Киелгән кием-салым, текстиль әйберләрне җыю өчен Казанда бокслар куела.
Тотылган кием-салым һәм текстиль әйберләрне кая тапшырырга дип баш ватучылар өчен яхшы яңалык: Казанда моның өчен махсус бокслар куела. Андый 35 бокс инде бар, ел ахырына кадәр тагын 35 бокс куелачак.
Җыелган әйберләрне аралап, яраклылары – икенче кулланылышка, бик искеләре чималга тапшырылачак. «Не просто вещь» дип аталучы мондый боксларны торак комплексларына, сәүдә үзәкләренә һәм җәмәгать урыннарына куярга ниятлиләр.
Бокслар олылар һәм балалар киеме, җиңел текстиль – урын-җир җәймәләре, сөлге, тәрәзә пәрдәләрен кабул итә.
Мәскәү, Санкт-Петербург, Түбән Новгород шәһәрләрендә һәм Мәскәү, Ленинград өлкәләрендә шундый 1250 бокс инде эшли.
Следите за самым важным и интересным в Telegram-каналеТатмедиа
Комментарий юк