​“Мин татарча сөйләшәм!” акциясенең быелгы үзенчәлекләре турында сөйләделәр


«Тяжело с татарским» антипремиясе ике дәүләт телен дә бертигез кулланмаган министрлыкларны билгеләячәк
26 апрель Казан шәһәрендә “Мин татарча сөйләшәм” акциясенә нәтиҗәләр ясалачак һәм гала-концерт узачак. Бу хакта бүген “Татар-информ” агентлыгында үткәрелгән матбугат конференциясендә акцияне оештыру эшләре башында торучылар – Бөтендөнья татар яшьләре форумы рәисе Тәбрис Яруллин, Бөтендөнья татар яшьләре форумы рәисе киңәшчесе Рәдиф Кашапов, җәмәгать эшлеклесе, журналист Римма Бикмөхәммәтова җентекләп сөйләде.

Тәбрис Яруллин 11 нче тапкыр үтә торган акциянең берничә чарадан торуын билгеләп узды. Республика мәктәпләрендә бәйге уздыру, «Татар-дозор» квест-уены, «Тяжело с татарским» антипремиясен тапшыру, Яр Чаллы, Әлмәт шәһәрләрендә концерт турлары һәм Бауман урамында гала-концерт үткәрү. Акциянең төп максаты – Татарстан Республикасында икетеллелек турындагы законның үтәлешен өйрәнү, милли мирасны саклау, татар теленең кулланылыш даирәсен киңәйтү, укучыларның иҗадилыгын арттыру.

«Татар-дозор» квест уены 17 апрель көнне узган. Барлыгы 300дән артык кеше командаларга бүленеп, алдан билгеләнгән маршрут буенча йөреп, сәүдә нокталарында һәм кафеларда татар теле кулланылыш дәрәҗәсен тикшергән. “Маҗаралы уен быел сигезенче тапкыр үткәрелде. Катнашырга теләүчеләр саны елдан-ел арта бара. 31 команда 26 нокта буенча Казанның тарихи урыннарын үтеп, төрле иҗади биремнәр башкарды, мәсәлән, флешмоб, шәһәрнең тарихына кагылышлы табышмакларга җавап бирү һ.б.лар. Һәр пункттагы бирем Казан тарихы һәм татар әдәбияты белән бәйле булды - быелгы квест-уенның үзенчәлеге шунда”, - дип бәян итте Тәбрис Яруллин.

Катнашучылар "Гыйлем" фәнни-популяр медиа-проекты тарафыннан оештырылган биремдә фәнни терминнарны татарчага тәрҗемә иткән, шулай ук арт-перфоманс оештыру, кинофильмга сценарий язу, күренекле татар эшлеклеләре яшәгән урыннар белән танышу мөмкин булган. Һәркем Казанның Бауман урамында масштаблы флешмобта зур "Ә" хәрефе ясауда катнаша алган. Квест җиңүчеләре 26 апрельдә “Мин татарча сөйләшәм!” акциясенең төп өлешендә бүләкләнәчәк.

“Быел без татар телен архитектура белән бәйләргә булдык”, - дип, Тәбрис Яруллин Бауман урамында яшь архитекторларның урам күргәзмәсе узачагын әйтте. Аның сүзләреннән аңлашылганча, татар кулъязмасына багышланган архитектур формаларның урам күргәзмәсендә урам җиһазлары тәкъдим ителәчәк. Шәһәр дизайнында яшь архитекторлардан татар хәрефләре һәм сүзләрен яңа формада күрергә мөмкин булачак.

Акция уңаеннан, республикабызның зур шәһәрләрендә концерт туры оештырылачак. Бу хакта Рәдиф Кашапов сөйләде. Аның әйтүенчә, "Мин татарча сөйләшәм!" акциясе Әлмәттә 23 нче апрельдә, Яр Чаллыда 24ендә һәм Казанда 26 нчы апрельдә үткәреләчәк. Шәһәрләрнең үзәк урамнарында татар альтернатив музыка башкаручылары катнашында зур концертлар карап булачак.

