Логотип
Яңалыклар

​Рөстәм Миңнехановның сайлауда көндәшләре билгеле була бара

Сентябрьдә үтәчәк президент сайлавында Рөстәм Миңнехановка көндәш булып Олег Морозов, Сергей Батин һәм Марат Әхмәтов катнашырга мөмкин.
Татарстанда фиркаләр эчендә сайлаулар – праймериз тәмамланды. «Катнашучылар саны 98% булды», диде Татарстан Дәүләт шурасындагы «Бердәм Русия» фракциясе рәисе Юрий Камалтынов.

Намзәтләрне партиянең район һәм шәһәр конференцияләрендә сайлаячаклар. Праймериз нәтиҗәсендә Татарстан президенты урынына Рөстәм Миңнеханов, Олег Морозов, Сергей Батин һәм Марат Әхмәтов тәкъдим ителгән. Документларны кабул итү 5 июнь тәмамлана.

13 сентябрьдә республика халкы Татарстан президентын һәм җирле үзидарә органнарына депутатлар сайларга тиеш. Муниципаль бермәлекләргә депутатлар сайлау республиканың 38 шәһәр һәм 872 авыл җирлегендә, ике шәһәр округында (Казан һәм Чаллы) үтәчәк.

Өч ел элек сайлау вакытында «Бердәм Русия» үз фиркасе эчендә намзәтләрне ачыклау максатыннан дип эчке сайлау – праймериз уздыра башлаган иде.

Белешмә

Рөстәм Миңнеханов, 58 яшь, 2010 елның 25 мартыннан биш ел Татарстан президенты

Олег Морозов, 61 яшь, 2012 елның 25 маеннан 2015 елның 23 мартына кадәр Русия президентының эчке сәясәт идарәсе башлыгы

Сергей Батин, 41 яшь, 2012 елның декабреннән Федерация шурасы әгъзасе

Марат Әхмәтов, 61 яшь, 1999 елдан Татарстан премьер-министры урынбасары, Авыл хуҗалыгы министры

Намзәтләр барысы да Татарстанда туган. 

Сылтама: http://www.azatliq.org/content/article/27049087.html

Следите за самым важным и интересным в Telegram-каналеТатмедиа

Комментарий юк

Хәзер укыйлар