TMTV телеканалы премиясе: 5 ел иң яхшысын гына сайлап!

 


TMTV телеканалы премиясе – шоу-бизнесның югары дәрәҗәле һәм мөһим вакыйгаларның берсе. Музыкаль телевизион премиядә танылган, әлеге вакытта халык мәхәбәтенә күмелгән, уңышның биеклеген белгән артистлар гына булачак. Моннан җиңүчеләргә тапшыралачак алтын очлы сынның исеме дә – “биеклек”, дип хәбәр итә премиянең оештыру комитеты.
 


Ел саен уздырыла торган Татар музыкаль телевизион Премияләр тапшыру тантанасы беренче тапкыр 2016-нчы елның 2-нче апрелендә узды.
 


Онытылмаслык образлар, иң кайнар хитлар – барысы да бар иде. Бүгенге көндә дә тамашачылар аның якты мизгелләрен TMTV телеканалының сайтында күрә алалар.
 


Узган елны тамаша башланыр алдыннан йолдызлар, мөхтәрәм кунаклар кызыл келәмнән узган иде. Быел да әлеге традиция сакланып калачак.
 


Кызыл келәмгә килгән тамашачыларның кумирлары белән “сэлфи” ясау мөмкинлеге дә каралган.
 
Быел оештыручылар премияне үткәрү мәсәләсенә тагында җитдирәк карыйлар. Татар эстрадасы күпкырлы һәм бездә классик әсәрләргә дә, яңа яңгыраштагы җырларга да урын барлыгын күрсәтү – телеканалның төп максаты. Татар җырлары заман белән бергә атлый, шул ук вакытта үзенең тамырларын онытмый – нәкъ шушы идеяны 5 ел дәвамында тамашачыларга җиткерә TMTV телеканалы.
 


Биш ел дәвамында ТМТV телеканалы татар эстрадасының иң “тәмле”, кабатланмас клипларын трансляцияләүче, тамашачыларын яңадан-яңа җырлар, сыйфатлы тапшырулар белән сөендерүче телеканал. ТМТV эфирга чыккан көннән алып моңлы җырларны,  татар эстрадасының тарихын саклап килә, моңа өстәп яңа экспериментлардан курыкмыйча алга бара. Шуңа күрә дә быелгы Премия «TMTV  - 5 ел иң яхшысын сайлап» девизы астында үтәчәк.
 
Оештыручылар быел да тамашачылар өчен кызыклы сюрпризлар әзерлиләр: грандиоз декорацияләр, кабатланмас спецэффектлар һәм көтелмәгән дуэтлар. Тамашачыларны 5 сәгатьлек шаккатырырлык тамаша көтә. TMTV яңадан татар эстрадасын дер селкетәчәк!

Елга бер тапкыр гына TMTV телеканалы премияләрен тапшыру тантанасына эләгеп, җыр һәм моң дөньясына күмелеп була. Мондый мөмкинлекне кулыгыздан ычкындырмагыз. Билетлар алырга теләсәгәгез, kassir.ru и concert.ru. сайтларына мөрәҗәгать итегез. Барлык сорауларга җавапны 297-43-77 номерына шалтыратып белә аласыз.

Вакыйга: Татар музыкаль телеканалы TMTV премияләрен тапшыру тантанасы
Очрашу урыны: “Пирамида” концертлар залы
Очрашу вакыты: 17:00

чыганак: http://intertat.ru/tt