Коррекцион мәктәпләрдәге үзенчәлекле балаларның хыяллары фестивальдә тормышка аша

Рузилә Мөхәммәтова
Фото: Рамиль Гали

Бүген “Әкият” балалар үзәгендә физик кимчелекләре булган кешеләр өчен «Возьмемся за руки друзья» Х Республика иҗат фестиваленең гала-концерты үтте.

Быел фестивальдә Казан, Яшел Үзән, Арча, Лаеш, Минзәлә, Нурлат, Питрәч һәм Саба районнарыннан – барлыгы 17 махсус коррекция мәктәбе, балалар йортлары һәм интернатлардан 500ләп бала килгән иде. Талантлы балалар белән бер сәхнәдә татар эстрадасыартистлары Салават Фәтхетдинов, Гүзәл Уразова. Филүс Каһиров, Фирзәр Мортазин һәм башкалар чыгыш ясады.

 Гала-концертка Татарстан Республикасы Президенты ярдәмчесе Ләйлә Фазлыева, Казан шәһәре мэры Илсур Метшин, министрлыклар һәм иҗтимагый оешмалар вәкилләре килгән иде.

«Бүген үзенчәлекле балалар һәм өлкәннәр өчен унынчы ел рәттән уздырылучы «Возьмемся за руки друзья» фестиваленең гала-концертын карадык. Бу фестиваль моннан ун ел элек бары тик ике интернатта яшәүчеләр катнашында башланып киткән иде. Хәзер инде 17 интернат үз талантларын тәкъдим итә. Биредә интернатлар гына түгел, коррекция мәктәпләре дә, социаль яклау оешмалары да. Аларның һәрберсендә күпме талант яши, - диде Татарстан Президенты ярдәмчесе Ләйлә Фазлыева «Татар-информ» хәбәрчеләренә. – Фестивальдә катнашучылар белән бер сәхнәдә чыгыш ясарга Россия һәм татар эстрадасы йолдызлары килгән иде».

«Яңа ел алдыннан хыялларны тормышка ашыру, могҗазаларга ышандыру – бу фестивальнең традициясе. Залдагы һәр кеше үз шәхси бүләген тапшырды. Монда Президент Аппараты хезмәткәрләре дә, Министрлар Кабинеты хезмәткәрләре дә, Дәүләт советы хезмәткәрләре дә, депутатлар да катнашты. Биредә Казанның Совет районы территориясендә эш итүче учреждениеләр вәкилләре дә бар иде. Чөнки фестиваль шушы Совет районында старт алды», - дип дәвам итте Ләйлә Фазлыева.

«Биредә аерым бер энергетика хөкем сөрә. Чөнки катнашучылар киртәләр аша үтеп йолдызларга таба баралар. Балалар психоневрология интернаты моның ачык мисалы. Алар ел дәвамында бер генә җыр өйрәнә алалар. Һәм алар аны өйрәнә. Беренче елны аерым авазлар гына ишетсәк, быел алар шактый катлаулы әсәр башкардылар, - ди ул сокланып. – Биредә эш нәтиҗәләре белән горурланырга мөмкин. Шушы нәни геройларның максатчан булулары да горурлык уята».

Ләйлә Фазлиева фестивальне оештыручыларның катнашучылар язмышы белән кызыксынып торуын ассызыклый. «Аларның һәрберсе үз хыялын җиткерә. Кем өчендер ул музыка уен коралы, балалайка, мәсәлән, кемдер уен приставкасы, кемдер зур ташлы колак алкасы сорый, кемнеңдер вертолет очыртасы килә. Яңа ел алдыннан барлык хыяллар да тормышка аша», - ди ул елмаеп. 

Чыганак: http://tatar-inform.tatar

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7475
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4341
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3040
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда