Казанда Альбина Шаһиморатова белән Рубин Абдуллин чыгыш ясаячак

Казанда дөньякүләм танылган сәхнә йолдызлары – опера җырчысы Альбина Шаһиморатова белән органда уйнау остасы Рубин Абдуллин концерты була. Казан консерваториясе хәбәр иткәнчә, артистлар 10 ноябрь көнне С.Сәйдәшев исемендәге Дәүләт зур концерт залында чыгыш ясый.

10 ноябрьдә булачак кичә программасына Сен-Санс, Моцарт, Франк, Брамс, Ройбкеның орган һәм вокаль әсәрләре кертелгән. Концертта иң мәһабәт музыка уен коралының күпкырлы яңгырашын да, аның югары вокал осталыклы Шаһиморатованың колоратур сопрано тембрлы искиткеч тавышы белән бергә яңгырашын да тыңлап хозурланырга була. Программаны сәнгать белеме кандидаты Юрий Карпов тәкъдим итәчәк. Концерт Organo pleno халыкара фестивале кысаларында уздырыла. Фестиваль исә Казан дәүләт консерваториясе тарафыннан 1997 елдан бирле ел да үткәрелә. Бу хакта Казан консерваториясенең концерт-иҗат эшчәнлеге һәм халыкара хезмәттәшлек бүлеге хәбәр итә.

Альбина Шаһиморатова – Татарстанның халык артисты, М.Җәлил исемендәге Татар дәүләт опера һәм балет академия театры солисты, Татарстанның Г.Тукай исемендәге Дәүләт бүләге лауреаты, М.И.Глинка исемендәге (Чиләбе, I премия), Франсиско Виньяс исемендәге (Барселона, Испания, III премия), П.И.Чайковский исемендәге (Мәскәү, I премия һәм алтын медаль) халыкара конкурслар, “Операда хатын-кыз роле” номинациясе буенча “Алтын битлек” Россия милли театр премиясе, Casta музыкаль критиклар премиясе лауреаты. 

Рубин Абдуллин – орган музыкасын мәшһүр башкаручы, Казан орган мәктәбенә нигез салучы, Н.Җиһанов исемендәге Казан дәүләт консерваториясе ректоры; Россиянең һәм Татарстанның халык артисты, Россиянең атказанган сәнгать эшлеклесе, профессор. Музыка сәнгате үсешенә керткән өлеше Россия Федерациясе Дәүләт премиясе, әдәбият һәм сәнгать өлкәсендә М.Җәлил исемендәге Татарстан Республикасы премиясе һ.б. дәүләт бүләкләре белән бәяләнгән. чыганак: http://tatar-inform.tatar/news

Тагын укый аласыз:
ТАТАР ҖЫРЧЫСЫ АЛЬБИНА ШАҺИМОРАТОВА НЬЮ-ЙОРК СӘХНӘСЕНДӘ - http://www.syuyumbike.ru/yanalyklar/?id=310

АТАКЛЫ ОПЕРА ЙОЛДЫЗЫ АЛЬБИНА ШАҺИМОРАТОВА ӘНИ БУЛДЫ!  http://www.syuyumbike.ru/yanalyklar/?id=102
 


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2179
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5942
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан