Хуҗабикәләргә пособие түләнәчәк

Көненә ничә тапкыр ашарга әзерлә, аннары савытларны юу, өйне җыештыр, балалар белән дәрес әзерлә, түгәрәкләргә илт, алып кайт... Кибеттән ризык ташы, кер юдыр, үтүклә...  Өстәвенә, «көн буе өйдә утырасың, нәрсә генә эшләдең?» дигәнне дә ишет... Көн дә каядыр барып эшләмичә, өйдә йорт хуҗалыгы белән генә шөгыльләнүче хуҗабикәләргә бик тә таныш күренеш бу. Ә бит өйдәгесен генә карап тору да – каядыр барып эшләп кайткан кебек үк хезмәт. Рас шулай икән, димәк, аңа караш та башка төрле булырга тиеш: хезмәт стажына кертелергә, тиешле хак түләнергә...

Мондый реформа Россиянең Дәүләт Думасында тикшерелә башлады да инде. Барысы да  интернеттагы петициядән башлана.

Хуҗабикә статусын хезмәт кенәгәсендә теркәп, хезмәт стажына кертергә һәм яшәү минимумы күләмендә түләү кертергә, – дип яза инициатива авторлары. Алар фикеренчә, бу илдәге демографик хәлне дә яхшыртырга булышыр иде. Өйдә балалар тәрбияләгән өчен әни кешегә аз булса да акча түләнсә, киләчәктә пенсия алуга өмете булса, гаиләләр балаларны күбрәк тә табарга мөмкиннәр бит. Күп балалы әниләр хуҗабикә булуның нинди хезмәт икәнен бик яшы белә. Алар өчен ял көннәре дә, больничныйлар да, җәйге яллар да юк. Аның каравы, туктаусыз эш һәм җаваплылык бар: барысын да кайгырт, барысына да өлгер, барысын да булдыр... Ник соң бу хезмәтне бераз булса да бәяләмәскә?! Ул бит ахыр чиктә җәмгыять өчен күрсәтелгән хезмәт!

Статистика буенча, Россиядә 3,6 млн хатын-кыз хуҗабикә статусында санала икән. Шулай ук әлеге рольдә булган ирләр дә бар. Алар 300 мең кеше.

Әмма мәсьәләнең икенче ягы да бар. Ирләре акчаны күп тапкан, мул тормышта яшәүче хатын-кызларның да, хуҗабикә булып, үз-үзләрен генә тәрбияләп яшәүләре дә мәгълүм. Пособие ул очракта, аларга да түләнергә тиеш буламы, дип борчылучылар да бар.

Хәзер Россия Дәүләт Думасында әлеге тәкъдим буенча бәхәсләшүләр бара. Ул закон проектын Дәүләт Думасына ЛДПР депутатлары  тәкъдим иткән.

Депутатлар әлеге идеяне хупласа, 2021 елның 1 гыйнварыннан йорт хуҗалыгы белән генә мәшгуль хуҗабикәләргә бер минималь хезмәт хакы күләмендә пособие түли башларга мөмкиннәр.

Аңлатма запискасында йорт хуҗалыгы белән мәшгульлек дигәндә, өй җыештыру, ашарга пешерү, балалар тәрбияләү, карт әти-әнине, тумыштан беренче группа инвалид туганнарны карау кебек хезмәтләр күздә тотыла.

Бер искәрмә дә бар: әлеге пособие гаиләдән бер генә кешегә түләнә, анысы да гаиләдәгеләрнең җан башына керемнәре ике минималь хезмәт хакы күләменнән артмаган очракта гына. Димәк, олигарх хатыннары бу пособиегә өметләнә алмый. Ә менә күп балалы гаиләләр өчен ул сизелерлек ярдәм булырга мөмкин.

Рәсем: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7347
    1
    65
  • 7141
    0
    58
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7170
    1
    50
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5011
    2
    50
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»