Логотип
Яңалыклар

Тинчурин театры “Әкият китабы” спектакленең премьерасын тәкъдим итә

Кәрим Тинчурин исемендәге Татар дәүләт драма һәм комедия театры 8 ноябрь көнне 12дә Шамил Фәрхетдинов әсәре буенча сәхнәләштерелгән “Әкият китабы” спектакленең премьерасын тәкъдим итә.

Куелыш җитәкчесе - РФның атказанган артисты, ТРның атказанган сәнгать эшлеклесе Рәшит Заһидуллин, режиссеры- Зөлфәт Закиров, рәссамы - Дмитрий Сарвин (Санкт- Петербург), композиторы - Ренат Бикбулатов, хореографы - Никита Жестков, хормейстеры - Алия Хәмзина, музыкаль җитәкче - Ксения Мөхәммәтҗанова. Спектакльдә катнашалар: Артем Пискунов, Рөстәм Гайзуллин, Илфак Хафизов, Илнур Байназаров, Салават Хәбибуллин, Айсылу Мөсәлләмова, Диләрә Фәттахова.

Борын-борын заманда яшәгән ди, булган ди, Гайрәт исемле шаян, шат күңелле һәм тапкыр бер егет. Ул Ханга хезмәт иткән. Ә Хан исә, башка ханнардан аермалы буларак, әкиятләрне үлеп яраткан. Әгәр ул көненә берәр яңа әкият укымаса, аның ашы-аш, суы-су түгел икән. Иң мөһиме шунда, ул һәр яңа әкияттә очраган бар нәрсәне дә хезмәтчесе Гайрәттән үзенә таптыра торган булган. Шулай итеп, тапкыр егет, Хан кушуы буенча, теләсә-теләмәсә дә, тылсымлы кылыч, куркыныч җанвар Алпамшаны һәм диңгез патшабикәсе Гүзәл сылуны эзләп юлга чыга, төрле илләр гизә һәм күп маҗараларга юлыга…

Әлеге мавыктыргыч әкият балаларга яхшылык, дуслык турында сөйли. Ул, балалар белән беррәттән, әти-әниләргә дә кызыклы булачак.

сылтама: http://tat.tatar-inform.ru/news/2015/10/24/114878/
 

Следите за самым важным и интересным в Telegram-каналеТатмедиа

Комментарий юк

Хәзер укыйлар