Тукай күргәзмәсе – Мәскәүдә

2016 елның 19 августында Мәскәүдә татар мәдәнияте көннәре узу уңаеннан Мәскәү халыкара Музыка йортында «Ашкынамын мәңгелеккә: Габдулла Тукай һәм аның мирасы» дип исемләнгән күргәзмә ачыла.
2016 елда Габдулла Тукайның тууына 130 ел тулу уңаеннан Татарстанда һәм Россиянең башка өлкәләрендә, чит төбәкләрдә шагыйрьнең тормышына, иҗатына багышланган тантаналы чаралар уза, әдәби-музыкаль кичәләр, конференцияләр үткәрелә, күргәзмәләр оештырыла.

«Ашкынамын мәңгелеккә: Габдулла Тукай һәм аның мирасы» күргәзмәсе Татарстан Республикасы Милли музее, Татарстан Республикасы Милли архивы, ТР Фәннәр академиясе, Г.Ибраһимов исемендәге Тел, әдәбият һәм сәнгать институтының Язма һәм музыкаль мирас үзәге фондлары нигезендә булдырылды.

Сирәк документлар һәм фотосурәтләр Тукай тормышының хәлиткеч этаплары һәм шагыйрьнең даирәсе белән таныштырырга, татар әдәбияты һәм журналистика үсешенә керткән өлешен күрсәтергә, исемен мәңгеләштерүне чагылдырырга мөмкинлек бирә.

Күргәзмәнең әһәмиятле өлеше – Габдулла Тукайның Татарстан Республикасы Милли музее фондында сакланган аз санлы мемориаль әйберләрен күрсәтү. 1908 елда фотосурәткә төшкән кара бәрхет түбәтәе һәм 1912 елда Санкт-Петербургта татар мәктәбе укучылары бүләк иткән кара савыты шундыйлардан.

Тукай белән бәйле мемориаль урыннарга һәм музейларга сәяхәт итәргә, шагыйрьнең үзе исән чагында дөньяга чыккан басмаларын күрергә, шигырь җыентыкларына һәм балалар өчен чыккан китапларына танылган рәссамнарның иллюстрацияләре белән танышырга мөмкинлек биргән электрон киосклар күргәзмәне баета.

Күргәзмә ачылу тантанасында иҗат интеллигенциясе вәкилләре, Мәскәү шәһәренең татар җәмәгатьчелеге катнаша.

сылтама: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3640
    5
    124
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    1260
    5
    103
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10986
    5
    75
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6159
    0
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4427
    1
    50
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан