Мамадыш районы башлыгы РФ Дәүләт Думасы депутатлыгына кандидатларга тавыш биргән

Мамадыш район башлыгы Анатолий Иванов РФ VII чакырылыш Дәүләт Думасы депутатларын сайлауда үз тавышын биргән.

Җирле «Нократ» («Вятка») газетасы язуынча, Мамадышта сайлау участокларына сайлаучылар күп килү сәбәпле чиратлар барлыкка килгән. Шуларның берсендә Анатолий Ивановка да басып торырга туры килгән. «Мамадыш ТВ» телеканалына биргән интервьюсында ул үзенең гражданлык бурычын үтәү өчен күпме басып торырга да риза икәнлеген белдергән.

«Россиянең, үзен тәрбияле һәм җаваплы санаган һәр гражданы, бүген үз тавышы белән бүлешергә тиеш. Аерым кешеләрне сайлап без Татарстан язмышын хәл итәбез. Бүген ул безнең барыбыздан да тора. Мин участокларда мамадышлылар активлыгыннан бик канәгать. Бу – бәйрәм һәм минем кәеф бәйрәмчә», – дип белдергән Иванов.

Исегезгә төшерәбез, «Татар-информ» агентлыгы ТР ҮБК Бердәм мәгълүмат үзәге онлайн-трансляциясен «Пирамида»күңел ачу комплексында оештырды. Трансляция төнге сәгать бергә кадәр барачак. Мәгълүматлар белән агентлык сайтыннан да танышып барырга була.

чыганак - http://tatar-inform.tatar/