“Мин татарча сөйләшәм!” акциясенең гала-концерты исә 26 нчы апрель көнне 16 сәгатьтә узачак. Шулай ук Россиянең бүтән төбәкләреннән дә кунаклар – Башкортстанның татар һәм башкорт яшьләре, Марий Эл һәм Удмуртия Республикаларыннан, Саратов, Ульяновск һәм Киров өлкәләреннән һ.б. шәһәрләрдән актив яшьләр килер дип көтелә. Традиция буларак, "Мин татарча сөйләшәм!" концерт программасы быел да "тере" татар музыкасына һәм яшь башкаручыларга өстенлек биргән.

Акциянең музыкаль бизәлеше - лейбл Yummy Musicтан. K-Ru&Ittifaq, Илгиз Шәйхразиев, Оскар&C7C5, Рәдиф Кашапов, Зарина Вилданова һ.б.лар ул көнне бер сәхнәдә чыгыш ясаячаклар. Шулай ук акция кысаларында "тере" музыка конкурсы да үткәрелгән; аның нәтиҗәләре буенча инде үз тамашачысын табарга өлгергән “ALTAN” һәм “Yellow Side” реп-төркемнәре, Эльнар Байназаров, “Асылташ”, “Baradj” һәм “Juna” төркемнәре дә, танылган җырчылар белән беррәтән, чыгыш ясаячак. Шулай ук легендар "Алканат" рок-төркеме һәм Мәскәү шәһәреннән "Шүрәле" татар этно-поп-рок төркеме чыгыш ясавы ниятләнә.

Моннан тыш, татар фольклоры һәм заманча бию электрон музыкасы юнәлешендә "Tatarsis" проектын тәкъдим итү дә көтелә. Әлеге проектның авторы, идеологы, композитор - Радик Сәлимов. Ул - заманча академик жанрларда иҗат ителгән, республикабызның алдынгы коллективлары һәм башкаручылары өчен музыкаль әсәрләр авторы.

Римма Бикмөхәммәтова «Тяжело с татарским» антипремиясе турында сөйләде. Оештыручылар тарафыннан акция дәвамында кибетләр, сәүдә һәм сервис тармакларында татар телен инкарь иткән оешма исемлекләре төзелә. “Быел дәүләт учреждениеләре рейтингын төзүгә ныклап керештек. Беренче чиратта, 17 министрлыктан башладык. Моңа кадәр күзәтүләр буенча Юстиция министрлыгы гына сайтында татар телендә мәгълүмат бирү буенча лидерлар рәтендә булса, быел Финанс министрлыгының бу юнәлештә уңышлы эшләвенә сөендек, ягъни законнар, норматив-хокукый актлар буенча ике дәүләт телендә дә мәгълүмат бертигез бирелә. Авыл хуҗалыгы һәм азык-төлек министрлыгын да алдынгылар сафына кертеп була”, - дип бәяләде Римма Бикмөхәммәтова. Ә менә Яшьләр эшләре һәм спорт министрлыгы, Урман хуҗалыгы министрлыгы, ГО һәм гадәттән тыш хәлләр министрлыгы, Мәдәният, Мәгариф һәм фән, Сәламәтлек саклау министрлыклары, аның әйтүенчә, бу өлкәдә бик сүлпән эшли.

Министрлыкларның кабул итү бүлмәсенә шалтыратып, теге яки бу үтенеч белән мөрәҗәгать иткәндә ике телдә дә җавап бирү дәрәҗәсенә дә бәя бирелгән. Римма Бикмөхәммәтова Юстиция, Авыл хуҗалыгы һәм азык-төлек, Җир һәм милек мөнәсәбәтләре, Мәгариф һәм фән министрлыкларында шалтыратучыга җавапның саф татар телендә кайтарылуын билгеләп узды. Яшьләр эшләре һәм спорт министрлыгында исә кабул итү бүлмәсендә эшләүче сәркатип татар телендә сорауны бөтенләй аңламаган. Антипремиянең быелгы лауреатлары әлегә сер булып кала – бу хакта 26 нчы апрельдә игълан ителәчәк. Оештыручылар ассызыклаганча, антипремия кемнедер кимсетү максатын күзалламый, киресенчә, камилләшүгә этәрә. “Ел саен антипремия үз нәтиҗәләрен күрсәтә, оешмалар ике дәүләт телен дә файдаланып эш итә башлый”, - дип белдерде алар. 
сылтама: http://tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8149
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7400
    2
    73
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3587
    1
    39
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4329
    1
    39
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3495
    0
    25
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда