Июнь аенда ике эш атнабыз кыскарак булачак

Җәйнең бу беренче аенда ике эш атнабыз кыскарак булачак дип көтелә. 
Аның беренчесе 12 июньдә узачак Россия көне белән бәйле. 12 июнь җомга – эш көненә туры килә, шулай итеп, ул атнада яллар 12 июньнән 14 июньгә кадәр озыная. Бәйрәм алдыннан эш көне бер сәгатькә кыскара.
Икенчесе – 24 июнь көнне булачак Җиңү парады белән бәйле. Исегездәдер, быел парадның 24 июнь көнне узачагын Россия Президенты Владимир Путин алдарак игълан иткән иде инде. Илдә үзизоляция режимы кертелгәнгә күрә гадәттәгечә 9 Май көнне узмады, күчерелде ул. Шулай итеп, быел 24 июнь эш көне булмаячак, әмма аннан алдагы көнне эш сәгате кыскармый.