Тавыш бирергә килгәч, бюллетень алу өчен, чират торырга туры килде

Тавыш бирергә килгәч, бюллетень алу өчен, чират торырга туры килде – Альберт Бикмуллин
“Россия ветераннары партиясе” сәяси партиясенең төбәк бүлеге Татарстанның 18 муниципаль берәмлегенең вәкиллекле органнары депутатлары вазифасына үз кандидатларын тәкъдим иткән.

Бу хакта бүген “Пирамида” мәдәни-күңел ачу комплексында урнашкан ТР Үзәк сайлау комиссиясенең Бердәм мәгълүмат үзәгендә үткәрелгән брифингта “Россия ветераннары партиясе” сәяси партиясенең төбәк бүлеге рәисе Альберт Бикмуллин белдерде. Ул Татарстанда тавыш бирүчеләрнең шактый актив булуын билгеләп үтте. “Шәхсән үземә тавыш бирергә килгәч, бюллетень алу өчен, чират торырга туры килде”, – диде ул бу уңайдан.

Альберт Бикмуллин фикеренчә, иң мөһиме – халыкта бәйрәм кәефе күзәтелә. “Бу, әлбәттә, һава торышының матур булуына гына бәйле түгел. Татарстан – икътисади яктан нәтиҗәле үсеш ала торган төбәк. Нәкъ менә бу фактор тавыш бирергә килүчеләрнең күтәренке рухына сәбәп булып тора”, – диде ул үзенең чыгышында.

Альберт Бикмуллин билгеләп үткәнчә, Россия ветераннары партиясе – чагыштырмача яшь партия. Аның әгъзасы булып, ветераннардан тыш, 18 яше тулган гражданнар да сайлана ала. Партия зур тормыш тәҗрибәсе булган ветераннарның ватанпәрвәрлек хисләрен, бу идеологияне яшь буынга тапшыруын күз уңында тота.

“Без Россия, шул исәптән Татарстан Республикасы, күләмендә халыкта ватанпәрвәрлек рухының елдан-ел көчәюен күзәтәбез. Бөек Ватан сугышында Җиңүнең 70 еллыгын бәйрәм итү барышында моның шулай икәнлеге тагын бер кат дәлилләнде”, – дип билгеләп узды партия рәисе.

сылтама: http://tat.tatar-inform.ru/news/2015/09/13/113537/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8186
    1
    106
  • 8699
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9693
    1
    54
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...