндезен сезнең хакта, милләтем...” дип исемләнгән күргәзмә ачты.


Габдулла Тукай музеенда рәсем күргәзмәләре даими оештырылып тора. Алар арасында, әйтик, Тукайның күңел халәтен ачкан “Көзге мизгелләр”, шагыйрьнең замандашларын һәм яшәгән мохитен күрсәткән “Тукай йолдызлыгы”, әкиятләренә нигезләнгән “Тукай  дөньясы”, Бөек Ватан сугышы чорын чагылдырган “Без сугышта юлбарыстан көчлебез...” дип исемләнгән күргәзмәләр уңышлы гына үтте.

 

 


Россия Рәссамнар берлегенең Татарстан оешмасы белән берлектә әзерләнгән чираттагы күргәзмә Габдулла Тукайның 130 еллыгына багышлана. Экспозицияне Чистайда яшәп иҗат итүче Татарстанның атказанган сәнгать эшлеклесе Радик Минһаҗовның графика жанрында эшләнгән Габдулла Тукай портреты ачып җибәрә. Түбән Камадан Геннадий Капитовның “Шүрәле” графикасы, китап графикасы осталары, Татарстанның атказанган сәнгать эшлеклесе Алсу Тимергалина эшләре шагыйрьнең туган ягын сурәтли, шагыйрь әсәрләренә багышланган иллюстрацияләр Тукай иҗатының тирән фәлсәфәсен тасвирлый. Татарстанның халык рәссамы, станоклы графика остасы Александр Иншаков иҗат иткән рәсем Габдулла Тукайның балачагын күзалларга ярдәм итә. Күренекле рәссамнар Наталья Васильева һәм Любовь Григорьева әсәрләрендә, Александр Дерябинның “Курчаклар” сериясендә дә Тукай шигърияте аһәңнәре чагыла.

Күргәзмә 18 майга кадәр эшләячәк.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан