«Татар кызы–2021»: бу исемне кем йөртер?

6 март көнне Казанда, Г. Тукай исемендәге Татар дәүләт филармониясендә «Татар кызы-2021» республика бәйгесенең финалы узачак. Сәхнәдә җиңүче таҗы өчен 12 кыз көч сынашачак. 

«Татар кызы» Халыкара конкурсы дирекциясе башкарма директоры Гүзәлия Гиниятуллина әйтүенчә, быел республикакүләм бәйгедә Татарстанның барлык районнары һәм шәһәрләре дә катнашкан: һәркайсы үз  вәкилен әзерләгән. Алты төбәктә үткән зона этабыннан, 200 кыз арасыннан 12 кыз сайлап алынган. Шунысын да әйтеп үтәргә кирәк: бу бәйге быел республикада алтынчы тапкыр үткәрелә. Узган ел, пандемия аркасында, ул уздырылмады.  
Бәйгенең максаты үзгәрмәде: кызларның җыр-биюдәге сәләте генә ачыкланмый бу конкурста. Һәрхәлдә, сәхнә өчен анысы да мөһим булса да. Иң беренче урында бәйгедә катнашучыларда халкыбызның мирасына кызыксыну уяту, туган телгә мәхәббәт тәрбияләү, гореф-гадәтләрне сеңдерү тора. 
Бәйгегә әле нокта куелмаган, әмма оештыручылар бу максатка инде ирешкәннәр дә. «Татар кызы-2021»дә  катнашучыларның берсе – Лаеш кызы Гөлназ Мисалова:
– Мин рус мәктәбендә укыдым, эшләгән урынымда да аралашу бары тик рус телендә генә.  Шуңа күрә бәйгегә бик борчылып килдем, бу яктан проблема тумасмы дип уйладым, – диде. – Без бер атна инде кызлар белән бәйгегә бергә әзерләнәбез. Иртәдән кичкә кадәр дәресләр, мастер-класслар уза... Әниләр инде сөенә: «Татарча хәзер әйбәтрәк сөйләшәсең», – диләр. Хәтта эштәге чатка да онытылып китеп татарча яза башлыйм...  
Кызларның бер-берсен тәрбияләве оештыручыларга күптән таныш.  Гүзәлия Гиниятуллина  өченче ел булган бер очракны искә төшерде: 
– «Татар кызы-2019» Халыкара бәйгесендә Швециядән Юлия Фәтхуллина катнашты. Ул Стокгольмда яши. Бер тапкыр да Татарстанда моңарчы булмаган иде. Казан буйлап экскурсиядә йөргәндә, Сөембикә манарасы янына килеп баскач, Юлия елый башлады... Бөтен кызлар тетрәнде шулчак. Тарихыбызга да, мәдәниятебезгә дә, телебезгә дә башкача күз белән карадылар... 

Оештыручылар әйтүе буенча, быелгы бәйгедә кызларның нәсел шәҗәрәләрен ни дәрәҗәдә белүләренә зур игътибар биреләчәк. Кызлар бер айга үз туган якларына кайтып, әби-бабалары, әти-әниләре белән аралашып, бу өлкәдә белемнәрен шактый баеткан инде. 

6 март көнне җиңү яулаган кыз көзен Үзбәкстанда узачак Халыкара бәйгедә Татарстан данын яклаячак. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4390
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12870
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2718
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10850
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13434
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда